Ижтимоий минбар: Ўзбекистонда ўқишга кириш осонми?

Ўзбекистон Республикаси Олий ва Ўрта махсус таълим вазирлиги Ахборот Хизмати бошлиғи Марат Зокиров Олий таълим тизимида коррупция борлигини инкор этмайди. "Коррупция ҳамма ерда бор. Вазирлик унга қарши барча воситалар билан кураш олиб бораяпти. Барча чора-тадбирлар кўрилмоқда",- деб айтди мулозим Би-би-си билан суҳбатда.

Мулозимнинг бошқа саволларга жавоблари билан қуйида танишасиз:

Facebook даги BBC Uzbek саҳифасида кечаётган бугунги баҳсимизнинг мавзуси Ўзбекистондаги Олий таълим.

Ўзбекистондаги тест тизими қанчалик холис ва адолатли?.

Тест синовларидаги порахўрликлар ҳақида фикрингиз?.

Камбағалнинг боласи ўқишга кира оладими?.

Ота-оналарнинг фарзандларини тўлов-контракт асосида ўқитишга қурблари етаяптими?.

Бу ва бошқа саволлар юзасидан шарҳларингизни Facebook даги BBC Uzbek саҳифамизда қолдиринг!.

BBC Uzbek: Бугунги экспертларимиздан бири-Волгоград Давлат Аграр Университети профессори Ойбек Кимсанбоев.

Oybek Kh Kimsanbayev: Мана бир мисол-ҳар йили Ўзбекистонда 400-500 мингга яқин болалар ўрта махсус лицей ва коллежларни битиради, лекин олий муассасаларга давлат тарафидан 57 минг ўрин берилади. Савол- қолганлар нима қилади????.

BBC Uzbek: Олий ва Ўрта махсус таълим вазирлиги Олий таълим муассасалари Бош бошқармасидан Алишер Ҳошимовнинг Би-би-сига айтишича, юқоридаги саволга фақат вазир ёки ўринбосарлари жавоб бера олади. Аммо раҳбарият, унинг сўзларига кўра, ҳозир селектор йиғилишида...

Temur Farzandi: Тестга мутлақо қаршиман,мактабни саводсизланишига олиб келди бу! Имтиҳон тизимига зудлик билан ўтиш керак!.

Шабанова Наргиза: Менимча ҳам имтиҳон тизими маъқул.

Ўзбекистон Республикаси Олий ва Ўрта махсус таълим вазирлиги Ахборот Хизмати бошлиғи Марат Зокиров: Тест тизимидан аввалги имтиҳон тизимига ўтиш эҳтимоли кўриб чиқилаётгани йўқ. Қайтага бошқа давлатлар ҳам тестга ўтаяпти. Тест синовдан ўтган тизим.

Bakhodir Nematovich: Тестларга тайёрловчи репититорлар, уларнинг оддий ва "кафолатланган" ставкалари ҳақида ҳам тўхталиб ўтиш лозим. Маълумки, тест марказининг экспертлари хам репетиторлик қилишади. Бундан ўзингиз керакли хулосани чиқариб олишингиз мумкин. Коллеж ва лицейлардаги фанлардан ўтказиладиган олимпиадалардаги "сув ости" ўйинларига ҳам эътибор қаратиш керак! Мен шахсан ўзим билиб, яқиндан кузатганларим асосида бу соҳаларда қинғир ўйинлар борлигини биламан.

Дилшод Рустамович: shaxsan man oddiy bir oilada 13 yoshdan otasiz(Alloh raxmat qilsin) kotta bugan bolaman,ukam Diplomatiyaga uz bilimi bilan bir sumsiz uqishga kirdi,omadini bersin

Муслим Бухарский: armiyada xizmat qilgan askarlarimizning o'qishga kirish imkoniyatlari yuqori bo'lishini qanday baholaysiz?

Шарофиддин Эргашев: Мани укам юридик институтга утган йили уз кучи билан грантга кирганди демак узбекистонда хакикат бор.

Shakhnoza Alimova: Ozgina haqiqat bor

Jahongir Ergashev: Pulsiz ham kirsa bo'ladi

Oybek Kh Kimsanbayev: Домлаларни ичида коррупцияни йук килиш йули бу домлаларга илмий ва амалий грантларда катнашиш имтиёзларни яратиб бериш деб уйлайман.

Rano Nazarova: Abuturentda asosiysi ANIQ ISHONGAN MAQSADI bolmas ekan omad yordam bera olmaydi...Xamma narsa xarakatda. Man 2 yil moliya institutga kira olmaganman. Tan olaman matematikadan yashxi emasman. 3 yil Oz. DJTUga o'z kuchim bilan kirdim. Xam omad, xam nasib.

Xulkar Burhanova:Bakalavrga kontrakt, magistraturaga byudjetga öz bilimim b.n kirganman! Haqiqat bor! Faqat yaxwi öqiw kere! Mehnat tagi rohat!

Зебо Рустамова: Bilimli albatta kiradi!

Golib Turakulov: 36ta test yechgan bola instda nima yangilik organishiga hayronman testla maktab va litsey darajasidan mutlaqo yiroq hamadayam repititorga borishga imkoniyat yoki vaqt yoq.

Rano Nazarova: Pul bn xam kiromagan paytni kozim bn korganman.

Aslan Bo'riyev: Bir Narsa aniq kambag'alning bolasi o'qiy olmaydi.

Rano Nazarova: Maktab programalari testda bor. Tarixda urush vaqti, ibtidoy jamoa, sanalar kop. Borku programada. Ona tilda ot,kesim,sifat tushadi. Ingliz tiliku signal sozga qarab ishlasa boladi.

