ریحانہ بستی والا بی بی سی اردو ڈاٹ کام، ممبئی

	قطرینہ کیف، جن کے ہاں کے منتظر ہیں ان دنوں سلمان خان

ہدایت کار کو زنخوں کی تلاش
بیچارے ہدایت کار مدھربھنڈارکر کی راتوں کی نیند حرام ہوچکی ہے کیونکہ انہیں اب پریتی جین نے نہیں بلکہ زنخوں نے پریشان کر رکھا ہے۔ ان کی آنے والے فلم ٹریفک سگنل میں حقیقت کا رنگ بھرنے کے لیے انہوں نے اصلی زنخوں کو کاسٹ کیا۔ فلم کی شوٹنگ کے دوران بارش شروع ہوئی بس کیا تھا یہ فائدہ اٹھا کر غائب ہو گئے اور ایسے غائب ہوئے کہ بیچارے بھنڈارکر گلی گلی گھوم کر انہیں ہی تلاش کر رہے ہیں۔

دس قیراط ہیرے کی انگوٹھی

ڈینئیل پرل اور انجیلینا انڈیا میں  انجیلینا جولی انڈیا آرہی ہیں اور وہ بھی عرفان خان کے لیے! یقین نہیں آرہا ہے لیکن یہ سچ ہے بھئی اصل میں مقتول صحافی ڈینیئل پرل پر ہالی وڈ میں فلم بن رہی ہے جس میں عرفان خان اس قتل کی جانچ کرنے والی تحقیقاتی ٹیم میں کیپٹن کا رول کر رہے ہیں اور فلم کی شوٹنگ پاکستان میں ہونی تھی لیکن کسی وجہ سے فلم کی شوٹنگ وہاں نہیں ہو رہی ہے۔

قد اونچا یا نام
یہ پہیلی آپ بوجھیئے کہ قد اونچا یا نام۔ چلیئے ہم آپ کی مدد کرتے ہیں، سشمتا سین نے حال ہی میں اپنی فلم ’زندگی راکس‘ کے نغموں کے کیسیٹ کی رونمائی کے موقع پر شاہ رخ سے کہا: ’دیکھیئے میرا قد آپ سے اونچا ہے۔‘ کِنگ خان کہاں چپ رہتے ایک لمحہ کی دیر کیے بغیر کہا: ’لیکن میرا سٹیٹس (مقام) آپ سے اونچا ہے۔ واہ شاہ رخ جی تو سی گریٹ ہو۔ آپ کیا کہتے ہیں؟

مسلم اداکار نشانے پر؟
اب کولڈڈرنکس کے اشتہار کو لے کر انڈیا کی ایک سیاسی پارٹی لیڈر اور ان کے رضاکار شاہ رخ خان کی فلم ’کبھی الوداع نہ کہنا‘ کے پوسٹرز جلانے لگے، اس پر اپنی بےباک رائے دینے کے لیے مشہور فلمساز اور ہدایت کار مہیش بھٹ نے کہا: ’لگتا ہے کہ یہ سیاسی پارٹی صرف مسلم اداکاروں کو ایک سوچی سمجھی سازش کے تحت نشانہ بنا رہی ہے کیونکہ کولڈ ڈرنکس کے اشتہار تو کئی اداکار کرتے ہیں تو پھر شاہ رخ ہی کیوں؟ سب سے پہلے سلمان، پھر عامر اوراب شاہ رخ!‘

انجیلینا جولی انڈیا میں
لوگوں کو مسحور کر دینے والی ہالی وُڈ اداکارہ انجیلینا جولی انڈیا آرہی ہیں اور وہ بھی عرفان خان کے لیے! یقین نہیں آرہا ہے لیکن یہ سچ ہے بھئی اصل میں مقتول صحافی ڈینیئل پرل پر ہالی وڈ میں فلم بن رہی ہے جس میں عرفان خان اس قتل کی جانچ کرنے والی تحقیقاتی ٹیم میں کیپٹن کا رول کر رہے ہیں اور فلم کی شوٹنگ پاکستان میں ہونی تھی لیکن کسی وجہ سے فلم کی شوٹنگ وہاں نہیں ہو رہی ہے۔ اس لیے انجیلینا انڈیا آرہی ہیں اور یہاں فلم کی شوٹنگ ہوگی۔

زمانہ ڈھونڈے گا

	سلمان خان اور جان ابراہم پھر ساتھ ہولیے

ہائے توبہ
کسی وقت ایک جان دو قالب کہلانے والی فلمی جوڑی اب ایک دوسرے کی شکل دیکھنے کے لیے تیار نہیں ہیں۔ سنا ہے کہ من من سین کی بیٹی ریا سین نے اشمیت پٹیل کے ساتھ فلم میں کام کرنے سے انکار کر دیا۔ آپ کو یاد ہوگا وہ ایم ایم ایس جس کے بارے میں کہا جاتا تھا کہ وہ اس میں ریا اور اشمیت ساتھ ہیں۔ بس اسی کی وجہ سے اب ریا نے اشمیت کے ساتھ فلم کرنے سے انکار کر دیا۔

اسٹارز کے ساتھ رہنے کی قیمت
اگر آپ ان عمارتوں میں فلیٹ لینا چاہتے ہیں جن میں فلم اسٹارز رہتے ہیں تو آپ کو دس سے چالیس فیصد زیادہ رقم دینی ہوگی۔ کیوں؟ ارے بھئی کوئی مذاق ہے آخر فلمی ہستیوں کے ساتھ رہنے والے خوش نصیب سمجھے جاتے ہیں۔ بغیر ٹکٹ آپ انہیں دیکھ سکتے ہیں، کیوں ٹھیک ہے ناں!

امریکی منا بھائی
ایسا نہیں ہے کہ بالی وڈ ہمیشہ ہالی وڈ کی ہی نقل کرتا ہے کبھی کبھی ہمیں بھی اپنا سر اونچا کرنے کا موقع مل جاتا ہے کیونکہ اپنی بھی کچھ فلمیں ہیں جن کی نقل ہالی وڈ کرتا ہے۔ بولے تو منا بھائی ایم بی بی ایس کی نقل۔ جی ہاں بھئی، یہاں منا بھائی اپنے سنجو بابا تھے تو وہاں بلیک امریکن سپر اسٹار کرس ٹکر (Chris Tucker ) منا بھائی بنیں گے۔ اس فلم کی ہدایت کار میرا نائر ہوں گی۔

خوشخبری
چلئے چلتے چلتے آپ کو ایک اچھی خبر دے دیں وہ یہ کہ جان ابراہام اور سلو بھیا میں مانڈولی، ارے معاف کیجیئے، سمجھوتہ ہوگیا کیا کروں ممبئی کی فلمی زبان بولتے بولتے میری زبان بھی کچھ ایسی ہی ہوگئی ہے، خیر یہ سرد جنگ ختم ہوچکی ہے اور اب یہ دونوں اداکار ایک بار پھر ناروے اور لندن کے راک شو میں ایک ساتھ ایک اسٹیج پر رقص کریں گے۔