ਦੀਪਿਕਾ ਕੱਕੜ ਨੂੰ ਹੋਇਆ ਸਟੇਜ 2 ਲਿਵਰ ਕੈਂਸਰ, ਜਾਣੋ ਕੀ ਹਨ ਇਸ ਬਿਮਾਰੀ ਦੇ ਲੱਛਣ ਅਤੇ ਕਿਵੇਂ ਬਚਾਅ ਰੱਖਿਆ ਜਾ ਸਕਦਾ ਹੈ

ਟੈਲੀਵਿਜ਼ਨ ਦੇ ਜਾਣੇ-ਪਛਾਣੇ ਅਦਾਕਾਰਾ ਦੀਪਿਕਾ ਕੱਕੜ ਲਿਵਰ ਦੇ ਕੈਂਸਰ ਨਾਲ ਪੀੜਤ ਹਨ। ਉਨ੍ਹਾਂ ਨੂੰ ਸਟੇਜ 2 ਦਾ ਕੈਂਸਰ ਹੈ ਅਤੇ ਇਸ ਦੀ ਜਾਣਕਾਰੀ ਉਨ੍ਹਾਂ ਨੇ ਆਪਣੇ ਸ਼ੋਸ਼ਲ ਮੀਡੀਆ ਅਕਾਊਂਟ ਰਾਹੀਂ ਖੁਦ ਸਾਂਝੀ ਕੀਤੀ ਹੈ।

ਦੀਪਿਕਾ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਇੱਕ ਪੋਸਟ ਵਿੱਚ ਲਿਖਿਆ, "ਪਿਛਲੇ ਕੁਝ ਹਫ਼ਤੇ ਸਾਡੇ ਲਈ ਬਹੁਤ ਮੁਸ਼ਕਲ ਰਹੇ ਹਨ, ਮੈਨੂੰ ਪੇਟ ਦੇ ਉੱਪਰਲੇ ਹਿੱਸੇ ਵਿੱਚ ਦਰਦ ਕਾਰਨ ਵਾਰ-ਵਾਰ ਹਸਪਤਾਲ ਜਾਣਾ ਪਿਆ ਅਤੇ ਫਿਰ ਪਤਾ ਲੱਗਾ ਕਿ ਜਿਗਰ ਵਿੱਚ ਟੈਨਿਸ ਬਾਲ ਦੇ ਆਕਾਰ ਦਾ ਟਿਊਮਰ ਹੈ।''

''ਇਸ ਤੋਂ ਬਾਅਦ, ਡਾਕਟਰਾਂ ਨੇ ਹੋਰ ਜ਼ਰੂਰੀ ਟੈਸਟ ਕਰਵਾਉਣ ਦੀ ਸਲਾਹ ਦਿੱਤੀ, ਜਿਸ ਤੋਂ ਪਤਾ ਲੱਗਾ ਕਿ ਟਿਊਮਰ ਕੈਂਸਰ ਵਾਲਾ ਹੈ। ਮੈਨੂੰ ਦੂਜੀ ਸਟੇਜ ਦਾ ਕੈਂਸਰ ਹੋ ਗਿਆ ਹੈ। ਇਹ ਸਾਡੇ ਲਈ ਸਭ ਤੋਂ ਮੁਸ਼ਕਲ ਸਮੇਂ ਵਿੱਚੋਂ ਇੱਕ ਰਿਹਾ ਹੈ।"

ਦੱਸ ਦੇਈਏ ਕਿ ਦੀਪਿਕਾ ਕੱਕੜ ਭਾਰਤੀ ਟੈਲੀਵਿਜ਼ਨ ਦਾ ਜਾਣਿਆ-ਪਛਾਣਿਆ ਚਿਹਰਾ ਹਨ। ਉਹ ਬਿੱਗ ਬੌਸ ਸੀਜ਼ਨ 12 ਦੇ ਵੀ ਜੇਤੂ ਰਹੇ ਹਨ।

