Афғонистон: Зилзила қурбонлари сони 1000 дан ошди, ёрдам ва қутқарув амаллари мушкулликлар билан давом этмоқда - янгиликлар (видео)

Пактика вилоятига тикучарларда қутқарувчилар етиб борганлар

Сурат манбаси, Afghan government news agency

Сурат тагсўзи, Пактика вилоятига тикучарларда қутқарувчилар етиб борганлар
Ўқилиш вақти: 1 дақ

Афғонистон шифокорлари Би-би-сига кўплаб болалар қурбон бўлганини айтишган.

Ҳозирга қадар қурбонлар сони 1000 дан ошган.

Кучли ёмғир ва абгор йўллар қутқарув ишларига панд бермоқда.

Толиблар ҳалқаро ёрдам сўраб мурожаат қилган.

Зилзила кучи 6,1 баллни ташкил этганди.

Унинг эпицентрининг Хост шаҳридан 44 километр жануби-шарқда, 51 километр чуқурликда бўлгани хабар қилинган.

Ўтказиб юборинг YouTube пост
Google YouTube контентига рухсат бериш

Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.

Огоҳлантириш:Учинчи манба материалида реклама бўлиши мумкин

Охири YouTube пост

Америкалик сейсмологлар хабар қилишича, силкиниш кучи эпицентридан 500 километр узоқликда, Ҳиндистон ва Покистонда ҳам сезилган.

Ўзбекистоннинг Сурхондарё вилоятида 3, Қашқадарё, Самарқанд ва Жиззах вилоятларида 2 балли зилзила кузатилган.

Skip Энг кўп ўқилган and continue reading
Энг кўп ўқилган

End of Энг кўп ўқилган

Ўзбекистон Афғонистонда инсонпарварлик ёрдами етказиши ҳақида айтган.

Зилзила

Сурат манбаси, EPA

Ижтимоий тармоқларда Пактика вилоятидаги вайрон бўлган бинолар, ер кўчкилари, замбилдаги ярадорларнинг фото ва видеолари тарқалган.

Етиб бориш қийин бўлган минтақалардан ярадорлар вертолётларда шифохонага етқазилган.

Толибон раҳбари Ҳибатуллоҳ Охунзода юзлаб бинолар вайрон этилганини, қурбонлар сони янада ортиши мумкинлигини айтган.

Разрушенные здания в провинции Пактика

Сурат манбаси, AFghan government news agency

Сурат тагсўзи, Зилзила оқибатида Пактика вилоятида вайрон бўлган бино

Афғонистон сейсмик фаол минтақада жойлашгани учун кўп зилзилалар юз бериб туради.

Ер силкинишлари мамлакат иқтисодига сезиларли шикаст етказади.

Мамлакатда кўп уйлар пахса уйлар, биноларнинг анчаси хавфсизлик талабларига жавоб бермайди.

БМТнинг инсонпарварлик масалаларини мувофиқлаштириш бошқармаси маъмулотларига кўра, охирги 10 йилда Афғонистондаги зилзилалар 7000 дан ортиқ инсоннинг умрига зомин бўлган.

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: https://t.me/bbcuzbek