ਹੁਣ ਹਵਾ ’ਚੋਂ ਹੀਰੇ ਇੰਝ ਬਣਨਗੇ, ਨਹੀਂ ਪੁੱਟਣੀ ਪਵੇਗੀ ਧਰਤੀ
ਤਸਵੀਰ ਸਰੋਤ, JEFF MOORE/BORKOWSKI/PA WIRE
ਵਾਤਾਵਰਣ ਪ੍ਰੇਮੀ ਡੇਲ ਵਿਨੇਸ, ਗਰੀਮ ਐਨਰਜੀ ਫਰਮ ਦੇ ਮੋਢੀ ਅਤੇ ਫੌਰਸਟ ਗਰੀਨ ਰੋਵਰਜ਼ ਫੁੱਟਬਾਲ ਕਲੱਬ ਦੇ ਚੇਅਰਮੈਨ ਹਨ। ਉਨ੍ਹਾਂ ਦੀ ਕੰਪਨੀ ਨੇ ਹਵਾ ਵਿੱਚੋਂ ਹੀਰੇ ਬਣਾਉਣ ਦੀ ਤਕਨੀਕ ਕੱਢੀ ਹੈ।
ਹਵਾ ’ਚੋਂ ਬਣੇ ਇਨ੍ਹਾਂ ਹੀਰਿਆਂ ਨੂੰ ਸਕਾਈ ਡਾਇਮੰਡ ਕਿਹਾ ਜਾਂਦਾ ਹੈ ਅਤੇ ਇਹ ਬ੍ਰਿਟੇਨ ਦੇ ਇੱਕ ਸ਼ਹਿਰ ਗਲੌਸਟਸ਼ਾਇਰ ਵਿੱਚ ਬਣਾਏ ਗਏ ਸਨ।
ਇਸ ਵਿੱਚ ਪ੍ਰਕਿਰਿਆ ਦੌਰਾਨ ਹਵਾ ਅਤੇ ਸੂਰਜ ਦੀ ਊਰਜਾ ਵਰਤਦੇ ਹੋਏ ਹਵਾ ਵਿਚਲੀ ਕਾਰਬਨ ਨੂੰ ਖਿੱਚਿਆ ਜਾਂਦਾ ਹੈ ਅਤੇ ਇਕੱਠੇ ਕੀਤੇ ਮੀਂਹ ਦੇ ਪਾਣੀ ਨੂੰ ਵੀ ਉਪਯੋਗ ਵਿੱਚ ਲਿਆਂਦਾ ਜਾਂਦਾ ਹੈ।
ਇਹ ਵੀ ਪੜ੍ਹੋ:
ਕੰਪਨੀ ਦਾ ਕਹਿਣਾ ਹੈ ਕਿ ਇਸ ਪ੍ਰਕਿਰਿਆ ਰਾਹੀਂ ਉਹ ਧਰਤੀ ਵਿੱਚ ਖਣਨ ਰਾਹੀਂ ਹੀਰੇ ਕੱਢਣ ਦੇ ਰਵਾਇਤੀ ਤਰੀਕੇ ਨੂੰ ਚੁਣੌਤੀ ਦੇਣਾ ਚਾਹੁੰਦੇ ਹਨ। ਖਣਨ ਰਾਹੀਂ ਹੀਰੇ ਕੱਢਣ ਨਾਲ ਧਰਤੀ ਨੂੰ ਵੀ ਬਹੁਤ ਨੁਕਸਾਨ ਪਹੁੰਚਦਾ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਨਵੀਂ ਤਕਨੀਕ ਨਾਲ ਇਸ ਨੁਕਸਾਨ ਨੂੰ ਠੱਲ੍ਹ ਪਾਈ ਜਾ ਸਕੇਗੀ।
ਇਨ੍ਹਾਂ ਹੀਰਿਆਂ ਨੂੰ ਨਗ-ਵਿਗਿਆਨ ਦੀ ਕੌਮਾਂਤਰੀ ਸੰਸਥਾ (International Gemological Institute) ਵੱਲੋਂ ਪ੍ਰਮਾਣਿਤ ਕੀਤਾ ਜਾਂਦਾ ਹੈ ਅਤੇ ਇਨ੍ਹਾਂ ਦੇ ਬਣਨ ਵਿੱਚ ਕੁਝ ਹਫ਼ਤਿਆਂ ਦਾ ਸਮਾਂ ਲਗਦਾ ਹੈ।