ਲਿਵਰ ਕੈਂਸਰ ਕੀ ਹੈ, ਇਹ ਕਿਨ੍ਹਾਂ ਕਾਰਨਾਂ ਕਰਕੇ ਹੁੰਦਾ ਹੈ, ਇਸ ਦੇ ਕੀ ਲੱਛਣ ਹਨ, ਬਚਾਅ ਲਈ ਕੀ ਸਾਵਧਾਨੀਆਂ ਵਰਤੀਆਂ ਜਾਣ, ਤੇ ਕੀ ਹੈ ਇਸਦਾ ਇਲਾਜ? ਆਓ ਜਾਣਦੇ ਹਾਂ ਇਸ ਰਿਪੋਰਟ ਵਿੱਚ...

ਲਿਵਰ ਦਾ ਕੈਂਸਰ ਕੀ ਹੈ?

ਲਿਵਰ ਮਨੁੱਖੀ ਸਰੀਰ ਦੇ ਸਭ ਤੋਂ ਗੁੰਝਲਦਾਰ ਅੰਗਾਂ ਵਿੱਚੋਂ ਇੱਕ ਹੈ ਜੋ ਕਿ ਸਰੀਰ ਦੇ 500 ਤੋਂ ਵੱਧ ਕਾਰਜਾਂ ਲਈ ਜ਼ਿੰਮੇਵਾਰ ਹੈ। ਇਨ੍ਹਾਂ ਵਿੱਚ ਚਰਬੀ ਅਤੇ ਪ੍ਰੋਟੀਨ ਨੂੰ ਪਚਾਉਣਾ, ਜ਼ਹਿਰੀਲੇ ਪਦਾਰਥਾਂ ਨੂੰ ਬਾਹਰ ਕੱਢਣਾ, ਪਿੱਤ ਰਿਲੀਜ਼ ਕਰਨਾ ਅਤੇ ਖੂਨ ਨੂੰ ਗਾੜ੍ਹਾ ਕਰਨਾ ਸ਼ਾਮਲ ਹੈ।

ਕੈਂਸਰ ਲਿਵਰ ਨੂੰ ਆਪਣਾ ਕੰਮ ਸਹੀ ਢੰਗ ਨਾਲ ਕਰਨ ਤੋਂ ਰੋਕ ਸਕਦਾ ਹੈ ਅਤੇ ਇਸ ਦੁਆਰਾ ਕੀਤੇ ਜਾਂਦੇ ਕਾਰਜਾਂ ਵਿੱਚ ਵਿਘਨ ਪਾਉਂਦਾ ਹੈ।

ਪ੍ਰਾਇਮਰੀ ਲਿਵਰ ਕੈਂਸਰ

ਪ੍ਰਾਇਮਰੀ ਲਿਵਰ ਕੈਂਸਰ ਇੱਕ ਘਾਤਕ ਟਿਊਮਰ ਹੈ ਜੋ ਲਿਵਰ ਵਿੱਚ ਸ਼ੁਰੂ ਹੁੰਦਾ ਹੈ।

ਆਸਟ੍ਰੇਲੀਆ ਦੀ ਕੈਂਸਰ ਕਾਊਂਸਿਲ ਦੀ ਵੈਬਸਾਈਟ 'ਤੇ ਦਿੱਤੀ ਜਾਣਕਾਰੀ ਮੁਤਾਬਕ, ਪ੍ਰਾਇਮਰੀ ਲਿਵਰ ਕੈਂਸਰ ਇਸ ਦੀਆਂ ਵੱਖ-ਵੱਖ ਕਿਸਮਾਂ ਹਨ:

ਸੈਕੰਡਰੀ ਲਿਵਰ ਕੈਂਸਰ

ਲਿਵਰ ਵਿੱਚ ਸੈਕੰਡਰੀ ਕੈਂਸਰ ਉਹ ਕੈਂਸਰ ਹੈ ਜੋ ਸਰੀਰ ਦੇ ਕਿਸੇ ਹੋਰ ਹਿੱਸੇ ਵਿੱਚ ਸ਼ੁਰੂ ਹੁੰਦਾ ਹੈ ਪਰ ਫਿਰ ਜਿਗਰ ਵਿੱਚ ਫੈਲ ਜਾਂਦਾ ਹੈ।

