Bayelsa teacher rape: Olùkọ́ fipá bá akẹ́kọ̀ọ́ ọmọ ọdún mẹ́tàlá lòpọ̀ títí dójú ikú ní Bayelsa

Bayelsa

Oríṣun àwòrán, @pictocodc

Olukọ fipa ba akẹkọọ ọmọ ọdun mẹtala lopọ titi doju iku

Bayelsa: Olukọ fipa ba akẹkọọ ọmọ ọdun mẹtala lopọ titi doju iku

Arakunrin Promise Sylvanus Ogun to jẹ olukọ nile iwe Government Secondary School, Toroegbeni ni wọn ti fẹsun kan pe o fipa ba akẹkọọ rẹ lopọ titi to fi ku.

Olukọ to jẹ ọgbọn ọdun fipa ba ọṃbinrin naa lopọ ni agbegbe ijọba ibile Sagbamu ni ilu Bayelsa.

Awọn ẹbi ọmọdebinrin to ti doloogbe naa ati olori abule naa ni arakunrin Promise koko jẹwọ pe lootọ ni oun fipa ba ọmọ naa lopọ, ko to di wi pe o yi ohun pada.

Iwadii fihan pe nkan bii oṣu kẹta, ọdun 2020 ni olukọ rẹ ti dasi lọna ni ibi to ti lọ wẹ ni odo, to si fi ipabalopọ nigba meji ọtọọtọ.

Àkọlé fídíò, 'Bí aya bá kọ ọkọ rẹ̀ silẹ̀, kó wà láì lọ́kọ̀'

Baba ọmọbinrin to doloogbe naa ni ọmọ naa ko dele sọ nkan to sẹlẹ sip e wọn ti fipabalopọ.

Amọ, sa deede ni wọn ri wi pe ẹjẹ n da lara rẹ diẹ diẹ, ti wọn sigbe lọ si ileewosan labẹle nibi ti wọn ti sọ fun awọn obi rẹ wi pe niṣe ni wọn fi ipa ba lopọ.

Skip Èyítí A Ń Kà Jùlọ and continue reading
Èyítí A Ń Kà Jùlọ

End of Èyítí A Ń Kà Jùlọ

Iwe iroyin abẹle naa naa lẹyin naa ni wọn lọ koju olukọ naa, to si jẹwọ pe lootọ ni oun ṣe aṣemaṣe naa, o si gba lati ṣe itọju ọmọbinrin naa.

Awọn obi rẹ ni o gbe ọmọ naa lọ si ile iwosan nibi ti o ti n gba itọju fun ọsẹ kan.

Àkọlé fídíò, Adebola Ademilua: Àìrísẹ́ ṣè lẹ́yìn ìwé kíkà ló sọ mi dí ìyá onírú, mo dúpẹ́ tèmi

Amọ, lẹyin ọsẹ kan ni olukọ naa gbe ọmọ naa wale pada pẹlu bi ẹjẹ ṣe n da ni ara rẹ.

Baba ọmọbinrin naa ni lẹyin ọjọ meji ti olukọ to fipaba ọmọ naa lọpọ naa da pada si ile awọn lo dagbere fun aye.

Amọ, olukọ yi ohun pada pe baba ọmọbinrin naa n lepa ẹmi oun ni oun ṣe salọ ati wi pe ọrọ ko ri bẹẹ mọ lori ẹsun ifipabanilopọ.

Nibayii, ajọ to n gbogun ti iwa ifipabanilopọ lawujọ ati ajọ Girl Response Initiative Team ti iyawo gomina ipinlẹ Bayelsa, Abilekọ Gloria Diri gbekalẹ yoo bẹrẹ iwadii lori iṣẹlẹ naa.

Nitori ileeṣẹ ọlọpaa nipinlẹ naa ti lọ fi panpẹ ọba mu baba ọmọbinrin naa lẹyin ti olukọ fi ẹsun kan baba pe o fẹ pa oun.

Ajọ ajafẹtọ ọmọbinrin naa ni ileeṣẹ ọlọpaa ko ṣiṣẹ wọn bi iṣẹ nitori wọn ko ṣewadii ohun to ṣẹlẹ, ti wọn si n gbogun ti baba ọmọbinrin naa.

Wọn fikun pe ẹni to fi ipa ba ọmọbinrin naa lopọ ko ni lọ lai jiya ẹsẹ rẹ, nitori ileeṣẹ ọlọpaa gbọdọ ṣe awari rẹ, ki o si foju wina ofin nitori o jẹwo pe lootọ ni oun fi ipa ba ọmọbinrin naa lọpọ to si jasi iku rẹ.