تین سالہ لبنانی بچہ اسام مصطفےٰ جو اسرائیلی بمباری میں زخمی ہوا

ان ہلاکتوں سے اسرائیل کے تازہ ترین حملوں میں گزشتہ چوبیس گھنٹوں میں مرنے والوں کی تعداد تیس سے زائد ہوگئی ہے اور اب تک ہلاک ہونے والوں کی کل تعداد ایک سو نوے بتائی جا رہی ہے۔

اس سے پہلے کی اطلاعات کے مطابق لبنان میں اسرائیلی حملے چھٹے روز بھی جاری رہے جس کے دوران کم سے کم پندرہ افراد مزید ہلاک ہوئے۔ ہلاک ہونے والوں کی تعداد کے بارے میں حتمی طور پر کچھ نہیں کہا جا سکتا تاہم لبنان سے موصول ہونے والی تصاویر میں تباہ حال عمارتیں نظر آ رہی ہیں جن میں امدادی کارکن زخمی یا ہلاک ہو جانے والوں کو تلاش کر رہے ہیں۔

بعض ناقابل اشاعت تصاویر میں سڑکوں پر یا ملبے کے نیچے جلی ہوئی اور کٹھی پھٹی لاشیں دیکھی جا سکتی ہیں۔

ٹونی بلیئر کا کہنا ہے کہ’یہ فوج اسرائیل پر ہونے والی گولہ باری روک سکتی ہے جس کے نتیجے میں اسرائیل کے حزب اللہ پر جاری حملے بند کروانے کا جواز پیدا ہو سکتا ہے‘۔

تباہی کے مناظر دیکھنے کے لیئے یہاں کلک کیجیئے

شمالی لبنان بھی حملوں کی زد میں

لبنان جنگ بندی، سلامتی کونسل میں عدم اتفاق

جنگ بندی کی لبنانی اپیل

اسرائیل نے حزب اللہ کے خلاف لبنان میں اپنی کارروائیاں تیز کرتے ہوئے اتوار کی رات اور پیر کو بیروت کے علاوہ شمالی لبنان کے شہر تریپولی اور مشرقی شہر بالبیک پر فضائی حملے کیئے ہیں۔

لبنان میں حکام نے بتایا ہے کہ اسرائیلی فضائیہ کی اس کارروائی میں دارالحکومت بیروت اور تریپولی میں آٹھ فوجیوں سمیت تیرہ افراد مارے گئے ہیں۔

اس سے قبل جنوبی شہر طائر میں اسرائیلی کارروائی میں انیس افراد ہلاک ہوگئے تھے۔ لبنان کے سرحدی گاؤں میں اسرائیلی حملے میں آٹھ ایسے افراد بھی مارے گئے جن کے پاس لبنان اور کینیڈا کی دوہری شہریت تھی۔

لبنان سے غیرملکیوں کا انخلاء بھی جاری ہے اور ایک برطانوی فوجی ہیلی کاپٹر کی مدد سے اٹھائیس برطانوی باشندوں اور آٹھ دیگر غیر ملکیوں کو قبرص پہنچایا گیا ہے۔ برطانیہ کے جنگی بحری جہاز بھی علاقے میں موجود ہیں لیکن برطانوی حکومت کا کہنا ہے کہ بندرگاہ کے راستے انخلاء صرف محفوظ حالات میں ہی ممکن ہوگا۔

اسرائیل نے لبنان کو یہ وارننگ بھی دی ہے کہ اسے حزب اللہ کی طرف سے اسرائیلی شہر حیفہ میں راکٹوں کے حملے میں آٹھ افراد کی ہلاکت کی بھاری قیمت چکانی پڑے گی۔

	تازہ اسرائیلی حملے میں بیروت میں نو افراد ہلاک ہوئے ہیں

اسرائیل کے وزیرِ دفاع نے کہا ہے کہ لبنان کے خلاف کارروائی اس وقت تک جاری رہے گی جب تک بقول ان کے اسرائیل کی شمالی سرحد کی ’حقیقت بدل نہیں جاتی۔‘

اسرائیل کی جانب سے تازہ فضائی حملوں میں بیروت میں ہوائی اڈے کو پھر نشانہ بنایا گیا ہے۔ ان حملوں میں ہوائی اڈے پر موجود تیل کے ٹینکوں کو آگ لگ گئی۔

ادھر اقوامِ متحدہ اور یورپی اتحاد کے اعلیٰ ترین اہلکار بیروت پہنچ گئے ہیں جہاں بحرانی صورتِ حال پر مذاکرات ہو رہے ہیں۔یورپی یونین کی خارجہ پالیسی کے سربراہ حاویر سولانا نے لبنان کے وزیرِ اعظم فواد سانی اورا سے ملاقات کے بعد تشدد کے خاتمے اور حزب اللہ کے قبضے سے اسرائیلی فوجیوں کی رہائی کی اپیل کی ہے۔

حزب اللہ کا موقف ہے کہ وہ اسرائیلی حملوں کا جواب دے رہی ہے جن میں درجنوں شہری ہلاک اور لبنان کے اہم مقامات تباہ ہوئے ہیں۔ اسرائیلی فوج کے فضائی حملوں میں اب تک ایک سو سے زائد افراد ہلاک ہو گئے ہیں۔