Operation Restore Peace: Ụnụ anọla nkịtị ka ndị ekperima na-awakpo ụnụ, burunụ ụzọ gbuo ha - IGP Alkali Baba
"Ụnụ anọla nkịtị na-eche ka ndị uweojii wakpoo ụnụ, burunu ụzọ wakpoo ha ma gbukpọọ ha."
Nke a bụ ndụmọdụ onyeisi ndị uweojii bụ Usman Alkali Baba nyere ndị uweojii na mpaghara Ọwụwa Anyanwụ n'ụbọchị Tuzde.
- Insecurity in Southeast Nigeria: Ebe niile awakporo ụlọọrụ ndị uweojii n'Abia, Anambra, Ebonyi, Enugu na Imo steeti
- 'Ihe kpatara agha Biafra amalitela ime ọzọ ugbua'
- Nkata ọhụrụ ndị Gọvanọ ọwụwa-anyanwụ na-akpa maka nchekwa
- Ọ bụghị eziokwu na a napụrụ ndị ọchịchị Ọwụwa Anyanwụ ndị uweojii na-eche ha nche - Uweojii Delta Steeti
Alkali Baba nyekwara ndị ọrụ ya iwu ka ha ghara ị na-agbara ndị ekperima ọsọ, maọbụ gbachi nkịtị ka a na-anakọrọ ha egbe.
O kwuru nke a n'Enugwu n'Tuzde n'emume iwepụta amụma ọhụrụ a kpọrọ "Operation Restore Peace" nke ọ mapụtara maka ịweta udo na mpaghara Ọwụwa Anyanwụ.
Ntụziaka na-abịa dịka akụkọ ndị ji egbe na-awakpo ogige ndị uweojii nakwa na-egbu ndị uweojii na-arị ibe ya elu n'Ọwụwa Anyanwụ.
Alkali Baba, onye kwuru na oge eruola ka ndị uweojii ga-ebu agha gaa n'ọnụama ndị ekperima gwara ndị ọrụ ya sịrị,
Ebe foto si, Nigeria Police Force
O kwuru sị: "Ị gaghị ejide ngwa ọgụ ghara ịma ka esi echekwa ọnwe gị. Were ngwaọrụ gị chekwa onwe gị."
"Gbachị nkịtị ihe ndị ntaakụkọ na'ekwu, meenụ ihe m nyere ụnụ n'iwu."
"Buru ụnụ ụzọ buso ha agha ebe ọbụla ha nọ ma gbuchaa ha dum."
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post
"Onyeisiala enyela iwu ka ụnụ gbatuo onye ọbụla ụnụ hụrụ AK47 n'aka ya, ikike ọzọ ka ụnụ na-eche?"
"Anyị kwesịrị ichekwa ndị mmadụ mana ụgbua anyị enweghị ike ichekwa onwe gị, onye ka ụta dịrị.?"
"Ị na-achọ ke e nye gị ikike ịchekwa onwe gị, onye ga-enye gị ya. Nọrọ ebe ahụ na-eche ka ịbanye n'ime ili tupu enye gị ya.".
N'ọgbakọ ahụ, Gọvanọ Enugwu Steeti bụ Ifeanyi Ugwuanyi kelere onyeisi ndị uweojii maka atụmatụ 'Operation Restore Peace'.
O kwere nkwa na ndị gọvanọ Ọwụwa Anyanwụ kwadoro ihe ọbụla a ga-eme ka udo wee laghachi na mpaghata ahụ.
