عبدالحئی کاکڑ بی بی سی اردوڈاٹ کام، پشاور

	شفیع اللہ کو جنوری میں پشاور سے اغوا کیاگیا تھا

صوبہ سرحد میں کمیشن کے پروگرام کوآرڈینیٹر عمران خان نے بی بی سی کو بتایا کہ ان افراد کو گزشتہ ایک ہفتے کے دوران رہا کیا گیا ہے۔

’گمشدگیوں کا سلسلہ جاری ہے‘

انکے مطابق رہا ہونے والوں میں تین افغان مہاجرین حضرت اللہ، فضل اللہ اور سمیع اللہ بھی شامل ہیں جنہیں بائیس نومبر دوہزار چھ کو کوہاٹ کے گھوٹکئی مہاجر کیمپ سے مبینہ طور پر اٹھالیا گیا تھا۔ یہ تینوں افراد آپس میں رشتہ دار ہیں اوروہ ایک مقامی دینی مدرسے میں زیرتعلیم تھے۔

ان افراد کے علاوہ لاپتہ ہونے والے حضرت محمد کو بھی رہا کر دیا گیا۔

پروگرام کوآرڈینیٹر کے بقول رہا پانے والوں میں نیم قبائلی علاقے درہ آدم خیل سے تعلق رکھنے والے تین دوست خیال جمال، ثقلین اور نثار بھی شامل ہیں جنہیں پندرہ جنوری دوہزار سات کو درہ آدم خیل سے پشاور آتے وقت مبینہ طور پر غائب کر دیا گیا تھا۔ اسکے علاوہ پندہ جنوری دوہزار ساتھ کو مبینہ طور پر غائب ہونے والےحضرت محمد بھی اپنے گھر پہنچ چکے ہیں۔

پشاور میں واقع مدرسہ اقراء روضتہ الاطفال کے مہتمم قاری سبحان اللہ کو بھی رہا کردیا گیا ہے لیکن ان کی صحت سخت خراب ہے۔ مدرسے کے ایک استاد محمد معصوم نے بی بی سی کو بتایا کہ انہیں علاج کے لیے ہسپتال میں داخل کرا دیا گیا ہے۔ انہوں نے مزید بتایا کہ قاری سبحان اللہ کو گردوں میں شدید تکلیف ہے اور وہ بات بھی بمشکل کر پا رہے ہیں۔ تاہم انہوں نے یہ نہیں بتایا کہ کیا ان کی یہ حالت کسی تشدد کے نتیجے میں ہوئی ہے۔

	پولیس کے مطابق ناصر علی شاہ کو آئی ایس آئی والوں نے اٹھایا تھا

کامران ایڈوکیٹ کے بقول’ ان افراد سے ہمارا رابطہ تاحال نہیں ہوسکا ہے لیکن اس سے قبل جن افراد کو رہائی ملی تھی انہوں نے خوف کی وجہ سے کچھ بتانے سے گریز کیا تھا۔‘

حکومت کا کہنا ہے کہ ان افراد کے غائب کیے جانے میں خفیہ ایجنسیوں کا کسی قسم کا کوئی ہاتھ نہیں ہے اور انکی بازیابی کے لیے حکومت سطح پر کوششیں کی جاری ہیں جس کی وجہ سے اب تک کئی افراد اپنے گھروں کو واپس پہنچ چکے ہیں۔