رفعت اللہ اورکزئی بی بی سی اردو ڈاٹ کام پشاور

	سوات میں خود کش حملے کے بعد سکیورٹی سخت کر دی گئی ہے

اس بات کا اعلان وزیر اعلیٰ نے پیر کو سی ایم سیکریٹریٹ پشاور میں سوات اور ملاکنڈ ڈویژن کے اراکین پارلمینٹ، ناظمین اور قبائلی اکابرین کے ایک نمائندہ جرگہ سے خطاب کے بعد صحافیوں کو بریفنگ دیتے ہوئے کیا۔

سوات میں خود کش حملہ، فوجیو سمیت 14 ہلاک

سرحد میں خود کش حملے

حکومت مخالف کارروائی کا فیصلہ

’حکومت معاہدے پر قائم ہے‘

ان کا کہنا تھا کہ جرگہ میں تمام سیاسی جاعتوں کے ممبران ، قبائلی اکابرین اور منتخب عوامی نمائندے شامل ہونگے جو ضلعی سطح پر مقامی انتظامیہ سے مل کر امن کے قیام کے لیے کام کریں گے۔ انہوں نے ان اطلاعات کی سختی سے تردید کی کہ سوات میں فوجی آپریشن کیا جا رہا ہے۔

’ جب تک میں اس کرسی پر بیٹھا ہوں سوات اور ملاکنڈ میں کسی قسم کا فوجی آپریشن نہیں ہوگا۔‘

انہوں نے وضاحت کی کہ سوات میں فوج سول انتظامیہ کی مدد کرنے اور علاقے میں امن وامان کی صورتحال بہتر بنانے کے لیے تعینات کی گئی ہے۔

وزیراعلی کا کہنا تھا کہ سوات میں فوج کی نقل وحمل محدود کی جا رہی ہے تاکہ ان سے عوام کے لیے کوئی مشکلات پیدا نہ ہوں۔ انہوں نے کہا کہ فوج چھاؤنیوں میں رہے گی اور ضرورت پڑنے سول اتنظامیہ کی مدد کے لیے طلب کی جائیگی۔

انہوں نے کہا کہ یہ بات صدر جنرل پرویز مشرف کے ساتھ نیشنل سکیورٹی کونسل کی اجلاس میں بھی طے پا چکی ہے۔

سوات اور ملاکنڈ ڈویژن میں امن وامان کی صورتحال گزشتہ کچھ عرصہ سے کشیدہ ہے جبکہ لال مسجد آپریشن کے بعد وہاں تعینات فوج اور سکیورٹی فورسز کے اہلکاروں پر حملے ہوئے ہیں۔

وزیرستان امن معاہدے کے ٹوٹنے سے متعلق ایک سوال پر اکرم خان درانی نے کہا کہ اس معاہدے کے ختم ہونے کے سنگین نتائج برآمد ہونگے اور اس کے اثرات نہ صرف قبائلی علاقوں پر پڑیں گے بلکہ اس کے منفی اثر سے ملک کے دوسرے علاقے بھی نہیں بچیں گے۔

انہوں نے کہا کہ امن معاہدہ برقرار رکھنے کےلیے وہ اور گورنر سرحد مسلسل کوششیں کر رہے ہیں اور اس سلسلے دونوں کی گزشتہ روز طویل ملاقات بھی ہوئی تھی۔ انہوں نے کسی کا نام لیے بغیر کہا کہ اس معاہدہ کے خاتمے سے وہ لوگ خوش ہوں گے جو اس پر ناراض تھے۔

واضح رہے کے گزشتہ روز شمالی وزیرستان میں مقامی طالبان نے امن معاہدہ یک طرفہ طورپر ختم کرنے کا اعلان کیا تھا۔