ఫొటోల్లో: కరవు కోరల్లో ఆస్ట్రేలియా

5 ఆగస్టు 2018

తూర్పు ఆస్ట్రేలియాలోని చాలా ప్రాంతాలుఇప్పటివరకూ ఎప్పుడూ లేనంత అతిపెద్ద కరవుతోవిలవిల్లాడుతున్నాయి.

వర్షాలు లేకపోవడంతో ఇక్కడ పరిస్థితి చాలా దారుణంగా మారింది.

రాయ్‌టర్స్ ఫొటోగ్రాఫర్ డేవిడ్ గ్రే ఆ ప్రాంతాల్లో పర్యటించారు. కరవుతో ఎండిపోయిన ప్రాంతాలను నింగి నుంచి తన కెమెరాలో బంధించారు.

న్యూ సౌత్ వేల్స్ ప్రాంతంలో ఒక పొలంలో నీళ్ల ట్యాంక్ దగ్గర ఉన్న ఒకే ఒక చెట్టు, ఇక్కడ జీవానికి మిగిలిన ఒకే ఒక సాక్ష్యం ఇదే.

2010 తర్వాత వర్షాలు సరిగా పడలేదని ఈ పొలం యజమాని మే మెక్‌వాన్ చెప్పారు.

న్యూ సౌత్ వేల్స్‌లో సుమారు 98 శాతం ప్రాంతం ఇప్పుడు కరవు కోరల్లో చిక్కుకుంది. పొరుగు రాష్ట్రం క్వీన్స్‌లాండ్‌లో కూడా మూడొంతుల భాగంలో ఇదే పరిస్థితి ఉంది.

ఫలితంగా రైతులు తమ పశువుల కోసం బయటి నుంచి గ్రాసం తెప్పించాల్సి వస్తోంది. కరవుతో వారి రోజువారీ ఖర్చు కూడా చాలా పెరిగింది.

ఈ ఫొటోలో మీరు ఖాళీగా ఉన్న ఒక నీటి ట్యాంకు దగ్గర నుంచి నిరాశగా వెళ్తున్న ఒక ఆవును చూడవచ్చు. ఈ నీళ్ల ట్యాంక్ టేమ్‌వర్త్ ప్రాంతంలో ఉంది.

Skip ఎక్కువమంది చదివినవి and continue reading

ఎక్కువమంది చదివినవి

End of ఎక్కువమంది చదివినవి

టిమ్ వాలెస్టోన్ అనే రైతు "నేను నా పశువులకు ఆహారం మాత్రమే పెట్టగలుగుతున్నా, అంతకు మించి ఇంకేమీ చేసే పరిస్థితి లేదు" అన్నారు.

ఇది న్యూ సౌత్ వేల్స్‌లో గునేదాహ్ దగ్గర ఎండిపోయిన ఒక ఆనకట్ట ఫొటో.

కరవు వల్ల నష్టపోయిన రైతులకు ప్రభుత్వం ఇప్పటివరకూ 73.8 కోట్ల డాలర్ల సాయం అందించింది.

ఎస్ విట్నీ అనే మరో రైతు "నేను ఇక్కడే పుట్టి పెరిగా. ఇలాంటి కరవు ఎప్పుడూ చూళ్లేదు" అన్నారు.

టేమ్‌వర్త్ ప్రాంతంలోని ఒక పొలంలో వరుసగా మేస్తున్న గొర్రెలు

కరవు ప్రభావిత రైతులకు మెరుగైన వైద్య సేవలు అందించడానికి కూడా ప్రభుత్వం నిధులు ఇస్తోందని కొందరు రైతులు చెబుతున్నారు.

ఆస్ట్రేలియాలోని కొన్ని ప్రాంతాల్లో గత డిసెంబర్ నుంచి ఫిబ్రవరి మధ్య ఎండలు ఈసారి చాలా తీవ్రం అయ్యాయి.

ఈ ఏడాది జులై నెల 2002 తర్వాత అంత్యంత వేడిగా ఉన్న నెలగా నిలిచింది.

ఆస్ట్రేలియా వ్యవసాయ ఉత్పత్తిలో నాలుగో వంతు న్యూ సౌత్ వేల్స్ నుంచే జరుగుతుంది.

అందుకే ఈ కరవు ప్రభావం ఆస్ట్రేలియాలోని దేశీయ ఉత్పత్తి, పరిశ్రమలపై కూడా పడింది.

ఎండల వల్ల అత్యంత తీవ్రంగా ప్రభావితమైన ప్రాంతాల్లో జూన్‌లో ఆస్ట్రేలియా ప్రధానమంత్రి మాల్కం టర్న్‌బుల్ పర్యటించారు. దీనికి పర్యావరణ మార్పులే కారణం అని ఆయనన్నారు.

(ఫొటోలు రాయ్‌టర్స్)