احمد رضا بی بی سی اردو ڈاٹ کام، کراچی

ڈاکٹر عافیہ کی رہائی کے حق میں ملک بھر میں مظاہرے ہوئے ہیں

’رشتے داری تو ایک طرف میں نے تو کبھی خالد شیخ محمد کو دیکھا بھی نہیں ہے، یہ بات اڑائی گئی ہے۔‘

ڈاکٹر عافیہ کے بچوں کی رہائی کی امید

محمد احمد خالہ کے حوالے

ڈاکٹر عافیہ، بیٹا پاکستان کے حوالے

ان خیالات کا اظہار انہوں نے ڈاکٹر عافیہ صدیقی کے بیٹے محمد احمد کے اپنی خالہ فوزیہ صدیقی کے ہمراہ کراچی پہنچنے پر صحافیوں سے بات کرتے ہوئے کیا۔

انہوں نے کہا کہ ان کی بیٹی بے گناہ ہے اور اس پر لگائے گئے تمام الزامات جھوٹے ہیں۔

ان کا کہنا تھا کہ ایک ماں ہونے کے ناطے اپنی بیٹی کی حالت دیکھ کر انہیں بہت دکھ ہوتا ہے۔

	ڈاکٹر عافیہ امریکی حراست میں بہت بیمار ہیں

فوزیہ صدیقی نے کہا کہ ڈاکٹر عافیہ صدیقی کی حراست جنیوا کنوینشن کی خلاف ورزی ہے اور اگر حکومت سنجیدگی سے کوششیں کرے تو انہیں ایک دن میں وطن واپس لاسکتی ہے۔

’ہم جانتے ہیں کہ ڈاکٹر عافیہ کو امریکہ میں انصاف نہیں ملے گا انہیں پاکستان لایا جائے۔‘

انہوں نے کہا کہ عافیہ صدیقی دہشتگرد نہیں بلکہ دہشتگردی کا شکار ہوئی ہیں۔

انہوں نے امریکی حراست میں اپنی بہن کی صحت پر تشویش کا اظہار کرتے ہوئے کہا کہ عافیہ کے زخموں میں پیپ پڑی گئی ہے اور ان کا علاج بھی نہیں کرایا جا رہا ہے جبکہ ان کے بقول خاندان کے کسی فرد کو بھی ان سے ملاقات کی اجازت نہیں دی جا رہی ہے۔

ڈاکٹر فوزیہ نے ان خبروں کی تردید کی کہ احمد ڈاکٹر عافیہ کا لے پالک بیٹا ہے۔ انہوں نے کہا کہ حکومت نے انہیں یقین دلایا ہے کہ ڈاکٹر عافیہ کے دو دیگر بچوں کی بھی جلد ہی بازیاب کرایا جائے گا۔

واضح رہے کہ ڈاکٹر عافیہ نے اپنے سابقہ شوہر ڈاکٹر محمد امجد خان سے سن 2002ء میں علحیدگی اختیار کرلی تھی اس وقت ان کے گھر تیسرے بچے کی پیدائش ہونے والی تھی۔ بعد میں بی بی سی کی ایک رپورٹ کے مطابق انہوں نے خالد شیخ محمد کے ایک بھتیجے علی عبدالعزیز سے شادی کرلی تھی جس کی خالد شیخ محمد کی فیملی نے تصدیق کی تھی۔

خالد شیخ محمد کو راولپنڈی سے گرفتار کیا گیا تھا ان پر الزام ہے کہ انہوں نے گیارہ ستمبر کے حملوں کی منصوبہ بندی کی تھی۔ وہ اس وقت گوانتاناموبے جیل میں قید ہیں۔