Bimodial Voting Accreditation System: Gịnị bụ 'BVAS' butere ọgbatuhie na ntuliaka Anambra Novemba 6?
BVAS bụ Bimodial Voting Accreditation System (BVAS) bụkwa akụrụngwa ọhụrụ ụlọọrụ Inec na-ahazị ntuliaka na Naịjirịa wepụtara e ji mee ntụliaka ọkwa Gọvanọ Anambra steeti.
Ntụlịaka ahụ nke mere n'ụbochị 6 nke ọnwa Nọvemba dọtịrị ruo ụbọchị 7 nke ọkwa Nọvemba maka ọgbatuhie ya bụ akụrụngwa butere.
Ọ bụ na nzụkọ ndị ntuliaka metụtara na onyeisioche Inec bụ Mahmood Yakubu wepụtara mbụ ma kwuo na-aga eji ya mee ntuliaka Anambra steeti na-abịa.
Igwe ahụ nwereike ịwepụta aha ndị denyere aha ntuliaka sịte na njirmara mkpisi aka ha nakwa ihu ha.
Nke a bụ iji kwụsị ndị chọrọ iji Permanent Voter's Card (PVC) onye ọzọ mee nrụrụaka na ntuliaka ọbụla.
Yakubu kwuru na agaghịzị e ji 'incident form' mee ntuliaka ọzọ n'ihi igwe a.
Ọ bụkwa naanị ndị denyere aha n'uju ma nwee PVC ha ga-enwe ike ịme ntuliaka a eji BVAS e me.
Onye ọbụla igwe BVAS bụ Bimodial Voting Accreditation System (BVAS) a chọpụtaghị aha ya agaghị enweike mee ntuliaka nke mere na o butere nsogbu na ntuliaka Anambra steeti dịka igwe ahụ wụrụ ndị mmadụ n'ala.
Inec na nkọwa ha kwuru na "anyị amalitela nnyocha banyere ihe mere ọtụtụ igwe BVAS ejighi rụ ọrụ taa".
Cheta na ụlọomeiwu ukwu Naịjirịa nyere Inec ikike iji igwe teknụzụ wepụta mpụtara ntuliaka ọbụla a ga-eme na Naịjirịa.
Mana ha kwuru na Inec ga-anata ikike ọzọ n'aka ụlọọrụ na-ahụ maka mgbasaozi bụ NCC tupu ha enweike mee nke a.
