"Ziyo.uz'дан китоб юклаганим учун судландим"
Сурат манбаси, Ғайрат Зиёхўжаев
Ғайрат Зиёхўжаев Ўзбекистонда қонуний Ziyo.uz сайтидан диний китобни ўз компютери ва телефонига юклаб олганида, оқибати нима бўлишини билмаганди.
Ўз сартарошининг телефонига бу китобни ўтказиб бериши ортидан у қарийб 1 йил тергов ва судга қатнади. Тошкент шаҳрининг Учтепа туман суди уни ақидапарастлик фикрлари билан йўғрилган адабиётни тарқатишда айбдор деб топди, аммо суд залидан озод қилди.
Ғайрат ўзига қарши тергов ва суд қарори ноқонуний экани, ҳамда Дин ишлари бўйича қўмита бу китобни аввал ман қилмаганини даъво қилади. Тергов бошланганида у китобнинг тақиқланган ё тақиқланмаганини сўраб Диний қўмитага ариза ёзган. Қўмита ўз жавобида бу китобда ақидапарастлик ғоялари борлигини таъкидлаган, аммо бу китоб аввал экспертлар томонидан текширилмаганини билдирган.
Судланувчи агар китоб эксперт хулосасига эга бўлмаган бўлса, нега ўзи судга тортилганини билишни истайди. Ғайрат Зиёхўжаев ўзининг мусодара қилинган компютери ва телефони қайтарилиши, ҳамда масъул терговчилар жавобгарликка тортилишига чақирмоқда.
Унинг арзи асосида апелляцион суд келгуси ҳафта ишни яна бир бор кўриб чиқади.
Видеолавҳани томоша қилинг.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Би-би-си Ўзбек хизмати билан Telegram орқали боғланишни истасангиз, телефонимиз: +44 7858860002