ਆਸਟ੍ਰੇਲੀਆ ਦੀ ਕੈਂਸਰ ਕਾਊਂਸਿਲ ਦੀ ਵੈਬਸਾਈਟ ਮੁਤਾਬਕ, ਇੱਕ ਅੰਦਾਜ਼ਾ ਹੈ ਕਿ ਸਾਲ 2024 ਵਿੱਚ 3,208 ਲੋਕਾਂ ਨੂੰ ਲਿਵਰ ਦੇ ਕੈਂਸਰ ਬਾਰੇ ਪਤਾ ਲੱਗਿਆ ਸੀ ਅਤੇ ਪਤਾ ਲੱਗਣ ਸਮੇਂ ਔਸਤ ਉਮਰ 69 ਸਾਲ ਹੈ।

ਲਿਵਰ ਕੈਂਸਰ ਦੇ ਲੱਛਣ

ਆਮ ਤੌਰ 'ਤੇ ਲੀਵਰ ਕੈਂਸਰ ਦੇ ਲੱਛਣ ਅਸਪਸ਼ਟ ਦੱਸੇ ਜਾਂਦੇ ਹਨ ਅਤੇ ਅਕਸਰ ਉਦੋਂ ਤੱਕ ਪ੍ਰਗਟ ਨਹੀਂ ਹੁੰਦੇ ਜਦੋਂ ਤੱਕ ਬਿਮਾਰੀ ਇੱਕ ਉੱਨਤ ਪੜਾਅ 'ਤੇ ਨਹੀਂ ਹੁੰਦੀ।

ਅਮਰੀਕਾ ਦੇ ਨੈਸ਼ਨਲ ਕੈਂਸਰ ਇੰਟੀਚਿਊਟ 'ਤੇ ਪ੍ਰਕਾਸ਼ਿਤ ਜਾਣਕਾਰੀ ਮੁਤਾਬਕ, ਲਿਵਰ ਕੈਂਸਰ ਦੇ ਹੇਠ ਲਿਖੇ ਲੱਛਣ ਹੋ ਸਕਦੇ ਹਨ:

ਲਿਵਰ ਦੇ ਕੈਂਸਰ ਦੇ ਕਾਰਨ ਕੀ ਹੋ ਸਕਦੇ ਹਨ

ਕੈਂਸਰ ਕਾਊਂਸਿਲ ਦੀ ਵੈਬਸਾਈਟ ਮੁਤਾਬਕ, ਹੈਪੇਟਾਈਟਸ ਬੀ ਜਾਂ ਸੀ ਵਾਇਰਸ ਜੋ ਲੰਬੇ ਸਮੇਂ (ਪੁਰਾਣੀ) ਦੀ ਲਾਗ ਦਾ ਕਾਰਨ ਬਣਦੇ ਹਨ, ਲਿਵਰ ਦੇ ਕੈਂਸਰ ਦਾ ਕਾਰਨ ਬਣ ਸਕਦੇ ਹਨ।

ਕਾਰਕ ਜੋ ਲਿਵਰ ਕੈਂਸਰ ਦੇ ਜੋਖ਼ਮ ਨੂੰ ਵਧਾ ਸਕਦੇ ਹਨ:

ਲਿਵਰ ਕੈਂਸਰ ਤੋਂ ਕਿਵੇਂ ਬਚਿਆ ਜਾ ਸਕਦਾ ਹੈ

ਕੈਂਸਰ ਦੀ ਰੋਕਥਾਮ ਦਾ ਸਭ ਤੋਂ ਚੰਗਾ ਉਪਾਅ ਇਹੀ ਹੈ ਕਿ ਕੈਂਸਰ ਨੂੰ ਹੋਣ ਤੋਂ ਰੋਕਣ ਵਾਲੀਆਂ ਚੀਜ਼ਾਂ 'ਤੇ ਧਿਆਨ ਦਿੱਤਾ ਜਾਵੇ।

