You’re viewing a text-only version of this website that uses less data. View the main version of the website including all images and videos.
ਕੇਂਦਰੀ ਵਿਦੇਸ਼ ਰਾਜ ਮੰਤਰੀ ਐਮ ਜੇ ਅਕਬਰ ਦਾ ਅਸਤੀਫ਼ਾ, ਜਿਨਸੀ ਸ਼ੋਸ਼ਣ ਦੇ ਦੋਸ਼ਾਂ 'ਚ ਘਿਰੇ ਹੋਏ ਨੇ
ਭਾਰਤੀ ਜਨਤਾ ਪਾਰਟੀ ਦੀ ਅਗਵਾਈ ਵਾਲੀ ਕੇਂਦਰ ਸਰਕਾਰ ਦੇ ਕੇਂਦਰੀ ਵਿਦੇਸ਼ ਰਾਜ ਮੰਤਰੀ ਐਮ ਜੇ ਅਕਬਰ ਨੇ ਆਪਣੇ ਅਹੁਦੇ ਤੋਂ ਅਸਤੀਫ਼ਾ ਦੇ ਦਿੱਤਾ ਹੈ।
ਪੱਤਰਕਾਰੀ ਤੋਂ ਸਿਆਸਤ ਵਿਚ ਆਏ ਐਮ ਜੇ ਅਕਬਰ ਉੱਤੇ ਉਨ੍ਹਾਂ ਦੀਆਂ ਕੁਝ ਸਾਥੀ ਪੱਤਰਕਾਰਾਂ ਨੇ ਜਿਨਸੀ ਸੋਸ਼ਣ ਦੇ ਦੋਸ਼ ਲਾਏ ਸਨ।
ਖ਼ਬਰ ਏਜੰਸੀ ਮੁਤਾਬਕ ਐਮਜੇ ਅਕਬਰ ਨੇ ਇੱਕ ਬਿਆਨ ਜਾਰੀ ਕਰਕੇ ਕਿਹਾ ਹੈ, ' ਮੈਂ ਅਦਾਲਤ ਤੋਂ ਇਨਸਾਫ਼ ਲੈਣ ਦਾ ਫ਼ੈਸਲਾ ਕੀਤਾ ਹੈ, ਇਸ ਲਈ ਮੈਂ ਆਪਣਾ ਅਹੁਦਾ ਛੱਡ ਰਿਹਾ ਹਾਂ'।
ਇਹ ਵੀ ਪੜ੍ਹੋ:
15 ਤੋਂ ਵੱਧ ਔਰਤਾਂ ਨੇ ਲਾਏ ਨੇ ਇਲਜ਼ਾਮ
67 ਸਾਲਾ ਅਕਬਰ ਉੱਤੇ 15 ਤੋਂ ਵੱਧ ਔਰਤਾਂ ਨੇ #MeToo ਮੁਹਿੰਮ ਤਹਿਤ ਜਿਨਸੀ ਸ਼ੋਸ਼ਣ ਦੇ ਦੋਸ਼ ਲਾਏ ਸਨ। ਜਿਸ ਤੋਂ ਬਾਅਦ ਅਕਬਰ ਨੇ ਪੱਤਰਕਾਰ ਪ੍ਰਿਯਾ ਰਮਾਨੀ ਉੱਤੇ ਅਪਰਾਧਿਕ ਮਾਨਹਾਨੀ ਦਾ ਮੁਕੱਦਮਾ ਦਰਜ ਕਰਵਾਇਆ ਸੀ।
ਉਨ੍ਹਾਂ ਚਿਤਾਵਨੀ ਦਿੰਦਿਆਂ ਕਿਹਾ ਸੀ ਕਿ ਜਿਹੜੀਆਂ ਔਰਤਾਂ ਨੇ ਉਨ੍ਹਾਂ ਉੱਤੇ ਇਲਜ਼ਾਮ ਲਗਾਏ ਹਨ, ਉਹ ਉਨ੍ਹਾਂ ਸਾਰੀਆਂ ਖ਼ਿਲਾਫ਼ ਕਾਨੂੰਨੀ ਕਾਰਵਾਈ ਕਰਨਗੇ।
ਐਮ ਜੇ ਅਕਬਰ ਉੱਤੇ ਜਿਨਸੀ ਸ਼ੋਸ਼ਣ ਦੇ ਇਲਜ਼ਾਮ ਲਗਾਉਣ ਵਾਲੀ ਪ੍ਰਿਯਾ ਰਮਾਨੀ ਨੇ ਖੁਸ਼ੀ ਦਾ ਇਜ਼ਹਾਰ ਕੀਤਾ ਹੈ। ਆਪਣੇ ਟਵੀਵ ਵਿਚ ਉਸ ਨੇ ਕਿਹਾ, 'ਐਮਜੇ ਅਕਬਰ ਦੇ ਅਸਤੀਫ਼ੇ ਨੂੰ ਮੈਂ ਇੱਕ ਔਰਤ ਵਜੋਂ ਆਪਣੀ ਗੱਲ ਦਾ ਸਹੀ ਸਾਬਿਤ ਹੋਣਾ ਮੰਨਦੀ ਅਤੇ ਹੁਣ ਮੈਨੂੰ ਉਸ ਦਿਨ ਦਾ ਇੰਤਜ਼ਾਰ ਰਹੇਗਾ ਜਦੋਂ ਅਦਾਲਤ ਵਿੱਚੋਂ ਵੀ ਮੈਨੂੰ ਇਨਸਾਫ਼ ਮਿਲੇਗਾ'।
