Nigerian Police: E gburu ụmụaka abụọ ma tụnye ha n'ime igbe njụoyi

13 Nọvemba 2018

Ndị uweojii ejichiela otu nwoke a kpọrọ Michael Ede bị n'Ikorodu dị na Lagos iji nyere ha aka n'ịchọpụta onye gburu ụmụ ya abụọ.

E nwetara ozu ụmụ abụọ ndị a dị afọ isii na afọ anọ n'ime igbe njụoyi dị n'ụlọ ya.

Kedụ ka nne a siri gbuo naanị nwa nwoke o nwere?
"Nwa m nwoke dị afọ 13 gburu nwa m nwaanyị"
Nwoke akụgbuola nwa ya n'Enugwu

Dịka Ede onye gara mee mkpesa n'ogige ndị uweojii siri kọwa, ya na ụmụ ya kpochiri ụzọ laba ụra n'abalị, mana n'etiti abalị oge ọ gara ịnyụ mamiri, ọ hụzighị ụmụ ya.

Ọ chọwara ha ma hụ ozu ha n'ime igbe njuonyi.

N'okwu ya, onye na-ekwuchitere ndị uweojii na Lagos state bụ Chike Otih kwuru na ndị uweojii nwuchiri nwoke ahụ iji nyere ha aka ime nyocha banyere okwu a.