ਕੋਈ ਵੀ ਚੀਜ਼ ਜੋ ਕੈਂਸਰ ਹੋਣ ਦੀ ਸੰਭਾਵਨਾ ਨੂੰ ਵਧਾਉਂਦੀ ਹੈ ਉਸਨੂੰ ਜੋਖ਼ਮ ਕਾਰਕ ਕਿਹਾ ਜਾਂਦਾ ਹੈ। ਕੋਈ ਵੀ ਚੀਜ਼ ਜੋ ਕੈਂਸਰ ਹੋਣ ਦੀ ਸੰਭਾਵਨਾ ਨੂੰ ਘਟਾਉਂਦੀ ਹੈ ਉਸਨੂੰ ਕੈਂਸਰ ਸੁਰੱਖਿਆ ਕਾਰਕ ਕਿਹਾ ਜਾਂਦਾ ਹੈ। ਕੈਂਸਰ ਦੀ ਰੋਕਥਾਮ ਲਈ ਜੋਖ਼ਮ ਕਾਰਕਾਂ ਤੋਂ ਬਚਣਾ ਅਤੇ ਸੁਰੱਖਿਆ ਕਾਰਕਾਂ ਨੂੰ ਵਧਾਉਣਾ ਜ਼ਰੂਰੀ ਹੈ।

ਲਿਵਰ ਕੈਂਸਰ ਲਈ ਸੁਰੱਖਿਆ ਕਾਰਕ ਹਨ:

ਲਿਵਰ ਕੈਂਸਰ ਦੀਆਂ ਸਟੇਜਾਂ

ਕੈਂਸਰ ਦੀ ਸਟੇਜ ਇਹ ਦੱਸਦੀ ਹੈ ਕਿ ਸਰੀਰ ਵਿੱਚ ਕੈਂਸਰ ਕਿਸ ਹੱਦ ਤੱਕ ਫੈਲ ਚੁੱਕਿਆ ਹੈ। ਲਿਵਰ ਕੈਂਸਰ ਦੀਆਂ ਸਟੇਜਾਂ ਬਾਰੇ ਜਾਣਨਾ ਇਸ ਦੇ ਇਲਾਜ ਲਈ ਵਿੱਚ ਬਹੁਤ ਅਹਿਮ ਭੂਮਿਕਾ ਨਿਭਾਉਂਦਾ ਹੈ।

ਅਮਰੀਕਾ ਦੇ ਨੈਸ਼ਨਲ ਕੈਂਸਰ ਇੰਸਟੀਚਿਊਟ ਦੀ ਵੈਬਸਾਈਟ ਮੁਤਾਬਕ, ਲਿਵਰ ਕੈਂਸਰ ਲਈ ਕਈ ਸਟੇਜਿੰਗ ਸਿਸਟਮ ਹਨ। ਬਾਰਸੀਲੋਨਾ ਕਲੀਨਿਕ ਲਿਵਰ ਕੈਂਸਰ (ਬੀਸੀਐਲਸੀ) ਸਟੇਜਿੰਗ ਸਿਸਟਮ ਵਿਆਪਕ ਤੌਰ 'ਤੇ ਪ੍ਰਾਇਮਰੀ ਲਿਵਰ ਕੈਂਸਰ ਨੂੰ ਸਟੇਜ ਕਰਨ ਲਈ ਵਰਤਿਆ ਜਾਂਦਾ ਹੈ। ਇਸ ਸਿਸਟਮ ਦੀ ਵਰਤੋਂ ਮਰੀਜ਼ ਦੇ ਠੀਕ ਹੋਣ ਦੀ ਸੰਭਾਵਨਾ ਦਾ ਅੰਦਾਜ਼ਾ ਲਗਾਉਣ ਅਤੇ ਇਲਾਜ ਦੀ ਯੋਜਨਾ ਬਣਾਉਣ ਲਈ ਕੀਤੀ ਜਾਂਦੀ ਹੈ।

