 | | | | | | | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
تعلیم، جدید تھانے اور سٹیشن | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
ہندوستان جنوبی ایشیا میں اسلحہ پر سب سے زیادہ خرچ کرنے والا ملک ہے۔ سٹاک ہوم انٹرنیشنل پیس ریسرچ انسٹیٹیوٹ کے مطابق خطے ميں کُل فوجی اخراجات کا چالیس فیصد حصہ چـین اور ہندوستان کے حصے میں آتا ہے۔ چین اور ہندوستان دنیا میں فوجی سازو سامان درآمد کرنے والے دنیا کے دو سب سے بڑے ملک ہیں۔ ان کے علاوہ اسرائیل، سعودی عرب، اور متحدہ عرب امارات بھی ہتیھار درآمد کرنے والے بڑے ملکوں میں شامل ہیں۔ لڑکیوں کا تعلیمی دارالحکومت رپورٹ کے مطابق دلی میں پی ایچ ڈی اور ديگر اعلیٰ تحقیقی کورسز میں تقریباً چھ ہزار طلبہ زیر تعلیم ہیں جن کا چھیالیس فیصد لڑکیاں ہیں۔ اسی طرح ایم اے، ایم ایس سی، ایم کام میں لڑکیوں کی تعداد لڑکوں سے زیادہ ہے ۔ ان میں باون فیصد لڑکیاں ہیں۔
بی اے اور بی ایس میں لڑکیوں کی تعداد پچاس فی صد ہے جبکہ بی کام میں بھی اکتالیس فی صد لڑکیاں رجسٹرڈ ہیں۔ صرف میڈیکل اور انجینئرنگ میں لڑکیوں کا تناسب نسبتاً کم ہے۔ را کو زبردست دھچکہ دلی پولیس دیوان چند ملک نام کے ایک بنگلہ دیشی شہری کی تلاش میں ہے جس نے ریسرچ اینڈ انیلیسز ونگ یعنی ’را‘ میں نوکری حاصل کرنے کے لۓ اپنی شہریت چھپائی تھی۔ دیوان چند نے ایجنسی میں چھ برس تک کام کیا اور اندیشہ ہے کہ وہ اہم کاغذات کے ساتھ فرار ہوگئے ہیں۔
اترپردیش پولیس ای میل پر شمالی ریاست اترپردیش میں آئندہ ماہ تک چھ ضلعوں کے 153 پولیس سٹیشنوں میں ای میل کے ذریعے ابتدائی رپورٹ درج کرائی جا سکے گی۔ یو پی میں پولیس تھانوں کو جدید بنانے کا کام تیزی سے جاری ہے اور سن دو ہزار آٹھ تک تمام تھانوں میں کمپیوٹرز لگانے کا کام مکمل ہوجائے گا۔ یو پی پولیس کا شمارہندوستان کی سب سے پرانی اور قدیم طرز کی فورس کے طور پر ہوتا ہے۔ ورلڈ کلاس ریلوے اسٹیشن اس پروگرام کے تحت دلی اور دیگر شہروں میں موجودہ سٹیشنوں کی جگہ مغربی ممالک کی طرز پر جدید طرز کے ریلوے سٹیشن تعمیر کیے جائیں گے۔ سب سے پہلے نئی دلی کے ریلوے اسٹیشن پر کام شروع ہوگا۔ ریلوے کی وزارت کا کہنا ہے کہ وہ ہوائی اڈوں سے بھی بہتر ریلوے اسٹیشن تعمیر کرے گی۔ نئی دلی اسٹیشن کے لیے پانچ ہزار کروڑ روپ مختص کیے گئے ہیں۔ ریلوے کی وزارت کو اس سلسلے میں پانچ سرکردہ بین الاقوامی مشاورتی کمپنیوں کی طرف سے تجاویز موصول ہوئی ہیں۔
واہ تہاڑ جیل واہ گزشتہ دنوں دلی اور ملک کے شمالی خطے میں زبردست گرمی پڑی۔ دلی میں گرمی کا سب سے زیادہ اثر تہاڑ جیل میں دیکھنے کو ملا جہاں ایک ہفتے میں چھ قیدی ہلاک ہو گئے جن میں سے ایک دو کے جسم پر اذیتوں کے نشان بھی تھے۔ تہاڑ ہندوستان کی بدترین جیلوں ميں سے ایک ہے۔ یہاں تقریباً چھ ہزار قیدیوں کی جگہ ہے لیکن اس وقت اس میں تیرہ ہزار سے زیادہ قیدی بند ہیں۔ جیل کی وارڈوں کی چھتیں بھی بہت نیچی ہیں اور موسم گرما کے دنوں میں یہاں بے پناہ گرمی ہوتی ہے جس سے قیدی بیمار پڑتے ہیں۔ ایک ہفتے تک روزانہ ایک قیدی کی موت کی خبر ملنے پر دلی ہائی کورٹ نے دلی حکومت اور تہاڑ جیل کے حکام سے پوچھا ہے کہ یہ اموات کیوں ہو رہی ہیں۔ | 
اسی بارے میں  دلی ڈائری:عدلیہ، بالی ووڈ اور عراق27 May, 2007 | انڈیا دلی: انتخابات میں کانگریس کی ہار07 April, 2007 | انڈیا دلی ڈائری:’ملا کی دوڑ اسمبلی تک‘15 April, 2007 | انڈیا انسانی سمگلنگ،ایڈز ٹسیٹ، مطمئن جنسی زندگی22 April, 2007 | انڈیا ٹریلین ڈالر معیشت، ان چاہی کالز پر روک29 April, 2007 | انڈیا لز اور نائر کی شادی، چاند کا مشن، افراط زر11 February, 2007 | انڈیا | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
