انتخاب امیر بی بی سی اردو ڈاٹ کام، مینگورہ (سوات)

	فوجی حکام کے اعلان کے مطابق سوات میں کرفیو اتوار دن دو بجے چوبیس گھنٹے مکمل ہونے پر ختم ہوگا۔

حملوں کا یہ سلسلہ سنیچر کے روز دوپہر دو بجے کے بعد شروع ہوا اور آٹھ گھنٹے سے زیادہ متواتر جاری رہا۔ اس دوران مینگورہ اور اس کےگرد و نواح میں بھاری اسلحے کی گھن گرج سُنی جاتی رہی۔

اطلاعات کے مطابق کانجو کے قریب واقع علاقے ڈھیری، کوزہ بانڈہ اور برا بانڈہ کے علاوہ تحصیل کبل کے اُن علاقوں کو بھاری اسلحے سے نشانہ بنایا جارہا ہے جو مولانا فضل اللہ کے حامیوں کے زیرِ اثر ہیں۔

پاکستان فوج کے شعبہ ءِ تعلقاتِ عامہ کی ایک پریس ریلیز کے مطابق سنیچر کے روز سوات میں کوزہ بانڈہ میں مبیینہ عسکریت پسندوں کو کوبرا ہیلی کاپٹروں سے نشانہ بنایا گیا جس کے نتیجے میں فوج کے مطابق مبیینہ عسکریت پسندوں کو بھاری جانی نقصان پہنچا۔

جرگے کی کوششوں  حکومت نے روایتی جرگہ کے ذریعے علاقے میں امن بحال کرنے کے لیے اپنی سرگرمیاں جاری رکھی ہوئی ہیں ۔ اس سلسلے میں چھوٹے چھوٹے علاقوں کی سطح پر جرگے منعقد کیے جارہے ہیں لیکن اس میں تاحال کوئی خاطر خواہ پیش رفت نہیں دیکھنے میں آئی کیونکہ حکومت اور اُس سے برسرِ پیکار مسلح افراد کے درمیان مسئلے کا حل نکالنے کے لیے تاحال براہِ راست بات شروع نہیں ہوئی۔

تاہم فوج کی پریس ریلیز میں جمعہ کی شام قانون نافذ کرنےوالے اداروں کے اہلکاروں کی فائرنگ کے نتیجے میں ایک شخص کے ہلاک ہونے کے واقعہ کی تصدیق کرتے ہوئے کہا گیا ہے کہ مذکورہ شخص مشکوک حالت میں جمعہ کی شام چھ بج کر بیس منٹ پر کبل گالف کورس کی جانب بڑھ رہا تھا تو اُسے رکنے کا اشارہ کیا گیا۔ جب وہ اشارہ کرنے پر بھی نہ رکا تو اُس پر فائرنگ کی گئی جس کے نتیجے میں وہ موقع پر جاں بحق ہوگیا۔

خیال کیا جارہا ہے کہ ضلع شانگلہ میں فوجی کارروائیوں کے نتیجے میں خاطر خواہ پیش قدمی کرنے کے سبب اب فوج اس سے ملحقہ ضلع سوات میں اپنی کارروائیاں تیز کرنے کو ہے تاکہ شانگلہ کے بالائی حصوں سے پیچھے کی طرف پسپا ہونے پر مجبور مولانا فضل اللہ کے حامیوں کودوسری جانب سوات میں فوجی آپریشن کر کے حکومت کا اختیار بحال کیا جا سکے۔

دوسری جانب حکومت نے روایتی جرگہ کے ذریعے علاقے میں امن بحال کرنے کے لیے اپنی سرگرمیاں جاری رکھی ہوئی ہیں ۔ اس سلسلے میں چھوٹے چھوٹے علاقوں کی سطح پر جرگے منعقد کیے جارہے ہیں لیکن اس میں تاحال کوئی خاطر خواہ پیش رفت نہیں دیکھنے میں آئی کیونکہ حکومت اور اُس سے برسرِ پیکار مسلح افراد کے درمیان مسئلے کا حل نکالنے کے لیے تاحال براہِ راست بات شروع نہیں ہوئی۔

فوجی حکام کے اعلان کے مطابق سوات میں کرفیو اتوار دن دو بجے چوبیس گھنٹے مکمل ہونے پر ختم ہوگا۔