Коронавирус: Ал-Ақсо ва Набавий Масжид намоз учун очилди Koronavirus
Сурат манбаси, Getty Images
Коронавирус пандемияси ёпишга мажбур этган Ислом оламидаги энг муқаддас зиёратгоҳлар икки ойдан кейин ибодатлар учун яна қайта очилди.
31 май тонгида юзлаб мусулмонлар Ислом дунёсидаги учинчи муқаддас масжид - Қуддуси Шарифдаги Ал-Ақсо масжидига Бомдод намозини адо этиш учун кирдилар.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост, 1
Айримлар масжид остонасидан қадам қўйишлари билан "Аллоҳу Акбар" дея такбир келтирдилар, бошқалар эса ерни ўпдилар.
Масжид ичкарисида эса вирус тарқалиши таҳдидини камайтириш чоралари кўрилган эди.
Сурат манбаси, Reuters
Масжид ичкарисига киритилишидан олдин ҳар бир мусулмоннинг тана ҳарорати текшириб кўрилди.
Ҳар бир намозхондан бошқа инсондан талаб қилинган масофани ушлаш, юзига ниқоб тақиш ва ўзининг жойнамозини олиб келиш сўралди.
"Масжидни очганларидан кейин энди нафас олаётгандек бўлдим, Аллоҳга шукур", дейди масжид ичкарисига кирганидан ҳаяжонланиб кетгани юз-кўзидан кўриниб турган Умм Ҳишам.
Сурат манбаси, Getty Images
Ал-Ақсо ва бошқа муқаддас масканлар март ойи ўртасидан ёпилган, мусулмонлар ўзлари учун муқаддас Рамазон ойида масжидларда кунлик ва тундаги намозларни адо этиш имкониятидан маҳрум бўлган эдилар.
Коронавирус хавфи ҳамон сақланиб қолаётган эса-да, кўплаб мамлакатлар чекловларни босқичма-босқич юмшатмоқдалар, муқаддас масжидларга ҳам чекланган сондаги ибодатчиларнинг киришига рухсат берилди.
Сурат манбаси, EPA
Саудия Арабистонида ҳам якшанба кунидан чекловлар қисман юмшатилди.
Мадинаи-Мунавварадаги Набавий Масжид дарвозалари олдида ҳам Ал-Ақсодагидек манзарани кўриш мумкин бўлди.
Саудия Арабистони расмийлари Набавий Масжид ва яна 90000 атрофидаги масжидда ибодатларни адо этишга рухсат бердилар.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост, 2
Масжидларни қайта очишдан олдин миллионлаб мусулмонларнинг қўл телефонларига турли тилларда хабарлар юборилди, жамоат намозлари учун қандай янги тартиблар жорий этилгани тушунтирилди.
Сурат манбаси, Reuters
Саудия Арабистонининг Исломий масалалар бўйича вазирлиги тарқатган матн хабарларда намозхонлар бир-бирларидан икки метрлик масофа сақлашлари лозимлиги, бир-бирлари билан қўл бериб ёки қучоқлашиб кўришмасликлари лозимлиги тушунтирилди.
Масжидларнинг таҳоратхоналари ёпиқ қолиши, шунинг учун намозхонлар таҳоратини уйида янгилаб масжидга ташриф буюришлари лозимлиги эслатилди.
Сурат манбаси, Reuters
Масжидлардаги ваъз ва намозлар 15 минутдан узоққа чўзилмаслиги лозимлиги айтилди.
Маккаи-Мукаррамадаги Масжид-ул Ҳаром ҳозирча ёпиқ қолиши, Каъбатуллоҳни қачон очилиши ҳақида хабар берилиши маълум қилди Саудия расмийлари.
Масжид-ул Ҳаромни йил давомида бутун Ислом оламидан миллионлаб зиёратчилар зиёрат қиладилар, энг кўп мусулмон Ҳаж зиёрати пайти борадилар.
- Рамазон ва карантин: Бўм-бўш Каъба, ёпиқ масжид ва кўчадаги муслима - суратлар
- Пандемия даврида Рамазон: Чекловлар ва намозхонларсиз масжидлар
- Саудия Арабистони, Туркия яна ёпилмоқчи, Ўзбекистонга эшиклар очилмоқчи
- Рамазон: Рўзанинг танамизга таъсирини биласизми?
- Рамазонга ўхшамаган Рамазон ёки коронавирус, карантин ва ўзбеклар
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
Барча фотосуратлар муаллифлик ҳуқуқи билан ҳимояланган
