پاکستان میں بہت سے گمشدہ لوگوں کے خاندان والوں کا خیال ہے کہ ان کی گمشدگی میں ریاستی ادارے ملوث ہیں۔ ان افراد کے بارے میں یہ بھی نہیں معلوم کہ وہ زندہ ہیں یا کسی کی قید میں۔ بی بی سی اردو ڈاٹ کام نے اس مسئلے پر پیر تین جولائی کو ایک خصوصی پروگرام کا اہتمام کیا جو براہ راست ’ویب کاسٹ‘ کیا جائے گا۔ یعنی یہ پروگرام بی بی سی اردو ڈاٹ کام کے تمام قارعین دنیا بھر میں دیکھ سکیں گے۔ پاکستان کے لاپتہ لوگوں پر اپنی نوعیت کا یہ پہلا پروگرام پیر تین جولائی کے سیربین میں بھی نشر یا براڈکاسٹ کیا جائے گا۔ اس خصوصی پروگرام میں وفاقی وزیر اطلاعات محمد علی درّانی، انسانی حقوق کے لیئے کام کرنے والے اور صحافی آئی اے رحمٰان، آئی ایس آئی کے سابق سربراہ جنرل ریٹائرڈ اسد درانی اور کچھ گمشدہ افراد کے اہلِ خانہ کو بھی مدعو کیا گیا ہے۔ | 
وہ جو لاپتہ ہیں۔۔۔