ਐਮ ਜੇ ਅਕਬਰ ਖ਼ਿਲਾਫ਼ ਸ਼ਿਕਾਇਤ ਕਰਨ ਵਾਲੀ ਇੱਕ ਹੋਰ ਪੱਤਰਕਾਰ ਤੇ ਨਿਊਜ਼ ਕਾਰਪੋਰੇਸ਼ਨ ਦੀ ਬਾਨੀ ਸ਼ੁਤਾਪਾ ਕੌਲ ਨੇ ਅਸਤੀਫ਼ੇ ਉੱਤੇ ਟਿੱਪਣੀ ਕਰਦਿਆਂ ਕਿਹਾ, 'ਇਸ ਦੀ ਕਾਫ਼ੀ ਦੇਰ ਤੋਂ ਉਡੀਕ ਕੀਤੀ ਜਾ ਰਹੀ ਸੀ, ਅਹਿਮ ਗੱਲ ਇਹ ਹੈ ਕਿ ਅਕਬਰ ਨੇ ਜੋ ਕੁਝ ਕੀਤਾ ਉਸ ਦੀ ਨੈਤਿਕ ਜਿੰਮੇਵਾਰੀ ਕਬੂਲਦਿਆਂ ਅਹੁਦਾ ਛੱਡ ਦਿੱਤਾ ਹੈ।ਇਸ ਦਾ ਸਿਹਰਾ ਮੀਡੀਆ,ਪੱਤਰਕਾਰ ਭਾਈਚਾਰੇ ਅਤੇ ਸਮਾਜ ਵੱਲੋਂ ਨਿਭਾਏ ਰੋਲ ਨੂੰ ਜਾਂਦਾ ਹੈ।'
ਸੀਨੀਅਰ ਪੱਤਰਕਾਰ ਬਰਖਾ ਦੱਤ ਨੇ ਐਮਜੇ ਅਕਬਰ ਦੇ ਅਸਤੀਫ਼ੇ ਆਪਣੀ ਪ੍ਰਤੀਕਿਰਿਆ ਦਿੰਦਿਆ ਟਵਿੱਟਰ 'ਤੇ ਲਿਖਿਆ ਕਿ ਆਖ਼ਰਕਾਰ, ਦੋ ਹਫ਼ਤੇ ਲੱਗੇ ਅਤੇ ਇਹ 20 ਔਰਤਾਂ ਦੀ ਬਹਾਦਰੀ ਹੈ।
ਉਨ੍ਹਾਂ ਨੇ ਲਿਖਿਆ, "ਔਰਤਾਂ ਦੇ ਕ੍ਰੋਧ ਦੀ ਸ਼ਕਤੀ, ਸ਼ੋਸ਼ਣ ਤੋਂ ਬਿਨਾਂ ਕੰਮ ਕਰਨ ਦਾ, ਬਰਾਬਰੀ ਦਾ ਸਾਡਾ ਅਧਿਕਾਰ ਅਤੇ ਸਾਡਾ ਹੱਕ ਸਾਡਾ।"
ਕੌਣ ਹਨ ਐਮ ਜੇ ਅਕਬਰ?
ਸੀਨੀਅਰ ਪੱਤਰਕਾਰ ਐਮ ਜੇ ਅਕਬਰ 2014 ਲੋਕ ਸਭਾ ਚੋਣਾਂ ਤੋਂ ਪਹਿਲਾਂ ਭਾਰਤੀ ਜਨਤਾ ਪਾਰਟੀ (ਭਾਜਪਾ) 'ਚ ਸ਼ਾਮਿਲ ਹੋਏ ਸਨ।
2015 'ਚ ਐਮ ਜੇ ਅਕਬਰ ਝਾਰਖੰਡ ਤੋਂ ਰਾਜਸਭਾ ਦੇ ਲਈ ਚੁਣੇ ਗਏ।
ਕਿਸੇ ਸਮੇਂ ਰਾਜੀਵ ਗਾਂਧੀ ਦੇ ਬੇਹੱਦ ਖ਼ਾਸ ਰਹੇ ਐਮ ਜੇ ਅਕਬਰ 1989 'ਚ ਬਿਹਾਰ ਦੀ ਕਿਸ਼ਨਗੰਜ ਲੋਕਸਭਾ ਸੀਟ ਤੋਂ ਕਾਂਗਰਸ ਦੀ ਟਿਕਟ 'ਤੇ ਸੰਸਦ ਮੈਂਬਰ ਚੁਣੇ ਗਏ ਸਨ।
ਇਹ ਵੀ ਪੜ੍ਹੋ:
ਰਾਜੀਵ ਗਾਂਧੀ ਦੇ ਪ੍ਰਧਾਨ ਮੰਤਰੀ ਰਹਿੰਦੇ ਹੋਏ ਐਮ ਜੇ ਅਕਬਰ ਉਨ੍ਹਾਂ ਦੇ ਬੁਲਾਰੇ ਸਨ।
ਮੁੜ 1991 'ਚ ਉਹ ਫ਼ਿਰ ਤੋਂ ਚੋਣ ਮੈਦਾਨ 'ਚ ਉੱਤਰੇ ਪਰ ਜਿੱਤ ਨਹੀਂ ਸਕੇ। ਇਸ ਹਾਰ ਤੋਂ ਬਾਅਦ ਅਕਬਰ ਮੁੜ ਤੋਂ ਪੱਤਰਕਾਰੀ ਖ਼ੇਤਰ 'ਚ ਆ ਗਏ।
