رفعت اللہ اورکزئی بی بی سی اردو ڈاٹ کام، پشاور

	قرارداد کی حمایت میں چھہتر جبکہ مخالفت میں چار ووٹ آئے

پیر کی صبح سرحد اسمبلی کا اجلاس سپیکر کرامت اللہ چغرمٹی کی صدارت میں شروع ہوا تو پیپلز پارٹی کے پارلیمانی لیڈر رحیم داد خان اور عوامی نیشنل پارٹی کے پارلیمانی رہنما بشیراحمد بلور نے آصف علی زرداری کی بطور صدر نامزدگی کےلئے ایوان میں قرارداد پیش کی۔ انہوں نے توقع کا اظہار کیا کہ صدر بننے کے بعد زرداری عدلیہ کی بحالی اور جمہوریت کی بالادستی کے لئے کام کریں گے۔

زرداری پر تنقید ہم سے وعدہ کیا گیا تھا کہ سترھویں ترمیم ختم کردی جائےگی اور ججوں کو بحال کیا جائےگا۔ ایسے شخص کو صدر بنانے کی حمایت کسی صورت نہیں کرسکتے جو اپنے وعدوں سے مکرتا رہے اور روزانہ ایک نیا موقف اپنائے پیر صابر شاہ

انہوں نے کہا کہ مسلم لیگ (ن) کسی صورت آصف علی زرداری کو صدر بنانے کی حمایت نہیں کرسکتے۔ سرحد اسمبلی میں قائد حزب اختلاف اور جمعیت علماء اسلام (ف) کے پارلیمانی رہنما اکرم خان درانی نے کہا کہ اس وقت فاٹا بالخصوص باجوڑ میں آپریشن کی وجہ سے لاکھوں عوام نقل مکانی کر کے بے سروسامانی کے عالم میں زندگی گزار رہے ہیں اور ان لوگوں کو حکومت کی طرف سے سہولیات مہیا نہیں کی گئیں۔

’قرارداد غیرضروری‘  الیکشن شیڈول کا اعلان ہونے کے بعد اس قسم کی قرارداد کا ایوان میں پیش کرنے کا کوئی جواز نہیں بنتا لہٰذا وہ اس قرارداد کی حمایت نہیں کرسکتے شیرپاؤ

پیپلز پارٹی شیر پاؤ کے مرکزی سیکرٹری جنرل سکندر حیات شیرپاؤ نے اپنے خیالات کا اظہار کرتے ہوئے کہا کہ الیکشن شیڈول کا اعلان ہونے کے بعد اس قسم کی قرارداد کا ایوان میں پیش کرنے کا کوئی جواز نہیں بنتا لہٰذا وہ اس قرارداد کی حمایت نہیں کرسکتے جس کے بعد تینوں جماعتوں کے ارکان ایوان سے واک آؤٹ کرگئے۔

مسلم لیگ (ق) کے ارکان قرارداد کی مخالفت کےلئے ایوان میں موجود رہے۔مسلم لیگ (ق) کے خاتون رکن نگہت اورکزئی نے اس موقع پر پیپلز پارٹی کی پالیسیوں اور آصف زرداری پر شدید تنقید کی اور کہا کہ قومی مفاہمتی آرڈیننس کے ذریعے اربوں روپے کی کرپشن کرنے والا شخص پاکستان کا صدر نہیں بن سکتا۔