Ўзгараётган Ўзбекистон: Шавкат Мирзиёев Ислом Каримов диктатураси асоратларини фақат туризм билан арита оладими? Видео
Сурат манбаси, BBCuzbek
Ислом Каримов ўлимидан кейин Ўзбекистоннинг дунёга тобора очилиб бораётганини бугун инкор этиш қийин.
Мамлакат оммавий-ахборот воситалари Ўзбекистоннинг туризм салоҳияти ортаётгани билан боғлиқ мавзуни деярли ҳар куни эслатиб ўтишади.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Ғарб матбуотида ҳам бот-бот бу яқингача дунё кўзидан четда қолаётган мамлакатнинг қадимий шаҳарлари, бетакрор тарихи ва ҳатто паловини мадҳ этувчи мақолалар, филмлар бўй кўрсатадиган бўлди.
Президент Шавкат Мирзиёевнинг ички ва ташқи сиёсатда, иқтисодда бошлаган ислоҳотлари ҳам Ғарб мамлакатларида хуш қаршиланмоқда.
Сурат манбаси, BBCuzbek
Табиийки, 26 йиллик турғунликдан ва аксарият кузатувчилар назарида мухолифатсиз диктатурадан кейин ўнгланиш осон бўлмайди.
Гарчанд, бугун ҳам мамлакатда мухолифат кучларига изн берилмаган эса-да, мухолиф фикрлар Каримов давридаги каби бўғилаётгани йўқ.
Би-би-си ижодий гуруҳи билан Рус хизмати журналисти Бен Тавернер яқинда Ўзбекистон бўйлаб саёҳатда бўлган. Ғарб журналистлари учун бу саёҳатни Ўзбекистон расмийлари уюштиришган. Тошкент, Бухоро ва Самарқанднинг гўзаллигига мафтун бўлган журналист ўз таасуротлари асосида филм суратга олган. Филмда Ўзбекистоннинг туризм салоҳияти ҳақида ҳикоя қилинади, шу билан бирга бугунги муаммолар ҳам тилга олинади.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
