Бу йилги Ҳаж зиёратидан фоторепортаж - Ўзбекистон ва дунё Hajj Qurbon Hayiti Makka

Muslim pilgrims perform Tawaf around Kaaba in the Grand Mosque in the holy city of Mecca,

Сурат манбаси, Reuters

17 июлдан коронавирус пандемияси бошланганидан кейинги иккинчи Ҳаж зиёрати амалларини адо этиш Маккаи Мукаррамада бошланди.

Ислом оламидаги энг муқаддас жойга бораётган зиёратчилардан юз ниқобини тақиш ва ижтимоий масофага риоя қилиш талаб қилинади.

Бу йил Ҳаж зиёратини бажаришга 2020 йилга солиштирганда кўпроқ мусулмонга изн берилган, лекин агар 2019 йилдаги 2,5 миллион билан солиштирганда, зиёратчилар сони қанчалар камайтирилганини кўриш мумкин.

Бу йил Саудия Арабистонида истиқомат қиладиган ва Ковидга қарши эмланган атиги 60000 кишига Ҳаж зиёратига рухсат берилган.

Бу одамлар онлайн мурожаат қилган 550 минг киши орасидан танлаб олинганлар.

Зиёратчиларга қўйилган талаб: ёши 18 билан 65 нинг орасида бўлиши, Covid-19га қарши вакцинанинг икки дозасини ҳам олган бўлиши ва саломатлигида сурункали хасталик кузатилмаган бўлиши шарт.

Шанба, 17 июль куни Маккаи Мукаррамадаги Масжид-ул Ҳаромга расман киритилишини кутиб турган Ҳожилар суратга туширилди.

Muslims arrive at Al-Zaidi station to be taken to the Grand Mosque, ahead of the annual Haj pilgrimage, in the holy city of Mecca, Saudi Arabia

Сурат манбаси, Reuters

Muslims arrive to be taken to the Grand Mosque, ahead of the annual Haj pilgrimage, in the holy city of Mecca

Сурат манбаси, Reuters

Масжид-ул Ҳаромда зиёратчидан Ер юзидаги энг муқаддас жой - Каъбани тавоф қилиш, соат йўналишига қарши етти марта айланиш талаб қилинади.

Skip Энг кўп ўқилган and continue reading
Энг кўп ўқилган

End of Энг кўп ўқилган

Яна беш кун давомида Ҳаж зиёрати таркибидаги бошқа ибодатлар Макка атрофидаги муқаддас жойларда адо этилади.

2,5 миллион Ҳожининг бир жойда тўпланиши билан Ҳаж - Ер юзидаги энг йирик диний йиғилиш ҳисобланади.

Pilgrims holding umrellas to protect themselves from the heat, arrive at the Kaaba, Islam's holiest shrine, at the Grand mosque in the holy city of Meccca

Сурат манбаси, AFP

Muslim pilgrims perform Tawaf around Kaaba in the Grand Mosque in the holy city of Mecca, Saudi Arabia

Сурат манбаси, Reuters

Ҳаж - Исломнинг беш арконларидан бири ҳисобланади, соғлиги ва молиявий имкониятлари бўлган ҳар бир мусулмондан ўзининг ҳаётида ҳеч бўлмаганда бир марта Ҳаж зиёратини адо этиш талаб қилинади.

Саудия Ҳаж вазирлигидан айтишларича, бу йилги зиёрат пандемия боис энг қаттиқ саломатлик эҳтиёт чоралари кўрилган ҳолда ташкил этилди.

"Ҳар уч соатда тавоф учун 6000 киши киритилади. Ҳар бир гуруҳ Каъбатуллоҳдан чиққанидан кейин стерилизация ишлари бажарилади", деб айтди "Франс Пресс" ахборот агентлигига Ҳаж вазирлиги сўзчиси Ҳишам ас-Саййид.

A Muslim pilgrim prays in the Grand Mosque in the holy city of Mecca, Saudi Arabia

Сурат манбаси, Reuters

Pilgrims arrive at the Kaaba, Islam's holiest shrine, at the Grand mosque in the holy city of Meccca

Сурат манбаси, AFP

Шунингдек, зиёратчилар 20 йўналиш бўйича гуруҳларга ажратилади, ҳар бир гуруҳнинг ўз йўналиши бўйича ҳаракатланиши учун одам бириктирилади, гуруҳ ўша масъул одам буйруғига бўйсунади. Ушбу қадам зиёратчиларни ижтимоий масофада сақлаш мақсадини кўзлаган.

2020 йил июлидаги Ҳаж зиёратида 10000 тача саудиялик иштирок этганди. Ҳаж зиёрати вақти йирик хасталик юқиш кузатилмаган.

Шу вақтгача Саудия Арабистонида 500 мингдан зиёд коронавирус инфекцияси, 8000 ўлим ҳолати қайд этилган.

Аҳолини эмлашга 21,5 миллион доза вакцина олинган.

Бироқ Our World in Data маълумотларига кўра, Саудия Арабистонида аҳолининг атиги 10 фоизи тўла эмланган.

Pilgrims arrive to attend the Hajj season in the holy Saudi city of Mecca

Сурат манбаси, AFP

Барча суратларнинг муаллифлик ҳуқуқи кафолатланган.

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: https://t.me/bbcuzbek