ਕੈਂਸਰ ਦੀ ਸਟੇਜਿੰਗ ਇਨ੍ਹਾਂ ਆਧਾਰਾਂ 'ਤੇ ਕੀਤੀ ਜਾਂਦੀ ਹੈ:

ਬੀਸੀਐਲਸੀ ਸਟੇਜਿੰਗ ਸਿਸਟਮ ਦੀਆਂ ਪੰਜ ਸਟੇਜਾਂ ਹਨ:

(ਦੱਸ ਦੇਈਏ ਕਿ ਇਹ ਸਟੇਜਿੰਗ ਸਿਸਟਮ ਬਾਲਗਾਂ ਲਈ ਅਪਣਾਇਆ ਜਾਂਦਾ ਹੈ, ਬੱਚਿਆਂ ਲਈ ਇਸਦੇ ਪੈਮਾਨੇ ਵੱਖਰੇ ਹੁੰਦੇ ਹਨ)

ਲਿਵਰ ਕੈਂਸਰ ਦਾ ਕੀ ਹੈ ਇਲਾਜ

ਅਮਰੀਕਾ ਦੇ ਨੈਸ਼ਨਲ ਕੈਂਸਰ ਇੰਸਟੀਚਿਊਟ ਦੀ ਵੈਬਸਾਈਟ ਮੁਤਾਬਕ, ਲਿਵਰ ਕੈਂਸਰ ਵਾਲੇ ਲੋਕਾਂ ਲਈ ਵੱਖ-ਵੱਖ ਕਿਸਮਾਂ ਦੇ ਇਲਾਜ ਹਨ। ਕੁਝ ਇਲਾਜ ਮਿਆਰੀ ਹਨ (ਜੋ ਵਰਤਮਾਨ ਵਿੱਚ ਵਰਤੇ ਜਾ ਰਹੇ ਹਨ), ਅਤੇ ਕੁਝ ਕਲੀਨਿਕਲ ਅਜ਼ਮਾਇਸ਼ਾਂ ਵਿੱਚ ਟੈਸਟ ਕੀਤੇ ਜਾ ਰਹੇ ਹਨ।

ਲਿਵਰ ਕੈਂਸਰ ਦੇ ਇਲਾਜ

1. ਨਿਗਰਾਨੀ

ਸਕ੍ਰੀਨਿੰਗ ਦੌਰਾਨ ਪਾਏ ਜਾਣ ਵਾਲੇ 1 ਸੈਂਟੀਮੀਟਰ ਤੋਂ ਛੋਟੇ ਜਖ਼ਮਾਂ ਦੀ ਨਿਗਰਾਨੀ ਕੀਤੀ ਜਾਂਦੀ ਹੈ। ਹਰ 3 ਮਹੀਨਿਆਂ ਬਾਅਦ ਫਾਲੋ-ਅੱਪ ਕਰਨਾ ਪੈਂਦਾ ਹੈ। ਇਸ ਦੌਰਾਨ ਇਲਾਜ ਨਹੀਂ ਦਿੱਤਾ ਜਾਂਦਾ, ਸਗੋਂ ਇਹ ਦੇਖਿਆ ਜਾਂਦਾ ਹੈ ਕਿ ਸਥਿਤੀ ਵਿੱਚ ਕੋਈ ਬਦਲਾਅ ਤਾਂ ਨਹੀਂ ਆਇਆ ਭਾਵ ਸਥਿਤੀ ਪਹਿਲਾਂ ਨਾਲੋਂ ਵਿਗੜੀ ਤਾਂ ਨਹੀਂ। ਸਥਿਤੀ ਵਿੱਚ ਬਦਲਾਅ ਆਉਣ ਤੋਂ ਬਾਅਦ ਹੀ ਇਲਾਜ ਸ਼ੁਰੂ ਹੁੰਦਾ ਹੈ।

