Дунёда Турк сериаллари мухлислари ортиб бормоқда

Туркияда тасвирга олинаётган кўп қисмли телевизион бадиий филмларга бўлган талаб йил сайин ортиб бормоқда.

Бу йил Туркияда ишланган телесериаллар экспортидан мамлакат 350 миллион доллар фойда кўради, деб кутилмоқда.

Hurriyet рўзномаси ёзишича, Франциянинг Канн шаҳрида ўтказилган йиллик жаҳон кўнгилочар маҳсулотлар кўргазмаси - MIPCOMда Туркиянинг номи ошкор этилмаган телесериалининг бир серияси учун 200 минг долларлик шартнома имзоланган.

Туркия киносаноати ичини яхши биладиган мутахассислар маълум қилишларича, мамлакатнинг ўз телевизион маҳсулотлари экспорти ҳажми атиги 10000 АҚШ долларини ташкил этган.

Турк сериалларига халқаро эътибор 2008 йилда "Гумуш" телесериалини MBC TV Араб телеканали сотиб олганидан кейин кучайиб кетди.

MBC TV ни кўплаб Араб мамлакатларида томоша қилишади, шу сабабли бой-бадавлат оилага келин бўлиб тушган қиз ҳақидаги "Гумуш" бутун Араб дунёсида машҳур бўлиб кетган.

Бунинг ортидан арабларнинг Турк телесериалларига қизиқишлари янада кучайган.

Deloitte консултантлик ширкати ҳисоб-китобига кўра, 2014 йили Туркия сериалларини жаҳон бўйлаб 400 миллион томошабин томоша қилган.

2015 йилги MIPCOM кўргазма-бозорида Туркия "Шарафли мамлакат" деб топилган ва ўз телемаҳсулотларини 80 дан ортиқ мамлакатга сотишга муваффақ бўлган.

2023 йилга бориб Туркия телесериаллар экспортидан йилига 1 миллиард доллар даромад кўради деб хомчўт қилинмоқда.

Дистрибютерлар ўз маҳсулотларини Лотин Америкаси, Скандинавия, Индонезия, Малайзия, Ҳиндистон ва Хитойда ҳам сотишга умид қилмоқдалар.

Муваффақият асосий гарови Турк киноижодкорларининг серҳашам тарихий драмаларга кўпроқ эътибор қаратганлари деб ҳам кўрилмоқда.

"Муҳташам юз йил" сериали Россия телеканалларида ҳам намойиш этилди, бу намойиш ушбу телесериалнинг деярли барча собиқ СССР республикалари, хусусан, Ўзбекистонда ҳам машҳур бўлиб кетишига сабаб бўлди.

Бутун оламда шуҳрат қозонган сўнгги асарлар сифатида "Ишқ ва Жазо"(Ask ve Ceza) ва "Синган парчалар"(Paramparca) сериаллари тилга олинмоқда.

Ўтган йили Туркия ишлаган "Минг бир кеча" романтик драмаси кутилмаганда Чилида машҳур бўлиб кетди.

Бунинг ортидан эса ўзининг телесериаллари билан оламни ўзига ром қилиб келаётган бутун Лотин Америкаси мамлакатларида Турк сериаллари янада оммалашди.

Турк сериаллари Туркия туризми ва маҳсулотлари янада оммалашишига, Туркиянинг қўшни мамлакатларга маданий таъсири ошишига ҳам олиб келмоқда.

Бу Туркиянинг "юмшоқ қудрати" бўлиб ҳам хизмат қилмоқда.

Сиёсатчилар телевизион драмалар экспорти аҳамиятини эътироф этмоқлари лозим", деб айтган туркиялик иқтисодий таҳлилчи Нодир Ҳабибий Hurriyet рўзномасига.

Ўзбекистон мустақилликка эришганидан кейин Турк сериаллари ўзбекистонлик томошабинлар орасида ҳам машҳур бўлиб кетди.

Бироқ 2012 йили Ўзбекистондаги бир неча телеканалларда намойиш этиб келинаётган Турк сериаллари намойиши тўсатдан тўхтатилди, бунга бу сериалларнинг гўё <link type="page"><caption> "ўзбек менталитетига тўғри келмагани"</caption><url href="http://www.bbc.co.uk/uzbek/uzbekistan/2012/02/120227_cy_turkish_soap_operas" platform="highweb"/></link> важ қилиб кўрсатилди.

Бироқ Турк сериаллари тўхтатилиши Ўзбекистондаги қатор Туркия бизнесменларининг бизнеслари тортиб олинган пайтга тўғри келганди.

Би-би-си Ўзбек хизмати билан Whatsapp, Telegram ва Viber орқали боғланишни истасангиз, телефонимиз: +44 78-58-86-00-02.

Instagram - BBC UZBEK

Twitter - BBC UZBEK

Odnoklassniki - BBC UZBEK

Facebook- BBC UZBEK

Google+ BBC UZBEK

YouTube - BBCUZBEK (https://www.youtube.com/user/bbcuzbek)

Skype - bbcuzbekradio