Тошкент: Мустақиллик, хавфсизлик чоралари ва армия...

Куннинг энг муҳим янгиликлари бир дақиқа ичида - назардан қочирманг:

Президент Мирзиёев Ўзбекистон халқини Мустақиллик байрами билан қутлаган. Мустақиллик байрамининг Қурбон Ҳайити билан бир кунга тўғри келишида ўзига хос чуқур ва рамзий маъно борлигини айтган. Мустақиллигимиз абадий бўлсин, дея Мирзиёев ўз табрик нутқини Ўзбекистон биринчи президенти жумласи билан якунлаган.

Пойтахт Тошкентнинг ўнлаб хиёбон ва майдонларида Мустақиллик байрами муносабати билан халқ сайиллари бўлиб ўтган. Хабарларга кўра, сайиллар чоғида жамоат хавфсизлиги кучайтирилган тартибда таъминланган. Масъуллар олдинроқ юк машиналарининг пойтахтга киришида чекловлар бўлиши ҳақида расман огоҳлантиришганди.

Ўзбекистон яна дунёнинг энг кучли 50 армияси рўйхатидан ўрин олган. Рўйхат Global Firepower томонидан тузилган. Дунёнинг энг кучли армияларини танлашда 50 дан ортиқ омил инобатга олинган. Юқори учликдан АҚШ, Россия ва Хитой жой олган.

Ўзбекистон: Мустақиллик кунида нималар бўлмоқда?

Би-би-си Ўзбек хизмати билан Whatsapp, Telegram ва Viber орқали боғланишни истасангиз, телефонимиз:+44 78-58-86-00-02