రాహుల్ గాంధీ: వాయనాడ్‌నే దక్షిణాది నుంచి ఎందుకు ఎంచుకున్నారు?

రాహుల్

ఫొటో సోర్స్, Getty Images

కాంగ్రెస్ పార్టీ అధ్యక్షుడు రాహుల్ గాంధీ తొలిసారిగా రెండు స్థానాల నుంచి పోటీచేయనున్నారు.

ఇంతకాలం ప్రాతినిధ్యం వహిస్తూ వస్తున్న ఉత్తర్‌ప్రదేశ్‌లోని అమేథీ నియోజకవర్గంతోపాటు దక్షిణాదిన కేరళలోని వాయనాడ్ నియోజకవర్గం నుంచి ఆయన బరిలోకి దిగనున్నారు.

కాంగ్రెస్ సీనియర్ నేత, కేంద్ర మాజీ మంత్రి ఏకే ఆంటోనీ ఆదివారం దిల్లీలో మీడియా సమావేశంలో ఈ మేరకు ప్రకటన చేశారు.

వాయనాడ్‌లో ఏప్రిల్ 23న, అమేథీలో మే 6న పోలింగ్ జరుగనుంది.

రాహుల్ గాంధీ

ఫొటో సోర్స్, Twitter/Congress

రాహుల్ 2004 నుంచి అమేథీకి ప్రాతినిధ్యం వహిస్తూ వస్తున్నారు.

రాహుల్ వాయనాడ్ నుంచి కూడా పోటీచేయాలంటూ అనేక విజ్ఞప్తులు వచ్చాయని ఆంటోనీ చెప్పారు. ఆయన దక్షిణాది నుంచి పోటీచేయాలని కేరళ, కర్నాటక, తమిళనాడు నుంచి కొన్ని వారాలుగా కార్యకర్తల నుంచి మళ్లీ మళ్లీ విజ్ఞప్తులు, డిమాండ్లు వచ్చాయని తెలిపారు.

కేరళతోపాటు దక్షిణాదిలోని ఆంధ్రప్రదేశ్, తమిళనాడు, కర్నాటక రాష్ట్రాల్లో కాంగ్రెస్‌ను మరింత బలోపేతం చేసేందుకు రాహుల్ వాయనాడ్‌లో బరిలోకి దిగుతున్నారని ఆయన చెప్పారు.

పోస్ట్‌ X స్కిప్ చేయండి
X ఈ సమాచారాన్ని చూడాలనుకుంటున్నారా?

ఈ కథనంలో X అందించిన సమాచారం కూడా ఉంది. వారు కుకీలు, ఇతర టెక్నాలజీలను ఉపయోగిస్తుండొచ్చు, అందుకే సమాచారం లోడ్ అయ్యే ముందే మేం మీ అనుమతి అడుగుతాం. మీరు మీ అనుమతి ఇచ్చేముందు X కుకీ పాలసీని , ప్రైవసీ పాలసీని చదవొచ్చు. ఈ సమాచారం చూడాలనుకుంటే ‘ఆమోదించు, కొనసాగించు’ను ఎంచుకోండి.

హెచ్చరిక: థర్డ్ పార్టీ కంటెంట్‌లో ప్రకటనలు ఉండొచ్చు

పోస్ట్ of X ముగిసింది

ఈ విజ్ఞప్తులపై కాంగ్రెస్ చర్చించిందని ఆంటోనీ వెల్లడించారు. దక్షిణాది రాష్ట్రాల నుంచి వచ్చిన ఈ ఏకగ్రీవ అభ్యర్థనను తిరస్కరించడం సరికాదని తాము రాహుల్‌కు సూచించామని, దీనిపై ఆయన సానుకూలంగా స్పందించి, వాయనాడ్ నుంచి పోటీచేయడానికి సమ్మతి తెలిపారని చెప్పారు.

Skip ఎక్కువమంది చదివినవి and continue reading
ఎక్కువమంది చదివినవి

End of ఎక్కువమంది చదివినవి

'అమేథీ రాహుల్ కర్మభూమి'

వాయనాడ్ భౌగోళిక, సాంస్కృతిక నేపథ్యాన్ని దృష్టిలో పెట్టుకుని ఆ స్థానాన్ని ఎంపిక చేసినట్లు కాంగ్రెస్ అధికార ప్రతినిధి రణ్‌దీప్ సుర్జేవాలా వెల్లడించారు.

‘‘అమేథీ తన కర్మభూమి అని రాహుల్ చాలా సార్లు చెప్పారు. అమేథి నియోజకవర్గం రాహుల్‌కు కుటుంబం లాంటిది. అమేథీని ఆయన వదులుకోరు’’ అని ఆయన చెప్పారు.

రాహుల్

ఫొటో సోర్స్, Twitter/RahulGandhi

వాయనాడ్ నియోజకవర్గం 2008లో ఏర్పడింది. దీనిని కాంగ్రెస్ సురక్షిత స్థానాల్లో ఒకటిగా భావిస్తారు. 2009, 2014 ఎన్నికల్లో ఇక్కడ కాంగ్రెస్ అభ్యర్థిగా ఎంఐ షానవాస్ విజయం సాధించారు.

2018లో ఆయన చనిపోయినప్పటి నుంచి ఈ స్థానం ఖాళీగా ఉంది.

2009, 2014 ఎన్నికల్లో ఇక్కడ సీపీఐ రెండో స్థానంలో నిలిచింది.

2009లో కాంగ్రెస్ 1,53,439 ఓట్ల ఆధిక్యాన్ని సాధించింది. 2014 ఎన్నికల్లో ఈ ఆధిక్యం బాగా తగ్గి, 20,870 ఓట్లకు పరిమితమైంది.

2014లో మూడో స్థానంలో నిలిచిన బీజేపీ

వాయనాడ్‌లో 2009లో 31,687 ఓట్లతో( 3.85 శాతం) నాలుగో స్థానంలో నిలిచిన బీజేపీ, 2014లో 80,752 ఓట్లు (8.83 శాతం) సాధించి మూడో స్థానాన్ని దక్కించుకుంది.

ప్రస్తుత ఎన్నికల్లో పాలక వామపక్ష ప్రజాస్వామ్య కూటమి(ఎల్‌డీఎఫ్) తరపున సీపీఐ అభ్యర్థి పీపీ సునీర్ వాయనాడ్‌లో బరిలోకి దిగుతున్నారు.

వాయనాడ్‌ సహా కేరళలోని మొత్తం 20 లోక్‌సభ నియోజకవర్గాల్లో ఏప్రిల్ 23న పోలింగ్ జరుగనుంది.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)