Fury vs Wilder II: Tyson na Deontay ekwetela izute onwe ha ọzọ
Ebe foto si, Getty Images
Ndị otiọkpọ abụọ a ma ama bụ Tyson Fury na Deontay Wilder ekwetala izute onwe ha ọzọ.
Ọgụ a ga abụ n'obodo Las Vegas nke mba Amerịka ka ọ ga-adị mee, n'abalị iri abụọ na abụọ nke ọnwa Febụwarị afọ 2020.
Ọ bụ ọgụ nke a ka a ga-eji amata mbe abụọ nke bụ oke.
Cheta na Fury na Wilder zuteburu onwe ha n'ọnwa Disemba nke 2018.
N'ọgụ nke ahụ, ha abụọ enweghị onye meriri ibe ya.
Nke a mere ka ọtụtụ ndị mmadụ na-atụ anya ka a lụgharịa ya bụ ọgụ.
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post, 1
N'akara 'Twitter' ya, Wilder kwuru na "oge eruola mgbe m ga-emetọpụ ihe m malitere".
"A ga m agba mbọ hụ na m zara ajụjụ niile."
Wilder nwere ike itufu mgbanukwu WBC ya ma ọ bụrụ na Fury merie ya na Febrụwarị 22.
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post, 2
Fury n'onwe ya gwakwara ndị nkwado ya na ya "ga-akutu Wilder, kụpụ ya mkpụrụ ọkwụrụ n'anya".
Mgbe Fury na Wilder zutere n'afọ gara aga, Wilder kuturu ya n'ala ugboro abụọ mana o bilitere.
N'ọnwa June, Fury meriri Tom Schwartz nke mba Jamanị, ma merie Otto Wallin nke mba Sweden n'ọnwa Septemba.
Akụkọ ndị ọzọ ga-amasị gị:
Ihe nkiri ga-amasị gị:
