Россия: “Волга маньяги” ушланди – у 26 аёлни ўлдирганликда гумонланмоқда, Rossiya, dunyo, ayollar, jangiliklar
Сурат манбаси, Russia's Investigative Committee (SK)
Россия: "Волга маньяги" ушланди - қўлга олинган шахс 26 аёлни ўлдирганликда гумонланмоқда. Полиция бир неча йилдан буён унинг изидан тушган, қаердалигига оид маълумот учун мукофот пули ҳам ваъда қилганди.
Россиялик терговчиларга кўра, гумондор ўз жиноятларини 2011-2012 йиллар оралиғида содир этган.
Марказий Россия бўйлаб 26 нафар кекса аёлни тунаб, ўлдирган.
Полиция қўлга олинган шахсни 38 ёшли Радик Тагиров, деб таништирган.
Унинг бундан аввал ўғрилик учун судланган чилангар эканини қўшимча қилган.
Полиция ҳибсга олинган бу шахсни "Волга маньяги" эканликда гумон қилмоқда.
"Волга маньяги" Россиянинг Волга дарёси бўйлаб содир этилган қатор жиноят ва қотилликларга алоқадор, деб кўрилади.
"Волга маньяги"
Радик Тагировнинг ўзи ёки намояндаси ҳозирча бу хусусда бирор бир изоҳ бермаган.
Полициянинг маълум қилишича, у кеча, сешанба куни сўроқ қилинган.
Терговга алоқадор маълумотларни берган.
Россия Тергов қўмитаси унинг ҳибси юзасидан расмий баёнот билан чиққан.
Ўз баёнотида аёлларга қарши жиноятларнинг бир киши томонидан содир этилганига оид биологик намуналар ва суд-тиббий экспертиза хулосаларига таяниб, гумондорни ушлаганликларини билдирган.
Шунингдек, баёнотда, ҳужумчининг қатор хатти-ҳаракатларидаги ўзига хослик гумондорнинг хулқ-атворига мос келгандек кўрингани учун ҳам, алал-оқибат уни ҳибсга олиш қарорига келганликларини айтган.
Бунинг учун "катта заҳмат чекишган ва тинимсиз ишлашган"ини ҳам алоҳида илова қилган.
Радик Тагиров Россиянинг Қозон шаҳрида яшаган.
Терговчиларга кўра, у қурбонларининг уйига коммунал хизмати ходими сифатида кириб борган.
Кейин халатнинг боғичи ёки электр жиҳозларнинг сими билан уларни бўғиб ўлдирган.
Полиция "Волга маньяги"ни бир неча йилдан буён қидираётган бўлган.
Ўтган йили, ҳатто, унга оид маълумот учун £30,000 миқдорида мукофот пули ҳам эълон қилганди.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
