Imo State: E kposaala ndịisioche okpuruọchịchị 27
Ebe foto si, Uche Akolisa
N'ụbọchị Tọzdee, Ụlọomeiwu Imo steeti kposara ndịisioche nke okpuru ọchịchị iri abụọ na asaa na steeti ahụ.
Ndị omeiwu a gwaziri ha ka ha nyefee ọchịchị n'aka ndị osote ha.
A na-ebo ndịisioche a ebubo na ha nupụrụ isi ịbịa kọwaa ka ha na ije siri gaa kamgbe ha weghara ọchịchị n'uloomeiwu steeti ahụ.
Mana otu onyeisioche okpuruọchịchị na-achọghị ka akpọọ aha ya, boro ndị uloomeiwu ahụ ebubo na ha kposara ha n'ihi na ha jụrụ inye ha ego aka azụ.
Onyeisiala enyela Emefiele ikike agba nke abụọ
Ebe foto si, PHILIP OJISUA
Akụkọ na-eru anyị ntị ugbua bụ na Godwin Emefiele bụ onyeisi ụlọakụ etiti ga-abịaghachi ọzọ.
Okwu a si n'akara ekwentị onyeisioche ụlọmeiwu ukwu nke Naịjirịa bụ Bukola Saraki.
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post, 1
Cheta na a nụrụ kepukepu na ọ gaghị enweta ohere agba nke abụọ maka na onyeisiala sị ya gaa ezumike.
Mana ọnụ na-ekwuchitere ụlọakụ etiti bụ Isaac Okoroafor gbaghara nke a kwuo na ọ bụghị eziokwu.
Na mba ofesi
Ka anyị gaa na Sawụt Afrịka ebe ngụpụta ihe karịri ọkara vootu niile a tụrụ na ntuliaka mba ahụ gosiri na otu ndọrọndọrọ bụ Africa National Congress bu ụzọ ugbua
Otu Democratic Alliance so ya n'azụ, ebe otu Economic Freedom Fighters nọ n'ọkwa nke atọ.
Okwu Chuwkwueze ebiela
Ebe foto si, Getty Images
Akụkọ na-eru anyị ntị n'egwuregwu e kwuola na otu Villareal emechala hapụ Samuel Chukwueze ka o gbara N aịjirịa bọọlụ n' asọmpị iko mba Afrịka nke na-abịa.
Chukwueze ga-eso ibe ya malite ọzụzụ n'Asaba n'ọnwa Juun.
Gee Nkeji ebe a:
Onyeisi ndị uweojii amapụtala amụma ịkpa ndị ntọ eze
Ebe foto si, Getty Images
Ndị uweojii azọpụtala mmadụ 27 a tọrọ gụnyere ndị Chaina mmadụ ise.
Mmadụ iri na abụọ n'ime ha bụ ndị a tọrọ na Zamfara steeti na steeti ndị ọzọ,ebe ndị Chaina ise ahụ bụ ndị a tọrọ na Bobi dị na Naija steeti n'abalị 15 nke ọnwa Eprelu afọ a.
Mana ndị uweoji siri imi n'ala ma gbapụta n'ọhịa dị na Birnin Gwari, Kaduna steeti.
N'ozi ọnụ na-ekwuru ndị uweojii Naijiria bụ Frank Mba wepụtara, a gbagburu ndị ntọ abụọ dịka ha na ndị uweojii na-akwa mgbọ.
N'otu aka ahụ, onyeisi ndị uweojii Naijiria bụ Mohammed Adamu nọrọ n'Abuja ụbọchị Tọzde malite atụmatụ ọhụrụ a kpọrọ 'Operation Puff Adder' maka iji buo agha megide ntọ na Naijiria.
Adamu kwere nkwa na njedebe mkpamkpa ndị omekome adịla nso.
Rochas akwaala arịrị
Rochas Okorocha na-akwa arịrị na-ekwu na ajọ agwa a kpasoro ya n'APC dị njọ ugboro iri karịa ihe ya gaara eme ya maọbụrụ na ọ na PDP.
Mgbe ọ gwara ndị ntaakụkọ nke a n'Abuja Okorocha sị na agbanyeghị nke a na ọ ka kwụchịm na Pati APC.
NLC ahụla ihe ha atụghị anya be Ngige
Ebe foto si, Getty Images
N'otu Abuja ahụ, ịkwe n'aka agafeela mpi aka n'okwu dị n'etiti Nigeria Labour Congress na Mịnịster ndị ọrụ bụ Chris Ngige.
Ndị a sịrị na ha bụ ndị agboro merụrụ ndị NLC ahụ ebe ha na-eme ngagharị iwe n'ihu ụlọ Chris Ngige n'Abuja. Mmadụ itoolu n'ime ndị ọrụ ahụ na-anata ọgwụgwọ n'ụlọọgwụ ugbua.
Ụlọikpe mkpegharị ewetuola Adeleke aka
Ebe foto si, @Gboyegaoyetola/@IsiakaAdeleke1
Unu anụla na Ụlọikpe mkpegharị dị n'Abuja sị na ha ekweteghị n'ihe ụlọikpe nta kwuru na ọ bụ Sịnetọ Ademola Adeleke meriri na ntuliaka gọvanọ Osun Steeti.
Ụlọikpe nta kwuru na Ademola Adeleke bụ onye ji ọkọlọtọ PDP zọọ ọkwa gọvanọ meriri Gboyega Oyetola nke APC na tulaika gọvanọ e mere na steeti ahụ.
Nke a mere Gboyega Oyetola nke APC na-achị steeti ahụ jiri rịọwa ụlọikpe mkpegharị ka ha lebe anya na ya bụ ikpe.
Ntuliaka Sawụt Afrika
Ebe foto si, Reuters
Na mba South Africa ka atụm vootu na-abịa n'isi njedebe, onyeisiala ha bụ Cyril Ramaphosa arịọla ọhanaeze mgbaghara maka oke mpụ na nrụrụaka ọ sị kechiri mba ahụ ọkpa.
Ya bụ onyeisiala so na-azọ ọkwa na-arịọ ka a gbaghara patị ha bụ ANC ma nyekwa ha ohere ọzọ ịdozi ya bụ mba.
BBC achụọla onye ntaakụkọ ha
BBC achụọla onye ntaakụkọ ha maka akụkọ ịkpa oke agbụru o dere n'akara Twitter banyere nwa ọhụrụ ọkparaeze Harry na Meghan mụrụ n'ịzuụka a.
Danny Baker gosiri foto dị na nwunye du adaka yị uwe dee na "nwa Eze ahapụla ụlọọgwụ".
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post, 2
Otu a ka Danny sị jiri aka ya detere onwe ya ajọ ihe.
Ajax 2 - 3 Tottenham
Ebe foto si, Getty Images
Ụmụibe egwu tara akpụ ụnyaahụ n'etiti Ajax na Tottenham ebe ọfọrọ tinkọm tinkọm ole ka egbuchie ya bụ asọmpi mgbe Lucas Moura tinyere goolu nyere Tottenham mmeri.
Tottenham ji ọkpụ atọ asatara abụọ merie Ajax nke mere na ha na Liverpool ga-akwata n'agba nke ikpeazụ.