Rustam Adkhamov: Xozirgi kunda yuridicheskiyni, moliyani, sharqshunoslikni va boshqa yerlarni bitirganlar ishga kira olmay yuribdi bunga nima deysizlar?

Diyorbek Uz: Билими булган одам албатта укишга киради...100%.

Shirin Shakar: Айтишларича контракт 5 йилга музлатилар экан. Шу ростми?

Nurik Nurullayev: Bu yili nech pul bo'larkan oqishla, shuniyam etvorishsin.

Ўзбекистон Республикаси Олий ва Ўрта махсус таълим вазирлиги Ахборот Хизмати бошлиғи Марат Зокиров: Бу йилги контракт-тўлов суммаси ўқув йили бошланишига яқин ҳисоб-китоб қилинади. Бюджет учун ажратилган ўринлар ўтган йилги фоиздан кўп фарқ қилмайди.

Akhrorhon Sagdullayev: Man Bundan 4 yil oldin davlat granti asosida o'qishga qabul qilindim va mana shu yozda Diplom olaman ( faqatgina diplom ilovasi va bir parcha qog'oz olaman Grantda taxsil olganligim uchun ) SAVOL : agar man chet elga Magistraturaga o'qishga kirsam Mani Diplomimni berishadimi 3 yil ishlab bermasam ham yoki chet elda taxsil olib keganimdan keyin ishlab beramanmi ? !.

Fozila Sobirova: O'qib o'qishga kirsa bo'ladi. Lekin pul bilan kirsa ham bo'ladi ))).

Ўзбекистон Республикаси Олий ва Ўрта махсус таълим вазирлиги Ахборот Хизмати бошлиғи Марат Зокиров: Коррупция ҳамма ерда бор. Вазирлик унга қарши барча воситалар билан кураш олиб бораяпти. Барча чора-тадбирлар кўрилмоқда.

Oybek Kh Kimsanbayev: Коррупцияга қарши кураш Олий ва Ўрта махсус таълим вазирлиги ваколатига кирмайди. Бунинг учун махсус органлар бор. Агар Вазирлик бу билан шуғулланаётган бўлса, унда... Кечирасизлар-ку ходимлар ўша ташкилотларнинг филиали бўлиб қолади...

Дилшод Рустамович: za to xamma tulaganlarini stipendiya orqali qaytarib oladi.

Bobur Komilov: ToshDAU ga grantga o'zim kirgan edim.Matematika,ingliz va ona tili-adabiyotdan topshirib.

Abdurahmon Madaminov: Ö qadimgi zamonda qobketdi pul asosiy rol öynedigan davrlar. To'g'ri ancha muncha pul aralawadi no glavniysi bilim.

Oybek Kh Kimsanbayev: Ўзбекистон бугун олий талим соҳасида кўпроқ нуфузли давлатларни стандартларига ўтишга ҳаракат қилмоқда.... Лекин ўз моделини ишлаб чиқиб шу стандартларини қўлламоқчи. Бир савол туғилади- жамият тайёрмикан шунга?.

Bakhodir Nematovich: Ҳозирги кунда Ўзбекистондаги тест тизимини колледж ва лицейларда ўқиш тугамасидан олдинроқ марказлашган ҳолда бир жойда ўтказилгани маъқул. Абитуриент тўплаган умумий бали асосида иккита ёки ундан ошиқ олий ўкув юртларига ҳужжат топшириб, конкурсда иштирок этса, агарда у тўплаган бали билан бир нечта олий даргоҳга ўтса, истаган ўқишини танлаши мумкин бўлади. Бу йул билан олий ўқув юртларидаги тест жараёнида амалга оширилаётган барча қинғир ишлар таг-томири билан суғириб ташланарди...

Oybek Kh Kimsanbayev: Бизда совет давридан қолиб кетган педагогика тушунчаси 80% университетларда ишлатилади. Менинг шахси фикрим. Университетда педагоглар эмас, балким олим-уламолар талим беришлари керак.

Talib Yakubov: Олий таълим соҳасидаги коррупция ҳозир сир бўлмай қолди - буни ўқишга кираётган ҳар бир йигит ва қиз ҳамда уларнинг ота-оналари яхши билади. Ўқишга киришни ҳозир одамлар "ота-оналар конкурси" дея истеҳзо билан гапиришмоқда. Олий таълим соҳасидаги коррупция жамиятни нафақат маънавий инқирозга учратди, балки минглаб ўта иқтидорли ёшларни тўғри ҳаёт йўлидан четга улоқтирди: кашфиётлар қилинмади, ажойиб ва сермазмун китоблар ёзилмади, мамлакатимизга зарур бўлган фан ютуқлари ўрганилмади ... Олий таълимдаги коррупция мустақиллик йилларида ўзининг энг юқори чўққисига чиқди. Бироқ, бу хавф-хатар ва ҳалокатларни олдиндан сезган ва имкони қадар унга қарши курашган одамлар ҳам бор эди. Шуларнинг бири физика-математика фанлари доктори, профессор Собир Тўлаганов эди. У бу коррупция ҳақида қатор мақолалар ёзди, уларни эълон қилди, ҳукумат идораларига юборди ва ... қамалди. Менинг архивимда унинг бир неча мақолалари сақланмоқда. Шу мақолаларнинг баъзиларини ВВС радиосининг муҳтарам тингловчи ва ўқувчилари диққатига юборишим мумкин.

Би-би-си Ўзбек хизмати билан Whatsapp орқали боғланишни истасангиз, телефонимиз: +44 7858 860002