Қирғизистон: Алмазбек Атамбоев қўлга олинди
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Қирғизистоннинг собиқ президенти Алмазбек Атамбоев унинг Қўй-Тошдаги уйига иккинчи марта ўтказилган махсус амалиёт чоғида қўлга олинган.
Аввалроқ қирғиз махсус кучлари Атамбоевнинг шимолий Чуй вилояти Қўй-Тош қишлоғидаги резиденциясини қайтадан забт этишни бошлаганди.
Айрим хабарларда Атамбоев ҳокимият вакиллари билан музокаралардан сўнг таслим бўлгани айтилмоқда.
Атамбоевнинг сафдошлари унинг тинч аҳоли орасида қурбонларнинг олдини олиш учун шундай қарорга келганини айтишган.
24 kg агентлигининг хабар беришича. собиқ президент штаби аъзолари уни судда ҳимоя қилишга қарор берганлар.
Қўй-тошдаги амалиётда Ички ишлар вазирлигининг 2 минг нафар ходимлари қатнашгани хабар қилинади.
Махсус амалиётга Ички ишлар вазири Қашқар Жунушалиев бошчилик қилган.
Сурат манбаси, Akipress.com
24 kg агентлигига кўра, Атамбоев тарафдорлари махсус кучларнинг собиқ президент олиб кетилаётган машинасини ўтказишмаган ва отишмалар эшитилган.
Атамбоевга тегишли "Апрель" телеканалининг хабар беришича, шундан сўнг кортежи айланма йўл орқали ИИВга кўл олган.
Атамбоев ва икки сафдоши микроавтобусда олиб кетилгани хабар қилинади.
Рейтер хабар агентлиги Атамбоев номаълум манзилга томон олиб кетилаётганини хабар қилмоқда.
Атамбоевнинг адвокати РИА-новости агентлигига унинг қаерга олиб кетилаётганини билмаслигини айтган.
Қирғизистоннинг янги ҳукумати Атамбоевни коррупцияда айблайди, унинг эса эса айблар сиёсий эканини даъво қилади.
Пайшанба куни қирғиз махсус кучлари Атамбоев резиденциясини иккинчи марта штурм қилган.
"Яна бир штурм бошланди, отишма овозлари эшитилмоқда, шовқинли гранаталар ишлатилмоқда", - дея штаб вакилининг сўзларидан иқтибос келтирган ТАСС агентлиги.
Унинг сўзларига кўра, Атамбоевнинг тарафдорлари махсус кучларга тош ва таёқлар билан қаршилик кўрсатган.
Атамбоевга тегишли "Апрель" телеканалининг хабар беришича, куч тизимларининг машиналари Атамбоевнинг уйи дарвозасига урилган ва бинода ёнғин чиққан.
Собиқ президент тарафдорларининг сони 400 дан кўп эмаслиги хабар қилинади.
Унинг штабидан билдиришларича, пайшанба куни Атамбоев тарафдорларининг Бишкекда режаланган намойиши қолдирилган, намойишчилар Қўй-Тошга қайтмоқда.
Қирғизистоннинг 24.kg агентлиги хабарига кўра, куч тизимлари Қўй-тошга олиб борадиган барча йўлларни ёпиб қўйган..
Пайшанба куни эрталаб Атамбоев ўз тарафдорларини амалдаги президент истеъфоси талаби билан пойтахтда муддатсиз намойишга олиб чиқишини айтган.
7 август куни Қирғизистон махсус кучлари Бишкекдан 20 километр узоқликдаги Қўй-Тошда Атамбоевни ҳибсга олиш учун махсус амалиёт ўтказган, аммо собиқ президентнинг тарафдорлари қаршилигига учраган.
Амалиёт чоғида 70 дан ортиқ одам жабрланган, бир махсус кучлар ходими ҳалок бўлган.
Сурат манбаси, AKIPRESS.COM
Атамбоев ўзининг ҳимоясига турган сафдошлари қуролсиз бўлганини айтган.
Собиқ президент тарафдорлари бир неча махсус кучлар ходимини гаровга олган, аммо пайшанба куни қўйиб юборган.
Қирғизистон парламенти депутатлари Атамбоев атрофидаги вазият муносабати билан мамлакатда фавқулодда ҳолат жорий қилишга чақирганлар.
Сурат манбаси, AKIPRESS.COM
Президент Сооронбой Жээнбеков Атамбоевни конституция талабларига бўйсунмаслик ва қонуний ҳокимиятга қуролли қаршилик кўрсатишда айблаган.
27 июнь куни қирғиз парламенти Атамбоевни дахлсизликдан маҳрум қилган эди.
Сиз Қирғизистондамисиз? Агар вазият сизга таъсир кўрсатган бўлса ёки ҳодисаларнинг гувоҳи бўлсангиз, бизга ёзинг.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: @bbcuzbek
