You’re viewing a text-only version of this website that uses less data. View the main version of the website including all images and videos.
ਡਾਇਟ ਲੌਲੀਪੌਪ ਨੇ ਕਿਮ ਕਰਦਾਸ਼ੀਆਂ ਲਈ ਸਹੇੜਿਆ ਵਿਵਾਦ
ਕਿਮ ਕਰਦਾਸ਼ੀਆਂ ਨੂੰ ਡਾਇਟਿੰਗ ਲੌਲੀਪੌਪ ਦਾ ਇਸ਼ਤਿਹਾਰ ਕਰਨ ਲਈ 'ਜ਼ਹਿਰੀ ਪ੍ਰਭਾਵ' ਹੇਠ ਆਉਣ ਦਾ ਤਾਅਨਾ ਮਾਰਿਆ ਗਿਆ ਹੈ।
ਅਮਰੀਕੀ ਟੀਵੀ ਰਿਐਲਟੀ ਸਟਾਰ ਨੇ ਲੌਲੀਪੌਪ ਚੂਸਦਿਆਂ ਆਪਣੀ ਇੱਕ ਫੋਟੋ ਸ਼ੇਅਰ ਕੀਤੀ ਹੈ। ਇੰਸਟਾਗ੍ਰਾਮ ਉੱਤੇ ਪਾਈ ਫੋਟੋ ਨਾਲ ਲਿਖਿਆ ਹੈ, ਚਰਬੀ ਘਟਾਉਣ ਵਾਲਾ ਉਤਪਾਦ।
ਐਕਸ ਰੇਡੀਓ 1 ਦੀ ਪੇਸ਼ਕਰਤਾ ਜਮੀਲਾ ਜਮੀਲ ਜਿਹੜੀ ਸਰੀਰਕ ਸਾਕਾਰਾਤਮਕਤਾ ਬਾਰੇ ਮੁਹਿੰਮ ਚਲਾਉਂਦੀ ਹੈ, ਨੇ ਇਸ ਨੂੰ ਨੌਜਵਾਨ ਕੁੜੀਆਂ ਲਈ ਖਤਕਨਾਕ ਤੇ ਜ਼ਹਿਰੀ ਕਰਾਰ ਦਿੱਤਾ ਹੈ।
ਨਿਊਜ਼ਬੀਟ ਨੇ ਇਸ ਮਾਮਲੇ ਉੱਤੇ ਪ੍ਰਤੀਕਰਮ ਲੈਣ ਲਈ ਕਿਮ ਦੇ ਨੁਮਾਇੰਦੇ ਨਾਲ ਸੰਪਰਕ ਕੀਤਾ ਹੈ।
ਜਮੀਲਾ ਨੇ ਆਪਣੇ ਟਵੀਟਰ ਅਕਾਊਂਟ ਉੱਤੇ ਲਿਖਿਆ ਹੈ, 'ਇਹ ਚਰਬੀ ਘਟਾਉਣ ਵਾਲਾ ਉਤਪਾਦ ਖਾਣ ਦੀ ਲੋੜ ਨਹੀਂ, ਆਪਣੇ ਦਿਲ ਤੇ ਦਿਮਾਗ ਨੂੰ ਊਰਜਾ ਭਰਪੂਰ ਰੱਖਣ ਲਈ ਖੁੱਲ ਕੇ ਖਾਓ ਅਤੇ ਸਫ਼ਲਤਾ ਲਈ ਸਖ਼ਤ ਮਿਹਨਤ ਕਰੋ'।
ਜਮੀਲਾ ਇੱਕ ਅਜਿਹਾ ਸੰਗਠਨ ਚਲਾਉਂਦੀ ਹੈ ਜਿਹੜਾ ਲੋਕਾਂ ਵਿੱਚ ਆਪਣੀ ਦਿੱਖ ਅਤੇ ਭਾਰ ਤੋਂ ਧਿਆਨ ਹਟਾ ਕੇ ਆਪਣੀਆਂ ਪ੍ਰਾਪਤੀਆਂ ਉੱਤੇ ਧਿਆਨ ਦੇਣ ਲਈ ਜਾਗਰੂਕ ਕਰਦਾ ਹੈ।
ਨਿਊਜ਼ਬੀਟ ਨਾਲ ਕੁਝ ਸਮਾਂ ਪਹਿਲਾਂ ਗੱਲਬਾਤ ਵਿੱਚ ਜਾਮੀਲਾ ਨੇ ਆਪਣੇ ਆਪ ਨੂੰ ਸਰੀਰਕ ਸਾਕਾਰਾਤਮਕਤਾ ਦੀ ਯੋਧਾ ਕਿਹਾ ਸੀ।
ਕਿਮ ਨੇ ਜਿਸ ਉਤਪਾਤ ਦੀ ਮਸ਼ਹੂਰੀ ਕੀਤੀ ਹੈ, ਉਹ ਡਾਇਟ ਉਤਪਾਦ ਤਿਆਰ ਕਰਨ ਵਾਲੀ ਕੰਪਨੀ ਦਾ ਹੈ।
ਕੰਪਨੀ ਦੀ ਵੈੱਬਸਾਇਟ ਉੱਤੇ ਲੌਲੀਪੌਪ ਬਾਰੇ ਲਿਖਿਆ ਗਿਆ ਹੈ ਕਿ ਇਹ ਉਤਪਾਦ ਖਾਣ ਦੇ ਸੌਂਕੀਨਾਂ ਲਈ ਹੈ।
ਭਾਵੇਂ ਕਿ ਕੰਪਨੀ ਨੇ ਇਹ ਵੀ ਸਾਫ਼ ਕੀਤਾ ਹੈ ਕਿ ਇਸ ਉਤਪਾਦ ਨੂੰ ਭੋਜਨ ਤੇ ਦਵਾਈ ਪ੍ਰਸਾਸ਼ਨ ਦੀ ਹਰੀ ਝੰਡੀ ਨਹੀਂ ਦਿੱਤੀ ਗਈ ਹੈ।
ਇਸ ਕੰਪਨੀ ਦੇ ਸੋਸ਼ਲ ਮੀਡੀਆ ਇਸ਼ਤਿਹਾਰਾਂ ਉੱਤੇ ਯੂਕੇ ਵਿੱਚ ਪਾਬੰਦੀ ਵੀ ਹੈ। ਪਿਛਲੇ ਸਾਲ ਸਤੰਬਰ ਵਿੱਚ ਚਾਹ ਨਾਲ ਸਬੰਧਤ ਇਸ਼ਤਿਹਾਰ ਨੂੰ ਸੋਸ਼ਲ ਮੀਡੀਆ ਤੋਂ ਉਤਾਰਨ ਲਈ ਕਿਹਾ ਸੀ।ਇਸ਼ਤਿਹਾਰ ਸਟੈਂਡਰਡ ਏਜੰਸੀ ਨੇ ਇਸਨੂੰ ਮਾਪਦੰਡਾਂ ਉੱਤੇ ਖਰ੍ਹਾ ਨਾ ਉਤਰਨ ਵਾਲਾ ਉਤਪਾਦ ਕਿਹਾ ਸੀ।
ਇਸੇ ਤਰ੍ਹਾਂ ਅਪ੍ਰੈਲ 2017 ਵਿੱਚ ਵੀ ਇਸ ਉਤਪਾਦ ਦਾ ਇਸ਼ਤਿਹਾਰ ਹਟਵਾਇਆ ਗਿਆ ਸੀ।
