 | | | | | | | |||||||||||||||||||||||||||||||||||||||||||||||||||||||||||||||||||||||||||||||||||||||||||||
| | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
ہارنے کی کئی وجوہات تھیں: ذکا | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
پاکستان ہاکی ٹیم کے چیف کوچ اور مینجر سابق اولمپئن خواجہ ذکا الدین کا کہنا ہے کہ چمپئنز ٹرافی ہاکی ٹورنامنٹ میں ساتویں پوزیشن پر آنے والی پاکستان کی ٹیم کی کارکردگی کی بڑی وجہ ٹیم کا نوجوان اور ناتجربہ کار کھلاڑیوں پر مشتمل ہونا تھا۔ ملائشیا میں ہونے والےچمپئنز ٹرافی ہاکی ٹورنامنٹ سے واپسی پر خواجہ ذکا الدین نے ایک پریس کانفرنس میں ٹیم کی ناقص کارکردگی کی کئی وجوہات بتائیں۔ ان کا کہنا تھا کہ ٹیم کا دفاع کافی کمزور تھا اور سنٹر ہاف کی پوزیشن پر کھیلنے والے کھلاڑی نے بھی اچھی کارکردگی نہیں دکھائی جس کے سبب فارورڈ لائن کو زیادہ محنت کرنا پڑی اور فارورڈ کھلاڑی جو نئے اور ناتجربہ کار تھے اتنا بوجھ نہ اٹھا سکے۔ انہوں نے تسلیم کیا کہ چند میچوں میں ٹیم مینجمنٹ سے بھی منصوبہ بندی میں کچھ غلطیاں ہوئیں۔ انہوں نے ٹیم کے کپتان اور گول کیپر کی کارکردگی کو بھی غیر معیاری قرار دیا اور کہا کہ سلمان اکبر نے چند ایسے گول کروائے جو روکے جا سکتے تھے ان کے مطابق سلمان اکبر کو خود بھی اس بات کا احساس ہے۔ ان تمام باتوں کے باوجود پاکستان کی ٹیم کے کوچ مایوس نہیں ان کا کہنا ہے کہ اس ٹیم کے نوجوان کھلاریوں میں لڑنے کی صلاحیت ہے اور وہ محنت کرتے ہیں تاہم یہ ضروری ہے کہ ان ناتجربہ کار کھلاڑیوں کی رہنمائی کے لیے ٹیم میں سینئر کھلاڑی بھی موجود ہوں جو گراؤنڈ میں ٹیم کو لے کر چلیں۔ پاکستان کی ٹیم کے سابق کوچ اصلاح الدین کا کہنا تھا کہ پاکستان کی ٹیم کو بہتر ہونے میں پانچ سال درکار ہیں۔موجودہ کوچ ذکا الدین کی سوچ اس کے بر عکس ہے ان کا کہنا ہے کہ بہتر منصوبہ بندی سے اور محنت سے چھ ماہ میں یعنی اولمپک تک ایک جیتنے والی ٹیم بنائی جا سکتی ہے اور موجودہ دستیاب کھلاڑیوں پر محنت کر کے بھی ٹیم کو وننگ سٹینڈ پر پہنچایا جا سکتا ہے۔ خواجہ ذکا الدین کے مطابق سب سے ضروری بات ہے کہ پاکستان کی ٹیم کو اولمپک سے پہلے پہلے متعدد بین الاقوامی میچز کھیلنے کا موقع دیا جائے کیونکہ کیمپ میں ٹرینگ سے وہ فائدہ نہیں ملتا جو میچ کھیلنے سے حاصل ہوتا ہے۔ پاکستان ہاکی فیڈریشن کے سیکریٹری خالد محمود جو اس پریس کانفرنس میں موجود تھے انہوں نے کہا کہ خواجہ ذکا الدین کے مشورے کے مطابق اولمپک سے پہلے پاکستان کی ہاکی ٹیم کو 2 سے تین بین الاقوامی میچز کھیلنے کا موقع دیا جائے گا۔ دریں اثناء پاکستان ہاکی فیڈریشن نے بھارت کے شہر چندی گڑھ میں 20دسمبر سے گیارہ جنوری تک پریمیر ہاکی لیگ میں شرکت کے لیے آٹھ کھلاڑی بھیجنے کا فیصلہ کیا ہے ان کھلاڑیوں میں پاکستان کی ٹیم کے سابق کپتان ریحان بٹ بھی شامل ہیں جو ملائشیا جانے سے پہلے سلیکٹرز کا اعتماد حاصل نہیں کر سکے تھے۔ بھارت کی پریمیر ہاکی لیگ میں شرکت کے لیے یہ کھلاڑی بھارت جائیں گے۔ سلمان اکبر، ذیشان اشرف، ریحان بٹ، شکیل عباسی، عدنان مقصود، دلاور حسین،غضنفر علی،کمران اور کامران احمد۔ | 
اسی بارے میں  خاتونِ اول کی آمد، عوام میچ سےمحروم10 December, 2007 | کھیل پاکستان کی کارکردگی پر کڑی تنقید10 December, 2007 | کھیل ہاکی: پاکستان افتتاحی میچ ہارگیا29 November, 2007 | کھیل چیمپئنز ٹرافی ہاکی کے لیے نیا کپتان11 November, 2007 | کھیل کرکٹ کا جشن، ہاکی کھلاڑی ناراض26 September, 2007 | کھیل چمپئنز ٹرافی پاکستان سے منتقل13 September, 2007 | کھیل انڈیا نے ہاکی کا ایشیا کپ جیت لیا10 September, 2007 | کھیل | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
