Путин Ғарбни Россияга ташланмаслик билан огоҳлантирди - Video Rossiya, Navalniy, Putin, O‘zbekiston, dunyo, yangiliklar
Сурат манбаси, Reuters
Путин Ғарбни Россияга ташланмаслик билан огоҳлантирди. Ҳаддингиздан ошманг, деди. Акс-ҳолда жавоблари кескин ва шиддатли бўлишини айтди.
Бунга Ғарбнинг муносабати ҳозирча маълум эмас.
Путин ўз мурожаатида кўзда тутган ва ҳозир Россия билан танг аҳволда бўлган бирор бир Ғарб давлатининг бу хусусда қандайдир баёнот билан чиққани кўрилмаган.
Россия президенти Ғарбни шу чоршанба куни халққа қилган йиллик мурожаати чоғида огоҳлантирган.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Мурожаат Украина ва қамоқдаги мухолифат лидери Алексей Навальний тақдири юзасидан Россия Ғарб билан сан-манга бориб қолган бир пайтга тўғри келган.
Президент Путин етакчи Ғарб давлатларини фақат Россияга "ёпишиб олганлик"да айблаган.
Бу Россия президентининг халққа 17-мурожаати бўлган.
Унда Россия Ғарб таҳдид қилаётган қўрғон қилиб кўрсатилган.
Путин ўз чиқишида Ғарбни "Россияга ташланмаслик" билан огоҳлантирган.
"Умид қиламанки, Россияга нисбатан қизил чизиқни босиб ўтиш ҳеч кимнинг хаёлига келмайди. У чизиқ қаердан ўтишини ҳар бир ҳолатда бизнинг ўзимиз ҳал қиламиз... Бизнинг хавфсизлигимизга таҳдид соладиган ҳар қандай провокация ташкилотчиси роса пушаймон бўлади", - дея баён қилди Россия президенти.
Бироқ таҳдид Москвага бўлаяптими?
Сурат манбаси, Getty Images
АҚШ ва НАТО Украина чегарасида Россия қўшинлари тўпланганидан ташвиш изҳор этган.
Улар Алексей Навальнийдан ҳам хавотирдалар.
Қамоқдаги мухолифат раҳбари очлик эълон қилган, саломатлиги ёмонлашган.
Америка Навальний ўлса, оқибати ёмон бўлишидан огоҳлантирган.
Путин халққа мурожаат қилган чоршанба куни Навальний тарафдорлари яна намойиш ўтказишган.
Полиция Навальнийнинг мингдан зиёд тарафдорини қўлга олган.
Протестлар бутун Россия бўйлаб кузатилган, Кремлнинг яқинигача келган.
Одамлар шаҳар бўйлаб юриб чиқишган.
"Россия эркин бўлади", "Биз бу ерда ҳокимиятмиз" деб қичқиришган улар.
"Владимир Путин ҳаммаси жойида дейди. Унинг ҳар бир сўзи ёлғон. Бу менга маъқул эмас, шунинг учун чиқдим", - деб айтган намойишчилардан бири.
Сурат манбаси, kremlin.ru
Москвадаги Би-би-си мухбири Стив Розенбергнинг хабар беришича, Путин ўз чиқишида Навальний ёки намойишни тилга олгани йўқ.
Лекин Навальний билан бўлаётган ҳодисалар бу мурожаатда ўз аксини топган: Кремлнинг ашаддий танқидчиси аввал заҳарланди, кейин қамалди.
Бир кунда биз икки турли Россияни кўрдик.
Кремль берухсат намойишни тартибсизлик деб кўради.
Президент Путин россияликлар фақат ўзини барқарорликни таъминлайдиган одам, деб ўйлашларини хоҳлайди, дейди мухбиримиз.
Путиннинг йиллик мурожаатидан кун ўтиб эса, Россия қўшинларини Украина билан чегарадан олиб чиқиш бошланганини эълон қилган.
Бу ишга 23 апрелдан бошлаб киришишларини айтган.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
