اعجاز مہر بی بی سی اردو ڈاٹ کام، اسلام آباد

	پاکستان پیپلز پارٹی کی سینٹرل ایگزیکٹو کمیٹی نے آصف زرداری سے صدارتی انتخاب میں حصہ لینے کی درخواست کی تھی

پاکستان پیپلز پارٹی کی سینٹرل ایگزیکٹو کونسل نے ایک روز پہلےمتفقہ طور آصف زرداری کو صدارتی انتخاب میں حصہ لینے کی اپیل کی تھی۔

آصف زرداری نے صدارتی انتخاب میں حصہ لینے سے متعلق سوچنے کے لیے پارٹی سے چوبیس گھنٹے کا وقت مانگا تھا۔

پاکستان پیپلز پارٹی کے مرکزی رہنما رضا ربانی نے کہا ہے کہ آصف زرداری نے پارٹی کے فیصلے کو تسلیم کرتے ہوئے صدارتی انتخاب میں حصہ لیں گے۔

صدر کا انتخاب چھ ستمبر کو ہو گا۔

اسلام آباد میں زرداری ہاؤس میں پریس کانفرنس سے خطاب کرتے ہوئے رضا ربانی نے کہا کہ آصف زرداری نے پارٹی کے فیصلے کو تسلیم کرتے ہوئے صدارتی انتخابات میں حصہ لینے کا فیصلہ کیا ہے۔