2. ਸਰਜਰੀ

ਇੱਕ ਅੰਸ਼ਕ ਸਰਜਰੀ ਵਿੱਚ ਲਿਵਰ ਦੇ ਉਸ ਹਿੱਸੇ ਨੂੰ ਹਟਾਇਆ ਜਾਂਦਾ ਹੈ ਜਿੱਥੇ ਕੈਂਸਰ ਪਾਇਆ ਜਾਂਦਾ ਹੈ। ਕਿਉਂਕਿ ਲਿਵਰ ਸਾਡੇ ਸਰੀਰ ਦਾ ਅਜਿਹਾ ਅੰਗ ਹੈ ਜੋ ਦੁਬਾਰਾ ਵਿਕਸਿਤ ਹੋ ਸਕਦਾ ਹੈ, ਇਸ ਲਈ ਇਹ ਮੁੜ ਵੱਧ ਜਾਂਦਾ ਹੈ ਅਤੇ ਆਪਣਾ ਕੰਮ ਜਾਰੀ ਰੱਖ ਸਕਦਾ ਹੈ।

3. ਲਿਵਰ ਟ੍ਰਾਂਸਪਲਾਂਟ

ਲਿਵਰ ਟ੍ਰਾਂਸਪਲਾਂਟ ਵਿੱਚ, ਪੂਰੇ ਲਿਵਰ ਨੂੰ ਹਟਾ ਦਿੱਤਾ ਜਾਂਦਾ ਹੈ ਅਤੇ ਇੱਕ ਸਿਹਤਮੰਦ ਦਾਨ ਕੀਤਾ ਗਿਆ ਲਿਵਰ ਲਗਾਇਆ ਜਾਂਦਾ ਹੈ। ਪਰ ਇਹ ਉਦੋਂ ਹੀ ਹੋ ਸਕਦਾ ਹੈ ਜਦੋਂ ਬਿਮਾਰੀ ਸਿਰਫ਼ ਲਿਵਰ ਤੱਕ ਫੈਲੀ ਹੋਵੇ ਅਤੇ ਹੋਰ ਅੰਗਾਂ ਤੱਕ ਨਾ ਪਹੁੰਚੀ ਹੋਵੇ। ਨਾਲ ਹੀ ਲਿਵਰ ਦਾਨ ਵਿੱਚ ਮਿਲਣਾ ਵੀ ਸੌਖਾ ਨਹੀਂ ਹੁੰਦਾ।

4. ਐਬਲੇਸ਼ਨ ਥੈਰੇਪੀ

ਐਬਲੇਸ਼ਨ ਥੈਰੇਪੀ ਕੈਂਸਰ ਟਿਸ਼ੂ ਨੂੰ ਹਟਾ ਦਿੰਦੀ ਹੈ ਜਾਂ ਨਸ਼ਟ ਕਰ ਦਿੰਦੀ ਹੈ। ਜਿਗਰ ਦੇ ਕੈਂਸਰ ਲਈ ਵੱਖ-ਵੱਖ ਕਿਸਮਾਂ ਦੀਆਂ ਐਬਲੇਸ਼ਨ ਥੈਰੇਪੀ ਦੀ ਵਰਤੋਂ ਕੀਤੀ ਜਾਂਦੀ ਹੈ।

