شکیل اختر بی بی سی اردو ڈاٹ کام، دِلّی

	ہندوستان میں اقتصادی ترقی کے ساتھ ساتھ شادی پر کیے جانے والے اخراجات میں بھی تیزی سے اضافہ ہورہا ہے۔

اغوا اور جبری وصولی کے بڑھتے ہوئے واقعات کے پیش نظر ملک کی بیمہ کمپنیوں نے اغوا اور وصولی کا بھی بیمہ کرنا شروع کردیا ہے۔ عام طور پر جبری وصولی کے لیے امیر لوگوں کو ہی اغوا کیا جاتا ہے۔اس لیے بیمے کی رقم ساڑھے چار کروڑ سے لے کر بائیس کروڑ تک رکھی گئی ہے۔ کئی کمپنیوں نے تو اغوا کی مدت کے دوران ہونے والے نقصانات کا بھی بیمہ کرنا شروع کردیا ہے۔

یہ کیسی درندازی
پاکستان نے ہندوستان پر اپنی سرحد سے درندازی کا الزام لگایا ہے۔ لیکن یہ ذرا مختلف نوعیت کی ہے۔ پاکستان کا کہنا ہے کہ اس کے صوبے پنجاب میں دھول بھرے کہرے (سماگ) کی وجہ ہندوستان کے پنجاب میں تھرمل پاور پلانٹس میں بڑے پیمانے پر کوئلے کا استعمال ہے۔

پاکستان کی سرحد کے نزدیک پنجاب میں تین تھرمل پاور پلانٹس ہیں۔ پاکستان میں ایک مطالعہ سے پتہ چلا ہے کہ پنجاب میں کہرے کی گھنی چادر انہی پاور سٹیشنوں کی وجہ سے بن رہی ہے۔ ہندوستان نے تو اس رپورٹ کو مسترد کردیا لیکن پاکستان کے سپیس اینڈ اپر ایٹماسفیئر رسرچ کمیشن نے اس رپورٹ کی بنیاد پر تین سال کا ایک گہرا مطالعہ شروع کردیا ہے۔

غیرملکوں کے لیے شادی آسان نہیں

غیر ممالک میں آباد ہندوستانی یعنی این آر آئی اب اگر اپنی ہندوستانی بیویوں کے ساتھ بدسلوکی کریں گے یا شادی کے بعد انہیں غیر ممالک میں بے یار و مدد گار چھوڑ دے گے تو انہیں ہندوستانی قانون کا سامنا کرنا پڑے گا۔

ہندوستان کی حکومت امریکہ اور برطانیہ سے بات چیت کر رہی ہے تاکہ ایسا قانونی نظام وضح کیا جائے جس سے ایسے افراد کے خلاف تیزی سے قانونی کارروائی کی جاسکے۔

سولہ لاکھ ہندوستانی امریکہ اور بارہ لاکھ برطانیہ میں آباد ہیں۔ تقریباً پینتیس لاکھ ہندوستانی عرب ممالک میں مقیم ہیں۔ پنجاب، آندھراپردیش، اور کیرالہ میں اس طرح کی شکایات ملتی رہتی ہیں کہ غیر مقیم ہندوستانیوں نے شادی کرکے اپنی بیویوں کو چھوڑ دیا یا ان کے ساتھ بدسلوکی کی جس سے وہ چھوڑنے پر مجبور ہوگئیں۔

ملک میں تقریباً پچاس فی صد لوگ پچیس برس سے کم عمر کے ہیں۔ شراب کا استعمال سولہ سے اٹھارہ برس کی عمر میں شروع ہوتا ہے اور تیس سے پینتیس برس میں عروج پر پہنچتا ہے۔

شادی کی صنعت
ملک میں اقتصادی ترقی کے ساتھ ساتھ شادی پر کیے جانے والے اخراجات میں بھی تیزی سے اضافہ ہورہا ہے۔ ایک نتیجے کے مطابق ہندوستان میں ہر برس شادی پر تقریباً پچاس ہزار کروڑ روپے صرف کیے جاتے ہیں۔ شادی کے صنعت میں پچیس فی صد سالانہ اضافہ ہورہا ہے۔ ایک شادی کا بجٹ ڈيڑھ لاکھ سے ڈیڑھ کروڑ روپے تک ہوتا ہے۔ شادیوں ميں تیس فی صد رقم ملبوسات پر، ایک تہائي زیورات پر اور بیس فی صد کھانے پر خرچ کی جاتی ہے۔