America immigration laws: Aàrẹ Joe Biden yóò so àwọn ẹbí ti ìjọba Trump túka papọ̀.

Joe Biden

Oríṣun àwòrán, @Joe Biden

Ààrẹ Joe Biden yoou yóò so àwọn ẹbí ti ìjọba Trump túka papọ̀.

Ààrẹ Joe Biden ti gbe ìgbésẹ̀ àkọ́kọ́ láti yí àwọn òfin ti ìjọba ààrẹ Donald Trump gbé kalẹ̀ lórí àwọn àtìpó to wa sílẹ̀

Ó ṣe àgbékalẹ̀ ìgbìmọ̀ tí yóò ko ẹbí àwọn ti ìjọba Trump pín níyà pẹ̀lú òbí wọn láàrin ibodè U.S ati Mexico.

Lásìkò tí ó ń tọwọ́ bọ náà nílé ìjọba, Biden ni àwọn ṣetán láti ba gbogbo òfin tí kò tọ́ lásìkò ìjọba rẹ̀.

Ní ọjọ́ ìṣẹ́gun, ni ilé ìgbìmọ̀ asòfin àgbà jan agbẹjọ́rò ọmọ bíbí Cuba kan Alejandro Mayorkas gẹ́gẹ́ bí akọ̀wé Homeland Secretary.

Ó jẹ́ àtìpó àkọ́kọ́ to ṣáájú àjọ ètò ààbò fún àwọn àtìpó àti àwọn to wa ni etí ibodè ìlú.

Àkọlé fídíò, Ìtanijí lórí BBC Yorùbá: Odú Iwori Obara bá wa sọ̀rọ̀ lórí ìfaradà tó pọ̀

Ìbò tó gbé wọlé fihàn pé àárín ọmọ ilé igbimọ̀ asòfin àgbà ẹgbẹ́ òṣèlú Republican àti Democrat ko gún.

Biden ni òun yoo fi àwòrán obìnrin dúdú sórí owó dọ́là ilẹ̀ Amẹrika.

Skip Èyítí A Ń Kà Jùlọ and continue reading
Èyítí A Ń Kà Jùlọ

End of Èyítí A Ń Kà Jùlọ

Àkọlé fídíò, Trump picture: ọjọ́ tí Trump kí mi kú iṣẹ́ lórí 'twitter' ní inú mi dùn jù- Oyedele

Ẹgbẹ̀gbẹ̀run àwọn òbí àti àwọn ọmọ tó ló ń gba ibodè Amẹrika wọlé lati Honduras, El Salvador àti Mexico lásìkò ogun ni wọ́n ti tì mọ́lẹ̀.

Lásìkò ìpolongo ìbò Trump lọ́dún 2016, ó gbájú mọ́ ọ̀rọ̀ ààbò lẹ́nu ibodè U.S.

Ó mú ìlérí rẹ̀ ṣe nípa kíkọ́ ọdi gíga láti pín Mexico, bí kò tilẹ̀ ṣe tó bí ó ṣe sọ, Mexico náà kò san owó ti wọn nínú àdéhùn náà.

Àkọlé fídíò, Akomolede ati Asa Ondo: Wo ìdí tí Yorùbá ṣe ń lo Ìjàpá ni olú ẹ̀dá ìtàn Àlọ́ Àpagbé- Oyelo