ਤਸਵੀਰ ਸਰੋਤ, JEFF MOORE/BORKOWSKI/PA WIRE
ਡੇਲ ਵਿਨੇਸ ਦਸਦੇ ਹਨ, "ਇਸ ਦੀ ਸਾਰੀ ਸਮਗੱਰੀ ਹਵਾ ਵਿੱਚੋਂ ਆਉਂਦੀ ਹੈ ਅਤੇ ਇਹ ਸਿਰਫ਼ ਲੋਅ ਜਾਂ ਸਿਫ਼ਰ ਕਾਰਬਨ ਹੀ ਨਹੀਂ ਹੈ ਅਸਲ ਵਿੱਚ ਇਹ ਰਿਣਾਤਮਿਕ ਕਾਰਬਨ ਹੈ। ਇਸ ਦੀ ਵਜ੍ਹਾ ਹੈ ਕਿ ਅਸੀਂ ਹਵਾ ਵਿਚਲੀ ਕਾਰਬਨ ਨੂੰ ਪੱਕੇ ਤੌਰ ’ਤੇ ਬੰਦ ਕਰ ਰਹੇ ਹਾਂ।"
ਉਹ ਅੱਗੇ ਦਸਦੇ ਹਨ,"ਹੁਣ ਸਾਨੂੰ ਧਰਤੀ ਵਿੱਚ ਉਹ ਵੱਡੇ ਸੁਰਾਖ਼ ਪੁੱਟਣ ਦੀ ਲੋੜ ਨਹੀਂ ਹੈ - ਜਿਨ੍ਹਾਂ ਵਿੱਚੋਂ ਕੁਝ ਪੁਲਾੜ ਵਿੱਚੋਂ ਵੀ ਨਜ਼ਰ ਆਉਂਦੇ ਹਨ। ਉਹ ਸਾਰਾ ਕੁਝ ਸਾਨੂੰ ਹੁਣ ਹੀਰੇ ਹਾਸਲ ਕਰਨ ਲਈ ਕਰਨ ਦੀ ਜ਼ਰੂਰਤ ਨਹੀਂ ਹੈ। ਹੁਣ ਅਸੀਂ ਹੀਰੇ ਹਵਾ ਵਿੱਚੋਂ ਹੀ ਬਣਾ ਸਕਦੇ ਹਾਂ।"
"ਇਸ ਨੂੰ ਅਸੀਂ 21ਵੀਂ ਸਦੀ ਦੀ ਤਕਨੀਕ ਵਜੋਂ ਦੇਖਦੇ ਹਾਂ ਬਿਲਕੁਲ ਅਜਿਹਾ ਹੀ ਸਾਨੂੰ ਬਦਲਦੇ ਵਾਤਾਵਰਣ ਅਤੇ ਸਸਟੈਨੇਬਿਲਿਟੀ ਨਾਲ ਜੁੜੇ ਹੋਰ ਸੰਕਟਾਂ ਬਾਰੇ ਵੀ ਕਰਨਾ ਪਵੇਗਾ ਅਤੇ ਇਸ ਨਾਲ ਅਸੀਂ ਉਹ ਜ਼ਿੰਦਗੀ ਵੀ ਜਿਉਂਦੇ ਰਹਿ ਸਕਾਂਗੇ ਜਿਸ ਦੇ ਅਸੀਂ ਆਦੀ ਹਾਂ।"
ਤਸਵੀਰ ਸਰੋਤ, JEFF MOORE/BORKOWSKI/PA WIRE
ਇਹ ਵੀ ਪੜ੍ਹੋ:
ਇਹ ਵੀਡੀਓ ਵੀ ਦੇਖੋ:
ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of YouTube post
