You’re viewing a text-only version of this website that uses less data. View the main version of the website including all images and videos.
ਮੈਂ ਮਾਫ਼ੀ ਮੰਗਦੀ ਹਾਂ, ਮੈਨੂੰ ਭਾਰਤੀ ਹੋਣ 'ਤੇ ਮਾਣ ਹੈ- ਪ੍ਰਿਅੰਕਾ ਚੋਪੜਾ
ਅਦਾਕਾਰਾ ਪ੍ਰਿਅੰਕਾ ਚੋਪੜਾ ਨੇ ਕੁਆਂਟਿਕੋ ਸ਼ੋਅ ਤੋਂ ਪੈਦਾ ਹੋਏ ਵਿਵਾਦ ਲਈ ਮੁਆਫ਼ੀ ਮੰਗੀ ਹੈ।
ਸ਼ੋਅ ਵਿੱਚ ਦਿਖਾਇਆ ਗਿਆ ਸੀ ਕਿ ਇੱਕ ਹਿੰਦੂ ਰਾਸ਼ਟਰਵਾਦੀ ਪਾਕਿਸਤਾਨ ਨੂੰ ਬਦਨਾਮ ਕਰਨ ਦੀ ਸਾਜ਼ਿਸ਼ ਰਚ ਰਿਹਾ ਹੈ।
ਪ੍ਰੋਗਰਾਮ ਦੇ ਇਸ ਹਿੱਸੇ ਲਈ ਸੋਸ਼ਲ ਮੀਡੀਆ 'ਤੇ ਪ੍ਰਿਅੰਕਾ ਚੋਪੜਾ ਦੀ ਕਾਫੀ ਨਿਖੇਧੀ ਹੋਈ ਸੀ।
ਵਿਵਾਦ ਤੋਂ ਬਾਅਦ ਹੁਣ ਪ੍ਰਿਅੰਕਾ ਚੋਪੜਾ ਨੇ ਟਵਿੱਟਰ 'ਤੇ ਜਾਰੀ ਬਿਆਨ ਵਿੱਚ ਕਿਹਾ, "ਮੈਨੂੰ ਅਫਸੋਸ ਹੈ ਕਿ ਕੁਆਂਟਿਕੋ ਦੀ ਇੱਕ ਕੜੀ ਕਾਰਨ ਕੁਝ ਲੋਕਾਂ ਦੀਆਂ ਭਾਵਨਾਵਾਂ ਨੂੰ ਠੇਸ ਪਹੁੰਚੀ ਹੈ। ਅਜਿਹਾ ਕੁਝ ਕਰਨ ਦਾ ਮੇਰਾ ਕੋਈ ਇਰਾਦਾ ਨਹੀਂ ਸੀ ਅਤੇ ਮੈਂ ਇਸ ਬਾਰੇ ਮਾਫ਼ੀ ਮੰਗਦੀ ਹਾਂ। ਮੈਨੂੰ ਭਾਰਤੀ ਹੋਣ 'ਤੇ ਮਾਣ ਹੈ ਅਤੇ ਇਹ ਨਹੀਂ ਬਦਲੇਗਾ।''
ABC ਵੱਲੋਂ ਵੀ ਇੱਕ ਬਿਆਨ ਜਾਰੀ ਕਰਕੇ ਮੁਆਫੀ ਮੰਗੀ ਗਈ ਹੈ। ਬਿਆਨ ਵਿੱਚ ਪ੍ਰਿਅੰਕਾ ਚੋਪੜਾ ਦਾ ਬਚਾਅ ਕਰਦੇ ਹੋਏ ਏਬੀਸੀ ਨੇ ਕਿਹਾ ਕਿ ਉਨ੍ਹਾਂ ਨੇ ਨਾ ਤਾਂ ਸ਼ੋਅ ਦੀ ਕਹਾਣੀ ਲਿਖੀ ਹੈ, ਨਾ ਹੀ ਸ਼ੋਅ ਨੂੰ ਡਾਇਰੈਕਟ ਕੀਤਾ ਹੈ ਅਤੇ ਨਾ ਹੀ ਕਹਾਣੀ ਦੇ ਪਲਾਟ ਬਾਰੇ ਉਨ੍ਹਾਂ ਦੀ ਕੋਈ ਭੂਮਿਕਾ ਹੈ।
