कॅनडा : जस्टिन ट्रुडो सलग तिसऱ्यांदा निवडणूक जिंकले, पण...
फोटो स्रोत, Getty Images
कॅनडाचे पंतप्रधान जस्टिन ट्रुडो यांच्या लिबरल पार्टीने सोमवार (20 सप्टेंबर) रोजी झालेल्या सार्वत्रिक निवडणुकांत विजय मिळवला आहे. संसदेत बहुमत मात्र त्यांना मिळालेलं नाही. मध्यावधी निवजणुका घेण्याचा ट्रुडो यांचा निर्णय फारसा फायद्याचा ठरलेला नाही.
जस्टिन ट्रुडो यांचा लिबरल पक्ष सर्वाधिक जागा जिंकणारा पक्ष ठरला आहे. 2015 साली ते पहिल्यांदा विजयी झाले आणि तेव्हापासून ते सत्तेत आहेत.
लिबरल पक्षाने 157 जागांवर पूर्ण विजय मिळवला आहे किंवा जिंकण्याच्या स्थितीत आहे. 2019 साली त्यांच्या पक्षाला इतक्याच जागा मिळाल्या होत्या. कॅनडामधील संसदेत बहुमतासाठी 170 जागांची गरज आहे.
कॉन्झर्वेटिव पक्षाला 121 जागांवर विजय मिळाला किंवा ते जिंकण्याच्या स्थितीत आहे. 2019मध्ये त्यांचीही अशीच स्थिती होती. डावे न्यू डेमोक्रॅट्स 29 जागा जिंकण्याच्या स्थितीत आहेत. गेल्यावेळेपेक्षा त्यांना 5 जागांचा फायदा झाला आहे.
ब्लॉक क्यूबेकोइसच्या जागा कमी होऊन 28 झाल्या आहेत ग्रीन पार्टीला फक्त दोन जागांवर समाधान मानावं लागणार आहे.
अल्पमतातलं सरकार चालवणाऱ्या ट्रुडो यांनी मध्यावधीचा निर्णय घेतला होता. अर्थात त्यांचं सरकार कोसळण्याची कोणतीही शक्यता नव्हती.
मध्यावधी निवडणुकीची काहीही गरज नव्हती, ट्रुडो यांनी स्वतःच्या महत्वाकांक्षेसाठी हा निर्णय घेतल्याटी टीका विरोधकांनी केली होती.
फोटो स्रोत, Reuters
ऑगस्ट महिन्यात जेव्हा जस्टीन ट्रुडो यांनी वेळेआधी निवडणुका घोषित केल्या होत्या, तेव्हा ते म्हणाले होते, "कॅनडाच्या जनतेला आता हे ठरवायचं आहे की आपली कोव्हिड-19 च्या विरोधातली लढाई कशी संपवायची आहे."
कॅनडात लसीकरणाची मोहीम सुरू झाली, तेव्हा काही अडचणी आल्या खऱ्या, पण अपेक्षेपेक्षा कॅनडातल्या लोकांचं लसीकरण जलद गतीने झालं. लॉकडाऊनचे निर्बंध शिथिल झाल्यामुळे लोक उन्हाळ्याचाही आनंद घेताना दिसत होते.
हेही वाचलंत का?
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त
(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.
बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.
'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)
