"Қора рўйхат"лар қачон тугайди?

Courtesy

Сурат манбаси, Courtesy

Сурат тагсўзи, Шукрулло (ўнгда) 2013 йилда қамоқдан озод этилган ёзувчи Мамадали Маҳмудов хонадонида
Ўқилиш вақти: 1 дақ

100 ёшни қаршилаётган Ўзбекистон Халқ шоири Шукруллонинг ҳаёти ва ижодига бағишланган махсус кўрсатув "Менинг юртим" (MY5) телеканалидан олиб ташланган.

Бу ҳақда журналист Карим Баҳриев Фэйсбук саҳифасида ёзди.

Икки қатағон анатомияси: Шукрулло ва Мамадали Маҳмудов

Аввалроқ давлат телевидениеси-МТРК ҳам адиб билан суҳбатни эфирга узатмаган.

Карим Баҳриевга кўра, Сталин қатағонларидан омон қолган ёзувчи ҳамон "қора рўйхат"да.

"100 ёшли инсон қай тарзда давлатга хавф солади?" деб ёзди журналист Фэйсбукдаги саҳифасида.

Аввалроқ таниқли драматург Шароф Бошбеков ҳам телевидениенинг "қора рўйхати"да экани ҳақида ёзганди.

97 ёшли Шукрулло қатор давлат мукофотлари соҳиби.

Skip Энг кўп ўқилган and continue reading
Энг кўп ўқилган

End of Энг кўп ўқилган

Ўтказиб юборинг YouTube пост
Google YouTube контентига рухсат бериш

Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.

Огоҳлантириш:Учинчи манба материалида реклама бўлиши мумкин

Охири YouTube пост

1951-1954 йилларда миллатчиликда айбланиб, Сибирга сургун қилинган.

Сталин қатағонлари ҳақидаги "Кафансиз кўмилганлар" романи муаллифи.

1990-йиллар бошида президент Ислом Каримовга маслаҳатчилик қилган.

2000-йил ўрталаридан буён давлат матбуотида Шукруллога норасмий тақиқ қўйилган.

Каримовнинг вафоти ортидан қатор ижодкорларга қўйилган тақиқ олиб ташланган.

Жумладан, Ўзбекистон Халқ шоираси Ҳалима Худойбердиева Би-би-сига ўзининг "қора рўйхат"дан чиқарилганини айтган.

Аммо бошқа ижодкорларга нисбатан норасмий тақиқ сақланиб қолаётгани айтилади.

"Мени табрикланг, дўстлар! "Ўзтелерадиокомпания"нинг "Қора рўйхати"га тушибман", - деб ёзган 11 май куни ўзининг Фэйсбукдаги саҳифасида таниқли драматург Шароф Бошбеков.

"Илгари мендан Совет тузумини ҳимоя қилишар эди, энди Мустақилликни ҳимоя қилишяпти. Наҳотки шунчалик ёмон одам бўлсам?", - дея истеҳзо қилган адиб.

МТРК вакили Би-би-сига телевидениеда ҳеч қандай "қора рўйхат" йўқлигини айтди.

  • BBCUZBEK.COM билан Telegram орқали +44 7858860002 номери билан боғланинг. Telegram каналимиз: https://t.me/bbcuzbek