క్రికెట్ ప్రపంచకప్ 2019: మీరు తెలుసుకోవాల్సిన 12 విషయాలు

క్రికెట్ అభిమానులు ఎంతో ఆత్రుతతో ఎదురుచూస్తున్న ప్రపంచకప్- 2019 రానే వచ్చింది. 1975 నుంచి నాలుగేళ్లకోసారి జరుగుతున్న ఈ క్రీడా సంగ్రామంలో 2015 నాటికి 11 ఎడిషన్లు పూర్తయ్యాయి. ఇప్పుడు ప్రారంభమవుతున్నది 12వ ఎడిషన్. 48 మ్యాచ్‌ల ఈ సుదీర్ఘ టోర్నమెంట్‌లో 10 జట్లు తలపడనున్నాయి.

మే 30 (గురువారం) నుంచి జూలై 14 (ఆదివారం) వరకు 46 రోజుల పాటు ఈ టోర్నమెంట్ జరుగుతుంది. 11 ప్రాంతాల్లో మొత్తం 48 మ్యాచ్‌లు ఉంటాయి. జూలై 9, 11 తేదీల్లో సెమీ ఫైనల్స్, జూలై 14న ఫైనల్ మ్యాచ్‌లు జరుగుతాయి.

ప్రపంచకప్‌ 2019లో తలపడనున్న జట్లు ఇవే

భారత్ మ్యాచ్ ఎప్పుడు?

ఐసీసీ వన్డే ర్యాంకింగ్‌లో అగ్రస్థానంలో ఉన్న భారత్ ఇప్పటివరకు రెండుసార్లు ప్రపంచ కప్ విజేతగా నిలిచింది. ఇప్పుడు మూడోసారి ప్రంపంచ ఛాంపియన్‌గా నిలవాలన్న కాంక్షతో ఉంది.

జూన్ ‌5న ఇంగ్లండ్‌లోని సౌథాంప్టన్ మైదానంలో భారత్ తొలి మ్యాచ్‌లో దక్షిణాఫ్రికాను ఢీకొంటుంది. జూన్ 16న భారత్‌, పాకిస్తాన్ జట్లు తలపడనున్నాయి.

వివిధ దేశాల జట్లతో భారత్ ఆడే మ్యాచ్‌ల షెడ్యూల్:

భారత జట్టు ఇదే

కెప్టెన్: విరాట్‌ కోహ్లీ‌, కోచ్‌: రవి శాస్త్రి

జట్టులోని సభ్యులు: రోహిత్‌ శర్మ, హార్దిక్‌ పాండ్య, ధోనీ (వికెట్‌ కీపర్‌), దినేశ్‌ కార్తీక్‌, కేఎల్‌ రాహుల్‌, కేదార్‌ జాదవ్‌, కుల్‌దీప్‌ యాదవ్‌, మహ్మద్‌ షమి, జస్‌ప్రీత్ బుమ్రా, శిఖర్ ధావన్‌, రవీంద్ర జడేజా, యుజువేంద్ర చాహల్‌, భువనేశ్వర్‌ కుమార్‌, విజయ్‌ శంకర్‌

భారత్- పాకిస్తాన్ మ్యాచ్

జూన్ 16న ఇంగ్లండ్‌లోని మాంచెస్టర్‌ ఓల్డ్ ట్రఫర్డ్ మైదానంలో భారత్- పాకిస్తాన్ జట్లు తలపడున్నాయి. భారత కాలమానం ప్రకారం మధ్యాహ్నం 3 గంటలకు (స్థానిక కాలమానం ప్రకారం ఉదయం 10.30) మ్యాచ్ ఆరంభం అవుతుంది.

ఐదుసార్లు గెలిచిన ఆస్ట్రేలియా

క్రికెట్‌ చరిత్రలో మరే జట్టుకు సాధ్యం కాని ఘనతను ఆస్ట్రేలియా జట్టు సొంతం చేసుకుంది. ఆసీస్ ఏకంగా ఐదు సార్లు విశ్వ విజేతగా నిలిచింది.

