BBC TOP 5꞉ ਝਾਰਖੰਡ ਵਿੱਚ ਪਸ਼ੂ ਤਸਕਰੀ ਦੇ ਇਲਜ਼ਾਮਾਂ ਹੇਠ 2 ਨੌਜਵਾਨਾਂ ਦਾ ਕਤਲ
ਤਸਵੀਰ ਸਰੋਤ, RAVI PRAKASH/BBC
ਪਸ਼ੂ ਤਸਕਰੀ ਦੇ ਸ਼ੱਕ ਹੇਠ 2 ਲੋਕਾਂ ਦਾ ਕਤਲ
ਝਾਰਖੰਡ ਵਿੱਚ ਦੋ ਮੁਸਲਮਾਨਾਂ ਨੂੰ ਕੁੱਟ-ਕੁੱਟ ਕੇ ਮਾਰ ਦਿੱਤਾ ਗਿਆ ਹੈ। ਉਨ੍ਹਾਂ ਉੱਪਰ ਪਸ਼ੂਆਂ ਦੀ ਤਸਕਰੀ ਦਾ ਸ਼ੱਕ ਸੀ।
ਪੁਲਿਸ ਦਾ ਕਹਿਣਾ ਹੈ ਕਿ ਇਸ ਕੇਸ ਵਿੱਚ ਗੋਦਾ ਜ਼ਿਲ੍ਹੇ ਦੇ ਚਾਰ ਵਿਅਕਤੀਆਂ ਨੂੰ ਹਿਰਾਸਤ ਵਿੱਚ ਲਿਆ ਗਿਆ ਹੈ। ਇਨ੍ਹਾਂ ਨੇ ਹੀ ਮਾਰੇ ਗਏ ਵਿਅਕਤੀਆਂ ਨੂੰ 13 ਮੱਝਾਂ ਚੋਰੀ ਕਰਦਿਆਂ ਫੜਿਆ ਸੀ।
ਇਸ ਮਗਰੋਂ ਗੁੱਸੇ ਵਿੱਚ ਆਈ ਭੀੜ ਨੇ ਬੁੱਧਵਾਰ ਨੂੰ ਦੋਹਾਂ ਨੂੰ ਕੁੱਟ-ਕੁੱਟ ਕੇ ਮਾਰ ਦਿੱਤਾ।
ਤਸਵੀਰ ਸਰੋਤ, Getty Images
ਪਾਕਿਸਤਾਨੀ ਰੁਪਈਆ 3.8 ਫੀਸਦੀ ਟੁੱਟਿਆ
ਆਮ ਚੋਣਾਂ ਤੋਂ ਪਹਿਲਾਂ ਪਾਕਿਸਤਾਨ ਦਾ ਆਰਥਿਕ ਸੰਕਟ ਡੂੰਘਾ ਹੁੰਦਾ ਜਾ ਰਿਹਾ ਹੈ।
ਮੰਗਲਵਾਰ ਨੂੰ ਇੱਕ ਅਮਰੀਕੀ ਡਾਲਰ ਦੀ ਕੀਮਤ 122 ਪਾਕਿਸਤਾਨੀ ਰੁਪਏ ਸੀ। ਸੋਮਵਾਰ ਨੂੰ ਡਾਲਰ ਦੀ ਤੁਲਨਾ ਵਿੱਚ ਪਾਕਿਸਤਾਨੀ ਰੁਪਈਆ 3.8 ਫੀਸਦੀ ਟੁੱਟਿਆ ਹੈ।
ਫਿਲਹਾਲ 67 ਭਾਰਤੀ ਰੁਪਏ ਦਾ ਇੱਕ ਅਮਰੀਕੀ ਡਾਲਰ ਹੈ ਅਤੇ ਉਸ ਹਿਸਾਬ ਨਾਲ ਪਾਕਿਸਤਾਨੀ ਰੁਪਈਆ ਭਾਰਤੀ 50 ਪੈਸੇ ਦੇ ਬਰਾਬਰ ਹੋ ਗਿਆ ਹੈ।
ਤਸਵੀਰ ਸਰੋਤ, Reuters
ਉੱਤਰੀ ਕੋਰੀਆ ਹਥਿਆਰ ਖ਼ਤਮ ਕਰਕੇ ਦਿਖਾਵੇ
ਸਿੰਗਾਪੁਰ ਵਿੱਚ ਕਿਮ ਅਤੇ ਟਰੰਪ ਦੀ ਇਤਿਹਾਸਤ ਬੈਠਕ ਤੋਂ ਇੱਕ ਦਿਨ ਬਾਅਦ ਅਮਰੀਕੀ ਵਿਦੇਸ਼ ਮੰਤਰੀ ਮਾਈਕ ਪੋਂਮਿਪਿਓ ਨੇ ਕਿਹਾ ਹੈ ਕਿ ਅਮਰੀਕਾ ਚਾਹੁੰਦਾ ਹੈ ਕਿ ਉੱਤਰੀ ਕੋਰੀਆ ਅਗਲੇ ਢਾਈ ਸਾਲਾਂ ਵਿੱਚ ਆਪਣੇ ਪਰਮਾਣੂ ਹਥਿਆਰ ਖ਼ਤਮ ਕਰਕੇ ਦਿਖਾਵੇ।