5. ਐਂਬੋਲਾਇਜ਼ੇਸ਼ਨ ਥੈਰੇਪੀ

ਇਹ ਥੈਰੇਪੀ ਉਨ੍ਹਾਂ ਲੋਕਾਂ ਲਈ ਵਰਤੀ ਜਾਂਦੀ ਹੈ ਜੋ ਟਿਊਮਰ ਜਾਂ ਐਬਲੇਸ਼ਨ ਥੈਰੇਪੀ ਲਈ ਸਰਜਰੀ ਨਹੀਂ ਕਰਵਾ ਸਕਦੇ ਅਤੇ ਜਿਨ੍ਹਾਂ ਦਾ ਟਿਊਮਰ ਲਿਵਰ ਤੋਂ ਬਾਹਰ ਵੀ ਨਹੀਂ ਫੈਲਿਆ ਹੁੰਦਾ। ਇਸ ਵਿੱਚ ਟਿਊਮਰ ਤੱਕ ਖੂਨ ਦੇ ਪ੍ਰਵਾਹ ਨੂੰ ਰੋਕਿਆ ਜਾਂ ਘਟਾਇਆ ਜਾਂਦਾ ਹੈ। ਜਦੋਂ ਟਿਊਮਰ ਨੂੰ ਲੋੜੀਂਦੀ ਆਕਸੀਜਨ ਅਤੇ ਪੌਸ਼ਟਿਕ ਤੱਤ ਨਹੀਂ ਮਿਲਦੇ, ਤਾਂ ਇਸ ਦੇ ਵਧਣ ਦੀ ਸਮਰੱਥਾ ਘੱਟ ਜਾਂਦੀ ਹੈ।

6. ਟਾਰਗੇਟਿਡ ਥੈਰੇਪੀ

ਟਾਰਗੇਟਿਡ ਥੈਰੇਪੀ ਇੱਕ ਕਿਸਮ ਦਾ ਇਲਾਜ ਹੈ ਜੋ ਖ਼ਾਸ ਕੈਂਸਰ ਸੈੱਲਾਂ ਦੀ ਪਛਾਣ ਕਰਨ ਅਤੇ ਹਮਲਾ ਕਰਨ ਲਈ ਦਵਾਈਆਂ ਜਾਂ ਹੋਰ ਪਦਾਰਥਾਂ ਦੀ ਵਰਤੋਂ ਕਰਦਾ ਹੈ।

7. ਇਮਯੂਨੋਥੈਰੇਪੀ

ਇਮਯੂਨੋਥੈਰੇਪੀ ਇੱਕ ਅਜਿਹਾ ਇਲਾਜ ਹੈ ਜੋ ਕੈਂਸਰ ਨਾਲ ਲੜਨ ਲਈ ਵਿਅਕਤੀ ਦੇ ਇਮਿਊਨ ਸਿਸਟਮ (ਰੋਗ ਪ੍ਰਤੀਰੋਸ਼ਕ ਸ਼ਕਤੀ) ਦੀ ਵਰਤੋਂ ਕਰਦਾ ਹੈ। ਸਰੀਰ ਦੁਆਰਾ ਬਣਾਏ ਗਏ ਜਾਂ ਪ੍ਰਯੋਗਸ਼ਾਲਾ ਵਿੱਚ ਬਣਾਏ ਗਏ ਪਦਾਰਥਾਂ ਦੀ ਵਰਤੋਂ ਕਰਕੇ ਇਮਿਊਨ ਸਿਸਟਮ ਨੂੰ ਸ਼ਕਤੀ ਪ੍ਰਦਾਨ ਕੀਤੀ ਜਾਂਦੀ ਹੈ।

8. ਰੇਡੀਏਸ਼ਨ ਥੈਰੇਪੀ

ਬਾਹਰੀ ਰੇਡੀਏਸ਼ਨ ਥੈਰੇਪੀ ਸਰੀਰ ਦੇ ਕੈਂਸਰ ਵਾਲੇ ਖੇਤਰ ਵੱਲ ਉੱਚ-ਊਰਜਾ ਵਾਲੀਆਂ ਐਕਸ-ਰੇਜ਼ ਜਾਂ ਹੋਰ ਕਿਸਮਾਂ ਦੇ ਰੇਡੀਏਸ਼ਨ ਭੇਜਦੀ ਹੈ। ਇਹ ਪ੍ਰਕਿਰਿਆ ਕਈ ਵਾਰ ਕਰਨੀ ਪੈਂਦੀ ਹੈ।