2015 మార్చి 29న మెల్‌బోర్న్‌ స్టేడియంలో న్యూజిలాండ్‌తో జరిగిన ఫైనల్‌లో ఏడు వికెట్ల తేడాతో ఆస్ట్రేలియా ఘన విజయం సాధించింది. గతంలో 1987, 1999, 2003, 2007 వన్డే ప్రపంచ కప్‌ టోర్నీల్లో ఆస్ట్రేలియా విజేతగా నిలిచింది.

ఐదోసారి ఇంగ్లండ్ఆతిథ్యం

ప్రపంచ కప్‌కు అత్యధికంగా ఐదోసారి ఇంగ్లండ్‌ ఆతిథ్యం ఇస్తోంది. 1975, 1979, 1983, 1999 ప్రపంచకప్‌ టోర్నీలు కూడా ఇంగ్లండ్‌లోనే జరిగాయి.

ఇంగ్లండ్‌ తర్వాత ఈ టోర్నీ ఎక్కువసార్లు భారత ఉపఖండంలో జరిగింది. 1987, 1996, 2011 టోర్నీలు భారత ఉపఖండంలో జరిగాయి.

2023లో జరిగే ప్రపంచ కప్‌కు భారత్‌ ఆతిథ్యం ఇవ్వనుంది. ఈ మ్యాచ్‌లన్నీ భారతదేశంలోనే జరుగుతాయి.

ఈసారి 10 దేశాలే ఎందుకు?

2011, 2015 ప్రపంచకప్ టోర్నీలలో దేశాల 14 జట్లు (నాలుగు ఐసీసీ అసోసియేట్ సభ్య దేశాలతో కలిపి) పాల్గొన్నాయి. అయితే, అసోసియేట్‌ దేశాలకు నేరుగా టోర్నీలో అవకాశం ఇవ్వకూడదని 2010 అక్టోబర్‌లో దుబాయిలో జరిగిన సమావేశంలో ఐసీసీ నిర్ణయం తీసుకుంది. జట్ల సంఖ్యను 14 నుంచి 10కి కుదించింది. 2019 నుంచి ఆ విధానాన్ని అమలు చేస్తున్నారు.

ఏడాది క్రితం ఐసీసీ వన్డే ర్యాంకింగ్స్‌లో టాప్‌-8లో ఉన్న జట్లకు నేరుగా ప్రపంచకప్‌లో తలపడే అవకాశం కల్పించింది. వెస్టిండీస్‌, అఫ్గానిస్థాన్‌ జట్లను క్వాలిఫయర్‌ ద్వారా ఎంపిక చేసింది.

విజేతకు ఇచ్చే నగదు బహుమతి ఎంత?

ఈసారి ఐసీసీ నగదు బహుమతిని పెంచింది. గెలుపొందిన జట్టుకు రూ.28 కోట్లు, రన్నరప్‌కు రూ.14 కోట్లు ఇవ్వనున్నారు. ప్రపంచ కప్‌లో ఇచ్చే మొత్తం బహుమతుల విలువ రూ.70 కోట్లు.

టికెట్లు ఎక్కడ దొరుకుతాయి?

https://tickets.cricketworldcup.com ఇది అధికారిక వెబ్‌సైట్‌. ఇందులో లాగిన్ అయి టికెట్లు కొనుగోలు చేసే వీలుంది.

ప్రపంచకప్ 2019 షెడ్యూలు

ప్రస్తుతం బరిలో నిలుస్తున్న 10 జట్లకు కెప్టెన్ ఎవరు? కోచ్ ఎవరు?

1975 నుంచి 2015 వరకు ప్రపంచ కప్‌ విజేతలు ఎవరు?

ఇవి కూడా చదవండి

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)