Bubonic Plague: Ihe ị kwesịrị ịma maka ọrịa a

Ndị ọrụahụike mba Chaịna etinyela usoro e ji egbochi ọrịa a na-akpọ "Bubonic Plague" dịka otu onye buterela ya na mpaghara Mongolia.

Dịka akụkọ si na mba ahụ pụta si kwuo, onye a chọtara ya bụ ọrịa n'ahụ ya ugbua bụ onye na-achị anụmanụ n'obodo Bayannur.

Ha kwuru na e tinyela nwoke ahụ butere ya na ndopu iji gbochie mfesa ya bụ ọrịa.

Ọrịa a selitere isi ugbua na mba Chaịna abụghị mbụ ụwa na-anụ maka ya, mana gịnị ka ị kwesịrị ịma maka ya?

Lee ihe ndị ị kwesịrị ịma maka ya bụ ọrịa

Ihe na-ekesa ọrịa a

A na-echebu na ọ bụ oke na-ekesa ọrịa bubonic plague mana nchọpụta na-egosi na ọ bụ akpịrị na-esi n'ahụ ụmụ anụmanụ ebunye ya ndị mmadụ.

Ya bụrụ na akpịrị taa onye bu ya ma taa onye ọzọ ọ ga-ebunye ya onye ahụ.

Etu ọzọ bu mmadụ rie anụ si n'anụmanụ bu ọrịa a.

Esikwa ikuru ume ikuku ọrịa dị n'ime ya ebute ya.

Kedụ ama ya?

Ihe na-egosi n'ahụ onye bu ọrịa bụ:

Ọrịa a ọ ka na-egbu mmadụ?

Ọrịa a naghizi enye ụdịrị nsogbu ọ na-enye mgbe gboo mana ọ na-adapụta ụfọdụ oge.

N'afọ 2017 ọ sepụtere isi na mba Madagaska ka o fesara madụ 300. Mmadụ 30 n'ime ndị a nwụrụ, dịka akwụkwọ ntaakụkọ banyere ahụike a kpọrọ Lancet siri kwuo.

Nnyocha e mere n'ọnwa Ọktoba nke afọ 2015 gosiri na mmadụ 15 buterela ya bu ọrịa na mba Amerịka n'afọ ahụ.

N'ọnwa Mee n'afọ gara aga mmadụ abụọ nwụrụ na mba Mongolia site n'ọrịa a.

Ha butere ya ka ha richara anụ oke a na-akpọ marmot n'oyioyi.

A na-echekwa na onye bu ya ugbu a richara ụdịrị anụ ahụ.

Nke bụ eziokwu bụ na ọgwụ Bekee na-akpọ antibiotics na-ere n'ịgwọ ọrịa a, nke a mere ka ọkankụ ndị ọ na-egbu na-agbake.

Kedụ etụ esi egbochi ọrịa?

Bubonic plague enweghi ọgwụ mgbochi.

Ọ dị mkpa ka onye ọbụla gbaa mbọ dewe mbara ya ọcha iji gbochie ya.

Lee ụsọrọ mgbochi a ebe a: