 | | | پینٹاگون کے مطابق گوانتانامو کے حراستی مرکز میں اب بھی 340 قیدی ہیں |
گوانتانامو کے چودہ ’اہم‘ قیدیوں کو وکیل فراہم کرنے کا فیصلہ کیا گیا ہے جن میں خالد شیخ محمد بھی شامل ہیں جنہیں پاکستان نے امریکہ کے حوالے کیا تھا۔ خالد شیخ کو گیارہ ستمبر دو ہزار ایک میں امریکہ پر ہونے والے حملوں کی مبینہ ماہرانہ منصوبہ بندی کرنے والا شخص قرار دیا گیا ہے۔ گوانتانامو کے ان چودہ قیدیوں کو جب وہ سی آئی اے کی جیلوں میں تھے یا گوانتانامو میں قید تھے، وکیلوں تک رسائی حاصل نہیں تھی۔ ان میں سے کچھ قیدی کئی برسوں سے زیرِ حراست ہیں۔ پیٹاگون نے کہا ہے کہ چودہ کے چودہ قیدی جنہیں امریکہ دشمن کے جنگجو قرار دیتا ہے، دوسرے قیدیوں کی طرح اپنی اس حیثیت کو بھی چیلنج کر سکیں گے۔ اخبار واشنگٹن پوسٹ کا کہنا ہے کہ امریکی اہلکاروں نے ان چودہ قیدیوں کو خصوصی حفاظتی اقدامات اور احتیاط کی عدم موجودگی میں وکیل فراہم کیے جانے کی مخالفت کی تھی انہوں نے یہ بھی کہا تھا کہ وکلاء اور ان کے مؤکلوں کی گفتگو سے سی آئی کا متنازعہ تفتیشی طریق کار اور اس کے خفیہ حراستی پروگرام کی خفیہ باتیں منظرِ عام پر آ سکتی ہیں۔ ان چودہ قیدیوں کو وکلاء فراہم کرنے کے عمل کا آغاز گزشتہ ماہ شروع ہوا تھا۔ ایک امریکی ترجمان کموڈور جے ڈی گورڈن نے خبررساں ادارے ایسوسی ایٹڈ پریس کو بتایا کہ دیگر قیدیوں کی طرح یہ چودہ قیدی بھی دشمن کے جنگجو کی حیثیت کو چیلنج کر سکیں گے۔ اس حیثیت میں انہیں امریکی حکومت کے قائم کردہ فوجی ٹرابیونلز میں مقدمے کا سامنا ہوتا ہے۔ گوانتانامو سے متعلق حکومتی پالیسی کو کئی مرتبہ قانونی مخالفت کا سامنا رہا ہے اور اسی وجہ سے پینٹاگون اپنے قاعدے بدل کے قیدیوں کو زیادہ قانونی نمائندگی فراہم کر رہا ہے۔ پینٹاگون کے مطابق اس وقت گوانتانامو میں تقریباً تین سو چالیس قیدی ہیں۔ | 
’خودکشی کرنے والا سعودی فوجی‘
