"Муҳожирлар тикув цехига қасддан ўт қўйилган бўлиши мумкин"

Москвадаги тикув цехида 30 январ куни рўй берган ёнғин оқибатида ҳалок бўлган инсонлар сони 12 га етгани ҳақида хабар тарқатганлар россиялик расмийлар.

Ҳалок бўлганларнинг ҳаммаси марказий осиёлик меҳнат муҳожирлари бўлганлар, дея хабар тарқатмоқдалар Россия оммавий ахборот воситалари.

Ёнғин 30 январ тунида Москванинг Строминка кўчасидаги тикув цехида келиб чиққан.

Ёнғиннинг жуда кучли бўлганини айтмоқдалар фавқулодда вазиятлар ва ўт ўчириш хизматлари.

Аланга кучлилигидан ўт ўчирувчилар бинога яқинлаша олмаганлар.

Тикув цехининг томи қулаб тушган.

31 январ куни вайроналар остидан инсонларнинг куйиб кетган жасадлари топилган.

Ҳалок бўлганлар орасида уч нафар бола, бири ҳатто бир ёшга ҳам тўлмагани хабар қилинмоқда.

Терговчилар тахмин қилишларича, меҳнат муҳожирлари тикув цехида яшаб келганлар.

Ёнғинга нима сабаб бўлгани ўрганилмоқда.

Тахминлардан бири - бинога атайин ўт қўйилган бўлиши мумкин.

Терговчилар бир неча ёнғин манбасини топганлар.

Россия Тергов қўмитаси Москва бўлими ёнғин юзасидан жиноят иши қўзғаган.

Бу иш "эҳтиётсизлик туфайли инсонлар ўлимига ёки бошқа оғир оқибатларга олиб келган мулкни атайин йўқ қилиш ёки шикаст етказиш" банди бўйича экани ҳақида айтган Тергов қўмитаси вакили.

Меҳнат муҳожирларининг қайси республика фуқаролари экани аниқлаштирилмоқда.