Ўзбекистон: Мирзиёевнинг ислоҳотларига нима бўлмоқда?
4 декабрь куни Шавкат Мирзиёев Президент этиб сайланганига икки йил тўлди.
Ўтган икки йил мобайнида давлат раҳбари бирон марта ҳам маҳаллий ёки хорижий матбуотга интервъю бермаган.
Аммо у ўзининг ҳаракатлар стратегиясини эълон қилган ва жамоатчиликда ана шу стратегиядаги мақсадларнинг бажарилишига қараб Мирзиёев президентлигининг икки йилига баҳо бериш имкони бор.
Охирги кунларда ижтимоий тармоқларда Тошкент пропискаси, Facebook ва YouTubeнинг блокланиши энг фаол муҳокама қилинган мавзуларга айланган.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Пойтахтда прописка тартибининг сақланиб қолаётгани ва ижтимоий тармоқларнинг чекланиши 2017 - 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида эълон қилинган тамойиллар ва илгари сурилган мақсадларга зид.
Бу эса жамоатчиликда Мирзиёев бошлаган ислоҳотлар ортга қайтмоқдами, деган саволларни пайдо қилган.
Би-би-си аввалроқ бу мавзуларни Лондонга сафар қилган Ўзбекистон Адлия вазирининг ўринбосари Акбар Тошқулов билан муҳокама қилган.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
