ਸੋਸ਼ਲ ਮੀਡੀਆ 'ਤੇ ਗਾਇਕ ਮਾਸਟਰ ਸਲੀਮ ਦੀ ਕਿਉਂ ਹੋ ਰਹੀ ਨਿਖੇਧੀ?
ਤਸਵੀਰ ਸਰੋਤ, Master Saleem/Facebook
ਪੰਜਾਬੀ ਗਾਇਕ ਮਾਸਟਰ ਸਲੀਮ ਦਾ ਇੱਕ ਕਥਿਤ ਵੀਡੀਓ ਸੋਸ਼ਲ ਮੀਡੀਆ 'ਤੇ ਚਰਚਾ ਵਿੱਚ ਹੈ। ਵੀਡੀਓ ਮੁਤਾਬਕ ਗਾਇਕ ਸਲੀਮ ਦਾ ਇੱਕ ਪ੍ਰਸ਼ੰਸਕ ਉਨ੍ਹਾਂ ਦਾ ਪੈਰ ਧੋ ਰਿਹਾ ਹੈ ਅਤੇ ਬਾਅਦ 'ਚ ਉਹੀ ਪਾਣੀ ਪੀ ਲੈਂਦਾ ਹੈ।
ਇਸ ਵੀਡੀਓ ਨੂੰ ਲੈਕੇ ਸੋਸ਼ਲ ਮੀਡੀਆ ਤੇ ਲੋਕਾਂ ਦੀ ਵੱਖ ਵੱਖ ਪ੍ਰਤਿਕਿਰਿਆ ਸਾਹਮਣੇ ਆ ਰਹੀ ਹੈ।
ਇਸ ਵੀਡੀਓ 'ਤੇ ਲੋਕ ਮਾਸਟਰ ਸਲੀਮ ਦੀ ਨਿੰਦਾ ਵੀ ਕਰ ਰਹੇ ਹਨ ਤੇ ਕੁਝ ਲੋਕ ਉਨ੍ਹਾਂ ਦੇ ਹੱਕ ਵਿੱਚ ਵੀ ਹਨ।
ਤਸਵੀਰ ਸਰੋਤ, Master Saleem/Facebook
ਗੋਲਡੀ ਸਿੱਧੂ ਨੇ ਲਿਖਿਆ, ''ਇੱਕ ਬੱਚੇ ਨੇ ਪੈਰਾਂ ਦਾ ਪਾਣੀ ਪੀਤਾ, ਬੇਹਦ ਸ਼ਰਮਨਾਕ ਹੈ।''
ਪ੍ਰਭਜੋਤ ਸਿੰਘ ਨੇ ਲਿਖਿਆ, ''ਮਾਸਟਰ ਸਲੀਮ ਤੁਹਾਡੇ ਤੋਂ ਇਹ ਉਮੀਦ ਨਹੀਂ ਸੀ।''
ਤਸਵੀਰ ਸਰੋਤ, Facebook
ਸਲੀਮ ਦਾ ਪੱਖ
ਇਸ ਮੁੱਦੇ ਤੇ ਮਾਸਟਰ ਸਲੀਮ ਨਾਲ ਤਾਂ ਗੱਲ ਨਹੀਂ ਹੋ ਸਕੀ ਪਰ ਉਨ੍ਹਾਂ ਦੇ ਮੈਨੇਜਰ ਨੇ ਬੀਬੀਸੀ ਨਿਊਜ਼ ਪੰਜਾਬੀ ਨਾਲ ਗੱਲ ਕੀਤੀ।
ਉਨ੍ਹਾਂ ਦੱਸਿਆ ਕਿ ਇਹ ਵੀਡੀਓ ਪਿਛਲੇ ਸਾਲ ਗੁਰੂ ਪੂਰਨਿਮਾ ਦਾ ਹੈ।
ਉਨ੍ਹਾਂ ਕਿਹਾ, ''ਗੁਰੂ ਪੂਰਨਿਮਾ ਮੌਕੇ ਉਹ ਮੁੰਡਾ ਸਾਡੇ ਦਫਤਰ ਆਇਆ ਸੀ। ਜਦੋਂ ਉਹ ਪੈਰ ਧੋਕੇ ਪਾਣੀ ਪੀ ਰਿਹਾ ਸੀ, ਤਾਂ ਅਸੀਂ ਉਸਨੂੰ ਰੋਕਣ ਦੀ ਬਹੁਤ ਕੋਸ਼ਿਸ਼ ਕੀਤੀ ਸੀ। ਪਰ ਉਹ ਸ਼ਗਿਰਦ ਦੇ ਤੌਰ 'ਤੇ ਇਹ ਕਰਨਾ ਚਾਹੁੰਦਾ ਸੀ। ਇਸ ਨੂੰ ਧਰਮ ਨਾਲ ਜੋੜ ਕੇ ਨਾ ਵੇਖਿਆ ਜਾਏ।''
ਤਸਵੀਰ ਸਰੋਤ, Facebook
ਸੋਸ਼ਲ ਮੀਡੀਆ 'ਤੇ ਕੁਝ ਲੋਕਾਂ ਨੇ ਮਾਸਟਰ ਸਲੀਮ ਦਾ ਪੱਖ ਵੀ ਲਿਆ।
ਮਨਬੀਰ ਸਿੰਘ ਨੇ ਲਿਖਿਆ, ''ਮਾਸਟਰ ਸਲੀਮ ਨੂੰ ਇਹ ਕਾਫੀ ਅਜੀਬ ਲੱਗ ਰਿਹਾ ਸੀ। ਉਨ੍ਹਾਂ ਦੀ ਕੋਈ ਗਲਤੀ ਨਹੀਂ ਹੈ। ਉਸ ਦੀ ਗਲਤੀ ਹੈ ਜਿਸ ਨੇ ਪਾਣੀ ਪੀਤਾ ਹੈ।''
ਮਾਸਟਰ ਸਲੀਮ ਪੰਜਾਬ ਦੇ ਜਾਣੇ ਪਛਾਣੇ ਗਾਇਕ ਹਨ । ਉਹ ਬਾਲੀਵੁੱਡ ਲਈ ਵੀ ਗਾ ਚੁੱਕੇ ਹਨ।