ਦੱਖਣੀ ਕੋਰੀਆ ਫੇਰੀ ਦੌਰਾਨ ਉਨ੍ਹਾਂ ਕਿਹਾ ਕਿ ਉੱਤਰੀ ਕੋਰੀਆ ਨਾਲ ਇੱਕ ਵੱਡੇ ਸਮਝੌਤੇ ਉੱਪਰ ਕੰਮ ਹੋਣਾ ਬਾਕੀ ਹੈ।
ਤਸਵੀਰ ਸਰੋਤ, EPA
ਯਮਨ ਵਿੱਚ ਸੰਘਰਸ਼
ਯਮਨ ਦੀ ਇੱਕ ਅਹਿਮ ਬੰਦਰਗਾਹ ਹੁਦੇਦਾਹ ਲਈ ਹੂਥੀ ਬਾਗੀਆਂ ਅਤੇ ਸਰਕਾਰ ਹਮਾਇਤੀ ਫੌਜਾਂ ਦਰਮਿਆਨ ਸੰਘਰਸ਼ ਚੱਲ ਰਿਹਾ ਹੈ।
ਸਰਕਾਰ ਹਮਾਇਤੀ ਫੌਜਾਂ ਨੂੰ ਸੰਯੁਕਤ ਅਰਬ ਅਮੀਰਾਤ ਦਾ ਸਹਿਯੋਗ ਹਾਸਲ ਹੈ ਜਿਸ ਨੇ ਸੰਘਰਸ਼ ਵਿੱਚ ਆਪਣੇ 22 ਜਵਾਨਾਂ ਦੇ ਮਾਰੇ ਜਾਣ ਦੀ ਪੁਸ਼ਟੀ ਕੀਤੀ ਹੈ।
ਬਾਗੀਆਂ ਨੂੰ ਇਲਾਕਾ ਛੱਡਣ ਲਈ ਅੰਤਿਮ ਤਰੀਕ ਦਿੱਤੀ ਗਈ ਸੀ ਜਿਸ ਦੀ ਅਣਦੇਖੀ ਦੇ ਸਿੱਟੇ ਵਜੋਂ ਇਹ ਹਮਲਾ ਕੀਤਾ ਗਿਆ।
ਤਸਵੀਰ ਸਰੋਤ, NARINDER NANU/AFP/Getty Images
ਧਰਨਿਆਂ ਦੀ ਸਿਆਸਤ
ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਗਵਰਨਰ ਨਿਵਾਸ ਵਿੱਚ ਸੋਮਵਾਰ ਤੋਂ ਧਰਨੇ ਉੱਪਰ ਬੈਠੇ ਹਨ।
ਮਹਿਲਾ ਅਤੇ ਬਾਲ ਵਿਕਾਸ ਵਿਭਾਗ ਦੇ ਚਾਰ ਪੱਤਰਾਂ ਦਾ ਹਵਾਲਾ ਦਿੰਦਿਆਂ ਦਿੱਲੀ ਦੀ ਸਰਕਾਰ ਨੇ ਇਲਜ਼ਾਮ ਲਾਇਆ ਹੈ ਕਿ ਦਿੱਲੀ ਵਿੱਚ ਆਈਏਐਸ ਅਫ਼ਸਰਾਂ ਨੇ ਕਾਫ਼ੀ ਦੇਰ ਤੋਂ ਕੰਮ ਨਹੀਂ ਕੀਤਾ ਹੈ।
ਇਸ ਗੱਲ ਨੂੰ ਲੈ ਕੇ ਹੁਣ ਵਿਰੋਧੀ ਧਿਰ ਵੀ ਉਨ੍ਹਾਂ ਦੇ ਖਿਲਾਫ਼ ਸਰਗਰਮ ਹੋ ਗਈ ਹੈ। ਭਾਜਪਾ ਨੇ ਵਿਰੋਧੀ ਧਿਰ ਨੇ ਮੁੱਖ ਮੰਤਰੀ ਦਫ਼ਤਰ ਦੇ ਬਾਹਰ ਇਸ ਵਿਰੁੱਧ ਧਰਨਾ ਦਿੱਤਾ ਹੈ।
