ఉత్తర కొరియాకు ఇంటర్నెట్ సేవలు ఎక్కడి నుంచి అందుతున్నాయి?

నిత్యం అణు పరీక్షలు, క్షిపణుల ప్రయోగాలతో ప్రపంచాన్ని కలవరపెడుతున్న ఉత్తర కొరియాపై పలు దేశాలు ఎన్నో రకాల నిషేధాలు విధించాయి. మరి ఆ దేశానికి ఇంటర్నెట్ సేవలు ఎవరు అందిస్తున్నారన్న విషయం ఇప్పటి వరకు తెలియరాలేదు. తాజాగా ఆ విషయం బయటపడింది.

ఉత్తరకొరియాలో అంతర్గత ఇంటర్నెట్ వ్యవస్థ(ఇంట్రానెట్) ఉంది. దానికి అంతర్జాతీయ నెట్‌వర్క్‌తో అనుసంధానం ఉండదు.

పైగా ప్రముఖ సోషల్ మీడియా వెబ్‌సైట్లు ఆ దేశంలో నిషేధం.

మరి ఉత్తరకొరియా ప్రపంచంతో ఎలా అనుసంధానమవుతోంది? ఎవరు ఇంటర్నెట్ సేవలు అందిస్తున్నారు?

తాజాగా వచ్చిన వార్తల ప్రకారం రష్యా నుంచి ఉత్తర కొరియా ఇంటర్నెట్‌తో అనుసంధానం అవుతోందని తెలుస్తోంది.

ఈ విషయాన్ని అంతర్జాతీయ ఇంటర్నెట్ ట్రాఫిక్‌ను పరిశీలించే సంస్థ డైన్ రీసెర్చ్ వెల్లడించింది.

రష్యా టెలికం సంస్థ ట్రాన్స్‌టెలికం ఈ సేవలను గత ఆదివారం ప్రారంభించినట్లు తెలిపింది.

ఇంతకు ముందు చైనా యునైటెడ్ నెట్‌వర్క్ కమ్యూనికేషన్స్ లిమిటెడ్ ద్వారా ఉత్తర కొరియాకు ఇంటర్నెట్ సేవలు అందేవి. ఇప్పుడు ఆ బాధ్యతలు రష్యా సంస్థ తీసుకుందట.

రష్యా నుంచి ఇంటర్నెట్ అనుసంధానం కావడంతో ఉత్తర కొరియా సాంకేతికంగా మరింత బలపడినట్లైంది.

అయితే దీని ద్వారా ఇంటర్నెట్‌ను ఉత్తర కొరియా ఏవిధంగా వినియోగిస్తుందన్న విషయాలపై రష్యా ఓ కంట కనిపిట్టే అవకాశం ఉంటుందని నిపుణులు అభిప్రాయపడుతున్నారు.

మా ఇతర కథనాలు:

(బీబీసీ తెలుగును ఫేస్‌బుక్, ఇన్‌స్టాగ్రామ్‌ లోనూ ఫాలో అవ్వండి. యూట్యూబ్‌లోనూ సబ్‌స్క్రైబ్ చేసుకోండి.)