صدر محمود احمدی نژاد سینیگال سے ووٹ ڈالنے کے لیے وطن واپس آئے

دوسری طرف بڑی تعداد میں اصلاح پسند امیدواروں پر پابندی لگائے جانے کے بعد وہ انتخابات کی دوڑ میں بہت پیچھے رہ گئے ہیں۔

امریکہ نے کہا ہے کہ اس کا مطلب یہ ہے کہ یہ نتائج ’جعلی‘ ہیں۔

آخری خبریں آنے تک خبر رساں ادارے اے پی کے مطابق 290 نشتسوں میں سے 144 کے نتائج آ چکے ہیں۔

ان نتائج کے مطابق صدر احمدی نژاد کے حماتی 53 نشستوں کے ساتھ صفِ اول پر ہیں، دوسرے نمبر پر صدر کے قدامت پسند نقاد 38 نشستوں کے ساتھ ہیں اور 35 نشستیں حاصل کرنے کے بعد آزاد امیدوار تیسرے نمبر پر ہیں۔ سب سے آخر میں اصلاح پسند ہیں جنہوں نے 18 نشستیں حاصل کی ہیں۔

ایرانی اہلکار نے دعویٰ کیا ہے کہ جمعہ کے انتخابات کا ٹرن آؤٹ 65 فیصد رہا ہے۔

	ایران میں انتخابات کا ٹرن آؤٹ 65 فیصد رہا ہے

تہران میں بی بی سی کے نامہ نگار جون لین کا کہنا ہے کہ تہران کے کئی پولنگ سٹیشنز ایسے تھے جن پر کوئی گہما گہمی نظر نہیں آئی اور بہت سے افراد کا یہ کہنا تھا کہ ان کو لگتا ہے کہ ان کے اپنی پسند کے امیدواروں پر پابندی لگائے جانے کے بعد ان کے لیے انتخابات میں کچھ نہیں رہ گیا۔

یاد رہے ان انتخابات میں صدر احمدی نژاد کے مخالفین کے انتخابات میں حصہ لینے پر پابندی لگا دی گئی تھی۔

ایرانی حکام نے عوام سے اپیل کی تھی کہ وہ بڑی تعداد میں ووٹ ڈالنے کے لیے آئیں تاکہ بقول انکے امریکہ اور ایران مخالف دیگر ممالک کو جواب دیا جا سکے۔

حالیہ انتخابات سے یہ نظر آ جائے گا کہ سن 2009 میں ہونے والے عہدۂ صدارت کے انتخاب کی شکل کیا ہو گی۔