ਹਾਲਾਂਕਿ, ਮੋਟੇ ਤੌਰ 'ਤੇ ਲਿਵਰ ਕੈਂਸਰ ਦਾ ਇਲਾਜ ਕਿੱਥੋਂ ਤੱਕ ਸੰਭਵ ਹੈ, ਇਹ ਇਸ ਗੱਲ 'ਤੇ ਨਿਰਭਰ ਕਰਦਾ ਹੈ ਕਿ ਵਿਅਕਤੀ ਨੂੰ ਕਿਸ ਸਟੇਜ ਦਾ ਕੈਂਸਰ ਹੈ ਅਤੇ ਉਹ ਕਿੱਥੇ-ਕਿੱਥੇ ਫੈਲਿਆ ਹੋਇਆ ਹੈ।

ਕੌਣ ਹਨ ਦੀਪਿਕਾ ਕੱਕੜ

ਦੀਪਿਕਾ ਕੱਕੜ ਭਾਰਤੀ ਟੀਵੀ ਦਾ ਜਾਣਿਆ-ਪਛਾਣਿਆ ਚਿਹਰਾ ਹਨ। ਉਨ੍ਹਾਂ ਨੂੰ ਸੀਰੀਅਲ 'ਸਸੁਰਾਲ ਸਿਮਰ ਕਾ' ਤੋਂ ਪਛਾਣ ਮਿਲੀ ਸੀ ਅਤੇ ਉਹ 'ਪਲਟਨ' ਫ਼ਿਲਮ ਵਿੱਚ ਵੀ ਨਜ਼ਰ ਆਏ ਸਨ।

ਦੀਪਿਕਾ ਬਿਗ ਬੌਸ ਸੀਜ਼ਨ 12 ਦੇ ਵੀ ਜੇਤੂ ਰਹੇ ਹਨ। ਹਾਲ ਹੀ ਵਿੱਚ ਉਹ ਟੀਵੀ ਸੀਰੀਜ਼ 'ਸਿਲੇਬਰਟੀ ਮਾਸਟਰ ਸ਼ੈਫ ਇੰਡੀਆ' ਵਿੱਚ ਵੀ ਸ਼ਾਮਲ ਹੋਏ ਸਨ ਪਰ ਮੋਢੇ ਦੀ ਸੱਟ ਕਾਰਨ ਉਨ੍ਹਾਂ ਨੂੰ ਇਹ ਸ਼ੋਅ ਅੱਧ ਵਿਚਕਾਰ ਹੀ ਛੱਡਣਾ ਪਿਆ ਸੀ।

ਦੀਪਿਕਾ ਨੇ ਆਪਣੇ ਕਰੀਅਰ ਸ਼ੁਰੂਆਤ ਇੱਕ ਏਅਰ ਹੋਸਟੇਸ ਵਜੋਂ ਕੀਤੀ ਸੀ ਅਤੇ ਫਿਰ ਉਨ੍ਹਾਂ ਦਾ ਝੁਕਾਅ ਟੀਵੀ ਵੱਲ ਹੋ ਗਿਆ।

ਦੀਪਿਕਾ ਨੇ ਟੀਵੀ ਅਦਾਕਰ ਸ਼ੋਏਬ ਇਬ੍ਰਾਹਿਮ ਨਾਲ ਵਿਆਹ ਕੀਤਾ ਹੈ ਅਤੇ ਦੋਵਾਂ ਦਾ ਇੱਕ ਬੇਟਾ ਵੀ ਹਨ।

ਸ਼ੋਏਬ ਨਾਲ ਦੀਪਿਕਾ ਦਾ ਦੂਜਾ ਵਿਆਹ ਹੈ। ਉਨ੍ਹਾਂ ਨੇ ਆਪਣੇ ਪਹਿਲੇ ਪਤੀ ਰੌਣਕ ਤੋਂ 2015 ਵਿੱਚ ਤਲਾਕ ਲੈ ਲਿਆ ਸੀ।

ਬੀਬੀਸੀ ਲਈ ਕਲੈਕਟਿਵ ਨਿਊਜ਼ਰੂਮ ਵੱਲੋਂ ਪ੍ਰਕਾਸ਼ਿਤ

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTER, WhatsApp ਅਤੇ YouTube 'ਤੇ ਜੁੜੋ।)