Ìwádìí ní gómìná New York fipá k'ẹnu ìfẹ́ sáwọn obìnrin, Biden rọ̀ ọ́ pé kó fipò sílé

Eleyii ko ṣẹyin bi abọ iwadii kan ti fihan pe Ọgbẹni Cuomo ti fi ipa dọwẹkẹ ifẹ sawọn obinrin kan.

Biden sọrọ yii lẹyin ti agbẹjọro agba, Letitia James sọ pe Cuomo ti tapa si ofin ipinlẹ ati ti ijọba apapọ pẹlu.

Ṣugbọn ninu ọrọ rẹ, Ọgbẹni Cuomo ni oun ko fọwọ kan ẹnikẹni lọna aitọ ri.

Cuomo ni mimi kan ko le mi oun lori aleefa ipo gomina ti oun wa nitori oun ko jẹ gbi, oun ko si ni b'awọn ku gbi.

O ṣeeṣe ki wọn yọ Cuomo nipo, bakan naa ni o tun jẹjọ lori ẹsun iwa ọdaran mii.

"Ero mi ni pe o yẹ ki Cuomo kọwe fipo silẹ.

Mo gbọ pé ile igbimọ aṣofin le yọ ọ nipo.

Mi ko tii lanfaani lati ka alaye lori ẹsun ti wọn kan Cuomo," Biden lo sọ bẹẹ.

Lọdun to lọ ni iwadii bẹrẹ lori ọrọ Ọgbẹni Cuomo lẹyin tawọn obinrin kan fi oríṣìíríṣìí ẹsun kan an.

Igbimọ ọhún ba awọn obinrin to to igba sọrọ to fi mọ awọn oṣiṣẹ rẹ, bakan naa ni wọn ṣe ayẹwo ẹgbẹẹgbẹrun akọsilẹ.

"Ọgbẹni Cuomo fi ọwọ ra ọrun ẹnikan.

Oun ati oṣiṣẹ rẹ kan tun gbẹsan lára oṣiṣẹ rẹ tẹlẹ rí nitori o fẹsun kan an.

Awọn obinrin mii sọ pe Cuomo fi ipa dẹnu ko awọn lẹnu, nigba t'awọn kan ni gomina ni k'awọn joko sori itan oun.

Amugbalẹgbẹ Cuomo ni gomina New York ki ọwọ bọ aṣọ oun lati le tẹ oun lọyan.

O tun beere fun Ibalopọ lọwọ amugbalẹgbẹ rẹ ọhún," agbẹjọro agba lo ṣalaye bayii.

Àmọ́, Cuomo duro lori ẹsẹ rẹ, o ni oun ti pe ọgọta le mẹta ọdún laye.

Igbe aye ilumọọka si ni oun ti gbe nigbogbo ayé òun.

Cuomo ni oun kọ ni wọn n sọ nípa rẹ.