ہارون رشید،انتخاب امیر،آصف فاروقی بی بی سی اردو ڈاٹ کام، اسلام آباد

زیرِ حراست طلباء کو اڈیالہ جیل سے سپورٹس کمپلیکس کے احاطے میں پہنچا دیا گیا ہے

پولی کلینک جہاں زیادہ تر زخمیوں کو لے جایا جاتا تھا وہاں سے بھی صحافیوں کو جانے کے لیے کہا گیا۔ آپریشن کے دوران زخمی ہونے والے زیادہ تر افراد کو اسی پولی کلینک میں لایا جا رہا تھا۔

’سیزفائر کریں اور بیٹھ کر بات کریں‘

لال مسجد کے طلباء کی رہائی

محاصرہ، فائرنگ، سرنڈر

ایس ایس جی کمانڈو کرنل ہلاک

’تیس طالبات اجتماعی قبر میں دفنائیں‘

رشتہ داروں کی پریشانی

ادھر وفاق المدارس نے ایک اجلاس کے بعد حکومت سے سیز فائر کا مطالبہ کیا ہے۔ وفاق المدارس کے مرکزی عہدیدار حنیف جالندھری نے بی بی سی اردو کے نامہ نگار احمد رضا سے بات کرتے ہوئے انہوں نے کہا کہ حکومت کو مکمل جنگ بندی کرتے ہوئے لال مسجد کے لوگوں سے بات کر کے مسئلے کا حل نکالنا چاہیے۔

وفاق المدارس کے ایک وفد نے اتوار کو حکمران جماعت مسلم لیگ کے صدر چودھری شجاعت سے بھی ملاقات کی اور ان سے لال مسجد کے مسئلے کے پرامن حل کے لیے کوششیں کرنے پر زور دیا۔

وزیر داخلہ آفتاب شیرپاؤ نے بھی اخباری کانفرنس میں مسجد انتظامیہ سے ’یرغمال’ افراد کو رہا کرنے کی اپیل کی ہے اور اپنے آپ کو بھی حکومت کے حوالے کرنے کے لیے کہا ہے۔ اسلام آباد میں ایک پریس کانفرنس سے خطاب کے دوران انہوں نے عبدالرشید غازی کے اس دعوے کی تردید کی کہ گزشتہ روز سیکیورٹی ایجنسیوں کی فائرنگ سے مدرسے کی چھت گر گئی ہے جس سے تین سو سے زائد طالبات ہلاک ہوگئی ہیں۔

اس سے قبل وفاقی وزیر برائے مذہبی امور اعجاز الحق نے کہا تھا کہ لال مسجد میں ڈھائی سو کے قریب شدت پسند موجود ہیں جن میں سے دو سے پانچ تک غیر ملکی بھی ہیں۔

اسلام آباد میں ایک پریس کانفرنس سے خطاب کرتے ہوئے انہوں نے کہا کہ لال مسجد کے اندر سے ہلاکتوں اور وہاں موجود مسلح افراد کے بارے میں مسلسل غلط بیانی کی جا رہی ہے جبکہ حقیقت یہ ہے کہ لال مسجد میں جو دہشتگرد موجود ہیں وہ مختلف سنگین مقدمات میں حکومت کو مطلوب ہیں۔ انہوں نے کہا کہ ان دہشتگردوں نے مدرسے میں موجود طلباوطالبات کو یرغمال بنایا ہوا ہے اور انہیں باہر آنے نہیں دیا جا رہا۔

اتوار کو لال مسجد کے مزید دو طلباء نے اپنے آپ کو قانون کے حوالے کیا ہے۔ ان میں سے ایک مردان کے پچیس سالہ نور حیات جبکہ دوسرے گلگت کے اسی سالہ شاہ اکبر ہیں۔ حکام نے انہیں حراست میں لے کر تفتیش شروع کر دی ہے۔ تاہم انہیں بھی میڈیا سے دور رکھا گیا ہے۔

انتظامیہ کا یہ بھی کہنا ہے کہ لال مسجد سے رضاکارانہ طور پر باہر آنے پر حراست میں لیے جانے والے ڈیڑھ سو طلبا و طالبات کو اتوار کو رہا کیا گیا ہے۔ان طلباء کو اڈیالہ جیل سے سپورٹس کمپلیکس کے احاطے میں پہنچایا گیا۔ جہاں انہیں کڑے پہرے میں رکھا گیا اور پھر والدین کے حوالے کر دیا گیا۔

	ہارون اسلام اب تک ہلاک ہونے والے سیکیورٹی دستوں کے سب سے اعلٰی عہدیدار ہیں۔

سیکٹر جی سکس کے کرفیو زدہ علاقے میں صحافیوں کی آمد ورفت میں سہولت کے لیے پریس انفارمیشن ڈیپارٹمنٹ نے میڈیا کے لیے خصوصی پاس جاری کیے ہیں اور لال مسجد سے دو کلومیٹر کے فاصلے پر ایک عارضی میڈیا سنٹر بھی قائم کیا جا رہا ہے۔ یاد رہے کہ مسجد کے احاطے میں محصور نائب خطیب عبدالرشید غازی نے ملکی و غیر ملکی میڈیا کو اتوار کو لال مسجد میں اپنی پریس کانفرنس میں آنے کی دعوت دی تاہم لال مسجد کے گرد سکیورٹی اقدامات کے باعث ایسا ممکن نہ ہو سکا۔

لال مسجد اور اس سے منسلک جامعہ حفصہ کے مذہبی شدت پسندوں کے خـلاف منگل کو شروع کیے گئے آپریشن میں سکیورٹی فورسز اور ہتھیار بندوں کے درمیان فائرنگ کے تبادلے میں اب تک بائیس افراد کے ہلاک ہونے کی تصدیق کی گئی ہے۔آپریشن کے آغاز سے لیکر اب تک بارہ سو کے لگ بھگ طلبا و طالبات لال مسجد اور جامعہ حفصہ کو چھوڑ چکے ہیں۔ لیکن خیال کیا جا رہا ہے کہ ابھی بھی خاصی تعداد میں لوگ لال مسجد میں موجود ہیں۔