ਪ੍ਰਿਅੰਕਾ ਦੀ ਮਾਫੀ ਤੋਂ ਬਾਅਦ ਲੋਕਾਂ ਨੇ ਸੋਸ਼ਲ ਮੀਡੀਆ 'ਤੇ ਪ੍ਰਤੀਕਰਮ ਵੀ ਦਿੱਤੇ ਹਨ।
ਪੀ ਸੀ ਸਟਾਈਲ ਫਾਇਲ ਨੇ ਕਿਹਾ ਹੈ, "ਤੁਸੀਂ ਸਭ ਤੋਂ ਪਵਿੱਤਰ ਹੋ ਅਤੇ ਤੁਹਾਨੂੰ ਮਾਫ਼ੀ ਮੰਗਣ ਦੀ ਕੋਈ ਲੋੜ ਨਹੀਂ ਹੈ। ਤੁਸੀਂ ਕੁਝ ਗਲਤ ਨਹੀਂ ਕੀਤਾ।''
ਸੁਮਿਤ ਕਦੇਲ ਨੇ ਕਿਹਾ, "ਤੁਹਾਨੂੰ ਸ਼ਰਮਿੰਦਾ ਹੋਣ ਚਾਹੀਦਾ ਹੈ, ਅਸੀਂ ਤੁਹਾਨੂੰ ਸਟਾਰ ਬਣਾਇਆ ਹੈ, ਸਾਨੂੰ ਅੱਤਵਾਦੀ ਨਾ ਬਣਾਓ।''
ਸ਼ਿਵਮ ਨੇ ਕਿਹਾ, "ਤੁਸੀਂ ਕਹਾਣੀ ਤਾਂ ਪੜ੍ਹੀ ਹੋਵੇਗੀ, ਉਸ ਵੇਲੇ ਤੁਹਾਨੂੰ ਕੁਝ ਗਲਤ ਨਹੀਂ ਲੱਗਿਆ, ਹੁਣ ਇਹ ਮਾਫੀ ਕਿਉਂ?''
ਸੋਫੀਆ ਨੇ ਕਿਹਾ, "ਇਹ ਕਿਉਂ ਨਹੀਂ ਸਮਝ ਰਹੇ ਕਿ ਸਾਰੀ ਗਲਤੀ ਤੁਹਾਡੀ ਨਹੀਂ ਹੈ। ਇਹ ਲੋਕ ਤੁਹਾਡੇ 'ਤੇ ਨਿਸ਼ਾਨਾ ਕਿਉਂ ਲਾ ਰਹੇ ਹਨ।''
ਅਨੀਤਾ ਸਭਰਵਾਲ ਨੇ ਕਿਹਾ, "ਕਿੰਨਾ ਸੌਖਾ ਹੈ ਕਿ ਪਹਿਲਾਂ ਪੈਸੇ ਦੇ ਲਈ ਕੁਝ ਵੀ ਕਹੋ ਅਤੇ ਬਾਅਦ ਵਿੱਚ ਮਾਫੀ ਮੰਗ ਲਓ। ਕੀ ਤੁਸੀਂ ਪਹਿਲਾਂ ਕਹਾਣੀ ਪੜ੍ਹੀ ਸੀ?''
ਇੱਕ ਯੂਜ਼ਰ ਕੇਸਰ ਨੇ ਕਿਹਾ, "ਅਸੀਂ ਭਾਰਤੀ ਬਹੁਤ ਸਹਿਨਸ਼ੀਲ ਹਾਂ। ਅਸੀਂ ਤੁਹਾਨੂੰ ਮੁਆਫ਼ ਕਰ ਦਿੱਤਾ ਹੈ। ਤੁਸੀਂ ਆਪਣਾ ਚੰਗਾ ਕੰਮ ਜਾਰੀ ਰੱਖੋ।''
ਨੀਲਮ ਸਿੰਘ ਸੋਮਵੰਸ਼ੀ ਨੇ ਕਿਹਾ, "ਜੇ ਤੁਹਾਨੂੰ ਅਸਲ ਵਿੱਚ ਹੀ ਭਾਵਨਾਵਾਂ ਦੀ ਕਦਰ ਸੀ ਤਾਂ ਤੁਹਾਨੂੰ ਅਜਿਹੇ ਸੀਰੀਅਲ ਵਿੱਚ ਕੰਮ ਹੀ ਨਹੀਂ ਕਰਨਾ ਚਾਹੀਦਾ ਸੀ।''
